I KORINTH 1:6 - Khumi Common Language Bible

⁶ Krista i leu kang pany hai nai py nangchi ai ang khaw hai nai kamta ly;

I KORINTH 1:6 ပူးပေါင်းရင်းမြစ်များ

MARKA 16:20

Hunaibaly nichi ly theu u iy, meingtym tleirei y leu thui; Areng my ly nichi ai sa hai iy, ka-ma-rachi tym hai nai deaungkho y leu ai ly khaw hai jojo. Amen.

AMTAW 11:17

Hunaibaly ‘Areng Isu Krista ai achi ym bo nabaly Tameuh my achi teng y atiti pei nai ly nichi teng y py pei teang nai bo y ly, kai nai Tameuh ai mana ei pajau ai a?” napi.

AMTAW 11:21

Naibaly Areng i kiu my mymychi ai sabawm i, khumi neangneang ym iy Areng mang y hi lengleang.

AMTAW 18:5

Na i py Sila nini Timothei ly Makedonia pri i dengdairei tym kathiu kha ly Pawla ly paleung am-yh pajau y nai awm i, Isu ly Krista ne, nanai Judachi teng y thui pi pachai.

AMTAW 20:21

Judachi hawi Krikchi teng y py Tameuh mang y uikhei nai leu hawi, achi i Areng Isu Krista mang y ym ai nai leu kang thai hai reng nai ly.

AMTAW 20:24

Na i py kai i angpreng acham ai nai lam motawn angym ai nai hawi, Tameuh i pahenra Satang Kahawi pany hai ai nai, kai Areng Isu teng i krykeung kalop nga nai sa be ai nai ly kai i hengra tama ai nai kamawn y leang.

AMTAW 22:18

naibaly, ‘Awn ly, Jerusalem i dengdairei theu jau, kai i satang nang thui ai nai ly nichi tangai ai ny y leang he, ang napi thym nai kaniu.

AMTAW 23:11

Naibaly huni vum y Areng ly Pawla i ahawi y angdo iy, “Ham parai naimy awm ly, Jerusalem y nang ly kai i leu pany hai nai kamta ly, Rom avang y py nang pany hai ai nai tla,” napi.

AMTAW 28:23

Naibaly nichi ly mymy ai kani adeu i, mymy i anga nai yhm y mymy teng y khumi neangneang jeu u, naibaly mymy ly khawn mang i dengdairei dym mang y khrairei huni leu ly thui pi pachai i, Tameuh i peang nai satang pany hai; Mosi i Reita cha-iu leu hawi amochi i cha-iu leu y py Isu mang y mymychi ai parawi ryry.

ROM AVANGCHI TENG Y PAWLA I CHA PA NAI 15:19

ka-ma-rachi hawi rengrangchi atiti sa thai naira y py, Phailo Kachai i atiti sa thai naira y py, kai ai angteaung nai atiti sa naichi ny y baly kai ly ati sai py kathui vam y leang. Hunaibaly Jerusalem avang hawi huni tengtang i dengdairei Hurikon pri y khairei Krista i Satang Kahawi ly meingtym tleirei y kathuipi angym bo.

II KORINTH 12:12

Amtaw thau nai lawn nai ka-ma-rachi ly kham pajau naira cheaungkhangra y, ka-ma-rachi hawi, atiti rengrangchi hawi, atiti sa tha nairachi py nangchi theung y sa tatang nai bo.

KALATIA 3:5

Naibaly nangchi teng y Phailo ang pei nai keung hawi nangchi theung y atiti rengrang sa nai keung ly, Reita i atitichi i sa nai deaunkho y sa nai a, ym nai deaungkho y tangai naira y sa nai a?

II THESALONIKA 1:10

nichi ai ly Areng hawi mymy i nang parai nai atiti sa thai naira i dengdairei deungtasarei tama ai naira khrairei patheu iy, ngari patang ai.

I TIMOTHEI 2:6

mymy py khumi, Isu Krista ne, ni ly khumi bawibawichi i atleu naira lawn ai nai apei bo; huni ly neng khyp nai khala y pany hai nai awm bo;

II TIMOTHEI 1:8

Hunaibaly achi i Areng i leu ang pany hai nai hawi, kai mymy i theaung y tla nai khumi ai py kaji hai moh; na i py Tameuh i atiti sa thai naira i saho y Satang Kahawi deaungkho y patang naira y kai kamta kham kyh ba;

AMTENG HAI NAI 1:2

mymy i miseaung Johan ai huni leu thai hai bo; naibaly mymy ly Tameuh i leu hawi, Isu Krista i thui pi nai leu hawi mymy i atiti niu nai bawibawi py pany hai bo.

AMTENG HAI NAI 1:9

Kai Johan, nangchi i amjo amnau hawi, Isu y patang naira hawi, peang naira hawi, kham tanga naira py vanrei amtawm hai nai keung my ly Tameuh i leu hawi Isu Krista i thui pi nai leu deaungkho y py Patmosa napi nai tlawn y ly kaawm bo.

AMTENG HAI NAI 12:11

Nichi ly Beram thi deaungkho y hawi, nichi i pany hai nai leu deaungkho y py ni ai pajau u bo:nichi ly dei ai nai pa-rei mymychi i hengra ai tama ai nai mawn y leang.

AMTENG HAI NAI 12:17

Hunaibaly naka ly neampachy i tlang tleaung y khri pa-rei kado theu i mymy i chanauchi, Tameuh i leu patawm nai hawi, Isu i thui pi nai leu patawm cheng nai kamthomchi ai tiu ai nai leh vui bo:

AMTENG HAI NAI 19:10

Naibaly kai ly ni ai chiu ai nai mymy i kheu keung y ambeu bo. Hunaibaly mymy ly kai teng y, “Huna nai kamta so reng moh! Kai ly nang hawi, Isu i thui pi nai leu patawm nai ngamjo ngamnauchi i miseaung ahawi ne chy bo: Tameuh ai chiu phai chiu; Isu i thui pi nai leu ly leu thui yb nai Phailo i nai ne lawh,” napi.

AMTENG HAI NAI 6:9

Naibaly mymy ly pajawp typ nai ka-ma-ra pa-ngo nai ly su phai su baly, maicham anui y ly Tameuh i leu deaungkho y hawi, mymychi i pany hai nai leu patawn nai deaungkho y padei chum naichi i phailochi ai kaniu;