I KORINTH 1:2 - Khumi Common Language Bible

² Korinth avang y Tameuh i palau takhra kamkawm awm nai, Krista Isu y khai takhra nai, khumi kachai lawn ai nai palau naichi teng y hawi, meingtym tleirei y achi i Areng Isu Krista i amyn palau nai bawibawichi teng y py (ni ly mymychi i hawi amychi i Areng ne),

I KORINTH 1:2 ပူးပေါင်းရင်းမြစ်များ

ATITI AWM ANGCHEI NAI 12:8

Huni bo y tokalawi mang y asyh i, Bethela mary nisi mang mawi tleaung meingtym, nisi mang y ly Ai mary hawi nidym mang y ly Bethela mary sala y meingtym sa i awm bo. Ni ly hu y maicham sa bi i, Areng ai chiu bo.

ATITI AWM ANGCHEI NAI 4:26

Setha ly chapo leaungrei sa i amyn ly Enosh, nanai pathi. Huni deung dengdairei khumichi ly Areng i amyn kachai y chiu u amteaung bo.

SAM 45:11

Nang i hawi parai nai mo-cha ly samrang my nang ai khrei hai keh ai mang. Samrang ly nang i areng ne nai deaungkho y, nang ly ni i leu tangai ai nai tla.

AMTAW 10:36

Naibaly mymy ly Israela kangpreangchi teng y leu taviu nai, awmnem nai Satang Kahawi Isu Krista i labeaung y thui pi nai (mymy ly ati cheaungkhang tleaung y Areng)

AMTAW 15:9

naibaly achi hawi nichi hawi patle takhra y naimy, ym naira deaungkho y mymychi i paleung chai hai bo.

AMTAW 18:1

Hunai bo y ly mymy ly Atheni avang i dengdairei theu iy Korinth avang y tym bo.

AMTAW 22:16

Naibaly ati mana nai nang ly vai ajeng jo rai mo? Angthau ly, mymy i amyn palau nai tarawi y baptisma nga iy nang i kamngochi chai hai bei,’ ang napi.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

AMTAW 9:13

Naibaly Anania my ly, “Areng, huni khumi ly Jerusalem i nang i khumi kachaichi i tlang tleaung y ana nai nawi nai sai ly khumi neangneangchi i labeaung y kathai bo;

AMTAW 9:14

naibaly hi y py nang i amyn palau nai ngiereichi ai ly kawm ai nai, pathyp pi nai keung kalenchi teng i dengdairei cha nga na a,” nanai pathang.

AMTAW 9:21

Naibaly mymy i leu thai nai ngiereichi my ly rengrang tlai ly napi i, “Hini khumi ly Jerusalem avang i hini amyn y ym naichi ai ana reng nai ny y lawh a? Hini khumi ly nichi ai kawm iy pathyp pi nai keung kalenchi teng y hawi ai nai hi y ang jeu khyp nai na a,” napi.

ROM AVANGCHI TENG Y PAWLA I CHA PA NAI 1:7

Rom avang i Tameuh i ngai parai nai, khumi kachai lawn ai nai palau naichi bawibawi teng y, Tameuh achi i Ampo hawi Areng Isu Krista teng i dengdairei pahenra hawi awmnem naira ly nangchi teng y awm sy.

ROM AVANGCHI TENG Y PAWLA I CHA PA NAI 10:12

Juda hawi Krik hawi ly atira y py takhra lawh y leang, leaungrei ly nichi bawibawichi i tlang tleaung y Areng ne; naibaly mymy ai palau nai ngiereichi i tlang tleaung y mymy i neaung hawi nai sai ka-teng ny y.

ROM AVANGCHI TENG Y PAWLA I CHA PA NAI 3:22

huni ly mana mo nabaly Isu Krista ai ym nai deaungkho y Tameuh i hawi naira ly ym nai ngiereichi teng y amteng hai nai ne:

ROM AVANGCHI TENG Y PAWLA I CHA PA NAI 8:28

Naibaly Tameuh ai tamen nai keung mymy i khai rym nai kamta palau naichi i vui ly ati py tym sy, mymychi i vui hawi ai naira theu hai reng, nanai achi pany.

