Huna nai khala y ly kani pri my peang nai ly anglo kachai leaung horei, aju la nai keung ai lamchung ai nai maisi syn iy chei naichi hawi pata ai nai tla bo.
Huni khyh ny y leang, achi kypkyp py phailo i amtheaung hai man naira nga naichi ly achi i chanau lawn ai naira ajeng iy (huni ly tlang i atleu naira ne.) achi py paleung y tangam teang.
Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.
Kaimy kypkyp ly nangchi ai myn ji kang patei nai molam y ny y baly, nangchi ai palau takhra kamkawmchi tleaung y anui keh naira y sa hai nai ly ati awm mo? Huni teng y naira y ly kai ai pahen u kyh.
Vai ly kai i vui y hawi naira areng lukhym ly khai yb veng bo; huni ly Areng, tara chih nai keung kahawi my huni kani y ly ang pei ai; kai leaungrei khyh ny y i, mymy i amteng ai nai ngai nai ngiereichi teng y py pei ai.
Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.
Hunai deaungkho y nangchi i paleung akry nai atyp u ly, Isu Krista amteng nai khala y ly nangchi ai nga hai ai nai pahenra mang y angym pa-rei athang khai u jojo.
huni ny y naimy nangchi ly Krista i patang naira y patang ahawi nai keungchi lawn nai deaungkho y kawn u: hunaibaly mymy i nang parai naira amteng nai khala y nangchi ly amo theu parai naimy kawn u teang thai ai.
Ngai parai naichi awi, achi ly vai ly Tameuh i chanauchi ne i, achi ly mana awm ai mo, nanai ly amteng y leang rai. Mymy ly amteng baly achi ly mymy kamta awm ai, nanai ly achi pany; ati mana nai mo nabaly mymy ly awm nai kamta khypkhyp naimy achi ly niu ai.
Phailo Kachai y chiu sa naimy deungtasarei hengra nga ai nai pa-rei achi i Areng Isu Krista i pahen naira ajeng nai tarawi y Tameuh i tamen naira y akry u.