I KORINTH 10:22 - Khumi Common Language Bible

²² Ti y baly achi ly Areng my takho ai nai pacheang nai tau lawh a? Achi ly mymy tleaung y ham keh lawh a?

I KORINTH 10:22 ပူးပေါင်းရင်းမြစ်များ

1 ARENG KEH 14:22

Juda mipuichi ly Areng i tlang tleaung kamngo sa u bo. Nichi ly amsi pajochi tleaung y malawn py, Areng kado theu ai nai kamngo sa tleaung sa ra nai ne.

JOBA 9:4

Tameuh i cheng naira hawi sa thai naira ly len parai nai deaungkho y, ami py mymy ai tiu pajau ai ny y.

SAM 78:58

Nichi ly tameuh ny y naichi ai chiu ai nai meingtym sa u nai molam y, nang ai kado theu hai; mynchi molam py mymy ai kado theu hai bo.

THEU NAI 20:5

Kai ly nangchi i Areng Tameuh ne i, mani myn ai py chiu u moh. Hunai deaungkho y myn ai lu meung u moh, chiu py chiu u moh. Kai ai niu ngai y nai keungchi ai ly nichi i katu chanauchi tlang tleaung y, deung thom deung palyh khrairei kapajeng ai.

THEU NAI 34:14

Kai, Areng ly ka-awi sa nai keung ai niu ngai y nai deaungkho y, nangchi ly tameuh takhra ai chiu ai nai tlo y.

Parip nai leu 6:10

Tym nai leaungsai ngiereichi ly jangni i dengdairei khai yb nai ne. Khumi ly amy tleaung y sa thai naira awm nai khumi hawi leu a-ei ai nai avo y, nanai achi bawibawi pany.

ISAIA 45:9

Takhra laawmchi hawi atawm nai alai laawm ly laawm beu nai keung ai ei vam na a? Khaileaung laikan my laawm beu nai keung teng y, nang ly ati sa nai mo, nanai deng na ti a? Alai laawm my, mymy ai sa nai keung ly kawp nai ny y, nanai cheh na ti a?

JEREMIA 44:8

Nangchi awm u ai nai tym nai hini Aikupta pri y, nangchi ly mynchi molam y hawi, tameuh takhrachi ai chiu nai molam y py, ati mana nai kai ai kado patheu u lawh mo? Nangchi ly nangmychi kypkyp my ataphra iy, khaileaung pri i khumi cheng cheaungkhangchi my cheh naira hawi panui hai naira lawm u ai. Nangchi i amyn y tau iy vaineng abeu u ai.

JEREMIA 7:19

Na i py paleung aleng tatang nai ly kai a? Ny y leang. Nichi naini mychi i paleung aleng hai iy, kangji nga u nai ne.

Ezekiela 22:14

Nang ai kaimy pajeng chum baly, nang ly sorai paleung awm rai na a? Nang i kiu pheu ai nai atho awm rai na a? Kai, Areng my leu pei nai ne; kai ly kaimy i leu pei nai kamta kasa khyp ai.

ZEPHANIAH 1:18

Areng i kado theu nai huni kani y, huni khumichi ly mychi i muku tangka awm nai ngierei pei u teu i py, tlang atleu u pajau ai ny y. Khaileaung pri verei ly mymy i kado theu nai mai y kang i, phra be ai. Mymy ly khaileaung pri y awm nai ngiereichi ai, vaimy myh pawn na pa-rei tara chih ai.

Leu Thui Nai 32:16

Nichi ly tameuh mynchi ai chiu nai kamngo molam y, katakhosi nai Areng ai kado theu hai bo.

Leu Thui Nai 32:21

Nichi i tameuh mynchi hawimy kai ai kado ang theu hai bo; nichi i tameuh tatang ny y nai hawimy kai ai takho ang si hai. Hunai deaungkho y aso ami y nai khumi cheng lawm hai nai hawimy nichi ai kado theu hai ai. Cheng y nai khumi cheng lawm nai hawimy, nichi ai takhosi nai paleung tym hai ai.

Leu Thui Nai 4:24

Ati mana nai mo na baly nangchi i Areng Tameuh ly mai kangveaung hawi atawm nai Tameuh, tameuh takhrachi ai niu ngai y nai ne.

Leu Thui Nai 6:15

Nangchi hawi vanrei awm nai nangchi i Areng Tameuh ly tameuh takhrachi ai niu ngai y nai Tameuh ne. Hunai deaungkho y nangchi ly tameuh takhrachi ai chiu lawh baly, kado theu naira ly mai kamta angveaung iy, nangchi bawibawi ai tama hai be ai.

HEBRAI 10:31

Tameuh kangheng i kiu y tla ai nai ly atiti ka-jei awm parai nai ne.

JOSUA 24:19

Huna nai khala Josua my khumichi teng y, “Nangchi ly Areng ai chiu vam ai ny y. Mymy ly chai parai nai Tameuh ne i, nangchi i kamngo pahen pi ai ny y; mymy ly takhosi parai nai ne.