I KORINTH 1:25 - Khumi Common Language Bible

²⁵ Ati mana nai mo nabaly Tameuh i cheng y naira ly khumichi tleaung y cheng keh, Tameuh i ham y naira py khumichi tleaung y ham keh lawh teang.

I KORINTH 1:25 ပူးပေါင်းရင်းမြစ်များ

THEU NAI 13:17

Aikupta pri i samrang my Israela chengchi ai theu ai nai pei khala, Tameuh ly Philistin pri mang takoleu ai nai nichi ai pahawi y leang; huni lam ly kasa teu i py, Tameuh my, “Philistinchi hawi tavai atiu lawh baly paleung phra u ai i, nichi ly Aikupta pri mang y ali teang ai, nanai pany nai ne.

I KORINTH 1:18

Ati mana nai mo nabaly kraws satang ly tama dudu naichi i vui pathu naira ne, na i py achi hengra nga dudu naichi i vui ly Tameuh i atiti sa thai naira ne lawh veng.

I KORINTH 1:21

Khaileaung pri my amy i cheng naira teaung iy Tameuh ai pany y ai nai, Tameuh i cheng naira my sa; hunai deaungkho y Tameuh my ngai i ym naichi ai paheng ai nai cheng y nai leu thui naira y teaung.

I KORINTH 2:14

Tlang mang y asa nai khumi ly Tameuh i phailo mang i atitichi ai ly kawn y leang; ni i vui ly pathu naira ne; hunichi ai Phailo mang y dawn pasym nai ne nai deaungkho y mymy ly pipi pany pajau y.

I KORINTH 4:10

Kaichi ly Krista deaungkho y cheng y nai ne, nangchi naini Krista y cheng nai ne; kaichi ly ham y, nangchi naini ham; nangchi ly palo naira nga, kaichi naini tahm anem naira nga.

II KORINTH 13:4

Ni ly ham y nai deaungkho y tahen naimy awm veng, na i py ni ly Tameuh i atiti sa thai naira deaungkho y heng nai ne. Kaichi py mymy y ly ham y nai ne, na i py nangmychi mang y Tameuh i atiti sa thai naira deaungkho y kaichi ly mymy teng y heng teang ai.