I KORINTH 12:10 - Khumi Common Language Bible

¹⁰ khumi takhra teng y ly atiti rengrang sa thai ai nairachi pei nai ne; khumi takhra teng y ly phailochi ai pany thai ai naira pei nai ne; naibaly khumi takhra teng y ly leu athai y nai takhra takhra thui thai ai naira pei nai ne; khumi takhra teng y ly leu athai y nai takhra takhra thui pi pachai thai ai naira pei nai ne;

I KORINTH 12:10 ပူးပေါင်းရင်းမြစ်များ

JOELA 2:28

“Naibaly kai ly kaimy i Phailo ai, khumi bawibawichi tlang tleaung y leih pi ai. Nang i cho chanauchi ly kai i leu pei nai ahei hai ai. Saneng len nai khumichi ly amangchi amang u ai i, thawndeang deaungdichi ly paleung mei y niu u ai.

MARKA 16:17

Naibaly hini ka-ma-rachi ly ym naichi ai hui jojo ai: nichi ly kaimy i amyn y vawinamchi ai patheu ai i, leu kangtha y katheu ai; pavuichi ai py kiu y my la u ai;

MARKA 16:20

Hunaibaly nichi ly theu u iy, meingtym tleirei y leu thui; Areng my ly nichi ai sa hai iy, ka-ma-rachi tym hai nai deaungkho y leu ai ly khaw hai jojo. Amen.

LUKA 24:49

Naibaly khen cham, Ngaai i adeu nai ly nangchi teng y kang pato ai; na i py salo mang i dengdairei nangchi ai atiti sa thai naira y amthyp hai y ryrei ly avang y ajeng u jo rai ba,” napi.

JOHAN 14:12

Meitang khypkhyp kang thui pi, ami py kai ai ym baly kai i atiti sa naichi ly ni py sa teang ai; ne, kai ly Ampo teng y chei ai nai deaungkho y mymy ly hini tleaung y atiti len keh naichi sa ai rai.

JOHAN 16:13

Na i py mymy, Leu Meitang Phailo ang tym khala ly leu meitang bawibawi y ang pahawi ai: mymy i paseang amang nai leu thui y ai, mymy i leu thai nai ngierei ly ang thui pi ai; atiti tym ai naichi py ang pany hai ai.

AMTAW 1:8

Na i py Phailo kachai my nangmychi i tlang tleaung y tym nai khala y nangchi ly sa thai naira nga u ai; hunaibaly Jerusalem y py, Judai pri hawi Samari pri verei y py, khuteng taki y tym pa-rei nangchi ly kai i leu pany hai nai keungchi lawn ai,” napi.

AMTAW 11:27

Naibaly hunai thym khala y ly Tameuh i leu thui nai keung amichi mo Jerusalem i dengdairei Antiokei avang y chei kathiu.

AMTAW 11:28

Naibaly mymychi theung y leaungrei, amyn Akaba napi nai ly angdo iy, khaileaung pri verei y khrikhri pa-rei takang theu ai, nanai phailo my thui pi nai ly thai hai; huni ly klawdia my peang nai thym khala y tym.

AMTAW 19:6

Naibaly Pawla my mymychi i tlang tleaung y kiu tamam i, Phailo Kachai ly mymychi i tlang tleaung y tym ryp bo; hunaibaly nichi ly leu athai y naimy leu thui iy, Tameh i leu py thui bo.

AMTAW 5:3

Na i py Petera my, “Anania, Phailo Kachai ai ka-chawi thui ai nai hawi, meingtym vang ly phyrei um mai veng ai nai py ati mana nai nang i paleung y Setan my kawi hai lawh?

ROM AVANGCHI TENG Y PAWLA I CHA PA NAI 12:6

Naibaly achi ai pahenra ang pei nai kamta achi ly sa thai naira takhra takhra awm bawibawi; leu thui ai nai tla baly achi i ym nai kamta hawi khyp nai ryrei thui u sina;

ROM AVANGCHI TENG Y PAWLA I CHA PA NAI 15:19

ka-ma-rachi hawi rengrangchi atiti sa thai naira y py, Phailo Kachai i atiti sa thai naira y py, kai ai angteaung nai atiti sa naichi ny y baly kai ly ati sai py kathui vam y leang. Hunaibaly Jerusalem avang hawi huni tengtang i dengdairei Hurikon pri y khairei Krista i Satang Kahawi ly meingtym tleirei y kathuipi angym bo.

I KORINTH 11:4

Neampacho ly lu amym naimy chiu sa nai mo, leu thui pi nai mo ngierei ly mymy i lu ai amthang hai leaung nai ne.

I KORINTH 13:8

Tamen naira ly mana khala y py anawn y; na i py leu thui nairachi ly awm iy py anawn hai ai, leu athai y naichi ly awm iy py anawn ai, pany naira ly awm iy py anawn hai ai.

I KORINTH 14:13

Hunai deaungkho y leu athai y nai thui pi nai keung ly, thui pi pachai thai ai nai chiu so sy.

I KORINTH 14:39

Hunaibaly amjo amnauchi awi, leu thui ai nai ly khri pa-rei ngai u, naibaly leu athai y nai thui nai py kam u moh;

KALATIA 3:5

Naibaly nangchi teng y Phailo ang pei nai keung hawi nangchi theung y atiti rengrang sa nai keung ly, Reita i atitichi i sa nai deaunkho y sa nai a, ym nai deaungkho y tangai naira y sa nai a?

I THESALONIKA 5:20

leu thui nai ai ly tahm khai y nai awm u moh;

HEBRAI 2:4

Tameuh my py ka-ma-rachi hawi, atiti rengrangchi hawi, atiti sa thai naira cheaungkhang hawi, mymy i ngai nai kamta Phailo Kachai i atiti paji naichi deaungkho y nichi hawi pany hai bo.

I JOHAN 4:1

Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.

AMTENG HAI NAI 2:2

Nang i atiti sa naichi hawi, sa akawm nai hawi, kham tanga nai sai hawi, khumi kamngochi ai kham pajau y nai sai py kapany: naibaly amtaw thau naichi ny y naimy, amtaw thau nai angam naichi ai cham iy nichi ly tapawp nai keungchi ne, nanai pany bo;