I KORINTH 10:7 - Khumi Common Language Bible

⁷ Naibaly nichi theung i phyreichi i sa nai kamta nangchi ly myn y chiu nai keung lawn u moh, “Khumi mipuichi ly cha ai nai hawi nei ai nai ateh iy, amau ai nai angthau u bi,” nanai tajiu nai kamta.

I KORINTH 10:7 ပူးပေါင်းရင်းမြစ်များ

THEU NAI 32:17

Josua ly khumi mipuichi i aeu nai katyn thai nai khala Mosi teng y, “Tai naira mang aeu nai katyn amsau taw nai kathai lawh ly” napi.

THEU NAI 32:19

Mosi ly tai naira kang sa y tym nai khala, si cho myn hawi khumichi lam lengleang nai niu baly, khri pa-rei kado theu nai deaungkho y, my i syn nai lengseaung phei nyhrei ai mawi kheutang y aphi su i, tleu piu bo.

THEU NAI 32:4

Aron my muku kanochi ai patlawn iy muku hawi si cho myn sa bo. Naibaly khumi mipuichi my, “Israelachi awi, hini tameuh ly achi ai Aikupta pri i dengdairei pahawi nai keung, achi i tameuh ne he!” napi.

AMTAW 15:20

na i py nichi ly myn y chiu nai atiti chai y naichi hawi, angai nai hawi, mawi taau ka nai hawi, thi cha nai hawi anawn ai nai, achi ly mymychi teng y cha pa ai nai hawi keh, nanai dawn kai ly.

I KORINTH 10:14

Hunai deaungkho y kai i ngai parai naichi awi, myn y chiu nai ly angpreng u veng.

I KORINTH 5:11

Na i py vai ly ami py amjo amnau i amyn apu makho iy angai nai khumi mo, atakaw nai khumi mo, myn y chiu nai khumi mo, mhm pavui nai khumi mo, um paviu nai khumi mo ne baly, huna nai khumi hawi amkawm y ai nai hawi, cho py cho y ai nai py nangchi teng y kang tajiu bo.

I KORINTH 6:9

Naibaly khumi hawi y naichi ly Tameuh i pri amtym y leang, nanai pany u y nai sai a? Tapawp naira y awm u reng moh; angai naichi mo, myn y chiu naichi mo, pajang sa naichi mo, paleaung naichi mo, neampacho tengtawi paleaung naichi mo,

I KORINTH 8:7

Na i py huni pany naira ly khumi bawibawi y by y leang; phyreichi ly vai khrairei myn y dawn nai awm jo nai deaungkho y myn y apathyp nai pany nai iy cha u lawh; hunaibaly mymychi i hawi nai hawi y nai pany naira ly ham y nai deaungkho y chai y bo.

Leu Thui Nai 9:12

“Naibaly Areng my kai teng y, “Aikupta pri i dengdairei nangmy pahawi nai nang i khumichi ly amso ngai naichi sa u nai deaungkho y mawi i nai vaimy ang vum kathiu jau. Nichi ly kai i leu pei nai ngiereichi khai su iy, mychi chiu ai nai myn sa u bo,’ napi.

I JOHAN 5:21

Bechi awi, myn y ly amsym u.