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

I KORINTH 10:32

Judachi i vui py, Krikchi i vui py, Tameuh i palau takhra kamkawm i vui py atlym hai naira den py ati sai py so u moh;

I KORINTH 12:27

Hunaibaly nangchi ly Krista i tlang ne i, huni i kangpreichi ne bawibawi teang.

I KORINTH 8:6

huni ly Ampo ne; mymy teng i dengdairei ati cheaungkhang theu iy, achi py mymy i vui y awm nai ne; naibaly Areng leaungrei, Isu Krista ly awm teang, mymy deaungkho y ati cheaungkhang awm i, achi py mymy deaungkho y awm nai ne.

II KORINTH 1:1

Pawla, Tameuh i kangai y Krista Isu i amtaw thau nai hawi achi i amjo amnau Timothei ly, Korinth avang i Tameuh i palau takhra kamkawm teng y hawi, Akaia pri verei y khumi kachai awm nai bawibawichi teng y py:

II KORINTH 4:5

Kaichi ly kaimychi i satang thui nai ny y leang, Krista Isu ly Areng ne, nanai thui nai teu; kaichi py Isu deaungkho y nangchi i miseaung lawn nai py thui pi teang.

KALATIA 1:2

Kalatia pri i palau takhra kamkawmchi teng y pa nai.

EPHESI 5:26

tui y paju naira y hawi leu thui naira y py khai takhra iy chai hai thai ai nai hawi,

I THESALONIKA 1:1

Pawla nini Silvana hawi Timothei ly, Ampo Tameuh hawi Areng Isu Krista y awm nai Thesalonika avang i palau takhra kamkawm teng y ly: Pahenra hawi awmnem naira ly nangchi teng y awm sy.

I THESALONIKA 4:7

Tameuh my ly chai y naira y awm ai nai achi ai ang palau y leang, chai naira y awm ai nai ang palau nai teu.

II THESALONIKA 1:1

Pawla nini Silvana hawi Timothei ly Tameuh achi i Ampo hawi Areng Isu Krista y awm nai Thesalonika avang i palau takhra kamkawm teng y ly:

I TIMOTHEI 2:8

Hunaibaly neampachochi ly meingtym tleirei y kado theu y nai hawi aei y naimy kiu kachai pheu iy chiu so khyly kangai.

I TIMOTHEI 3:15

na i py kai ly awm kra lawh iy Tameuh i dengtheung theung i khumichi ly mana mana awm ai nai tla mo, nanai nang pany thai ai nai kang pa nai ne: huni ly Tameuh Kangheng i palau takhra kamkawm, leu meitang i yhmmawm hawi khai hai naira ne.

II TIMOTHEI 1:9

mymy ly achi i atiti sa nai deaungkho y ny y naimy, mymy i khai rym nai hawi pahen nai kamta achi ai ang paheng iy, palau nai sai chai parai nai mang y ang palau; huni pahenra ly kani khaileaung palum y rai khala y my Krista Isu y ang pei nai bo:

II TIMOTHEI 2:19

Na i py Tameuh i lengseaung leng nai kakhaw my ly awm jojo iy, hini pajawp typ nai ka-ma-ra ne i, “Areng ly mymy i khumichi ai ly ang pany,” nanai hawi, “Areng i amyn palau nai ngiereichi ly hawi y sa naira aheng u sy,” nanai py ne.

II TIMOTHEI 2:22

Hunaibaly thawndeang thym khala i ngai phi teng y nairachi ai ly angpreng veng, naibaly paleung kamchym y Areng ai palau nai ngiereichi hawi vanrei hawi naira hawi, ym naira hawi, tamen naira hawi, aly naira py hui jojo.

HEBRAI 10:10

Isu Krista i tlang talam bi ai nai aly by y pa-rei tlenrei my talam nai deaungkho y huni kangai y ly achi ai ang chai hai bo.

HEBRAI 13:12

Hunaibaly Isu py mymy i thi kypkyp i saho y khumichi ai pachai thai ai nai, apai pa-kho palem mang y patang bo.

HEBRAI 2:11

Pachai nai keung hawi mymy i pachai naichi py sangum vanrei ne; hunai deaungkho y mymy ly nichi ai amjo amnau, nanai amyn pathi ai nai kaji hai y i,

JUDA 1:1

Juda, Isu Krista i miseaung hawi Jakob i amnau ly, Ampo Tameuh my tamen nai hawi, Isu Krista i vui y khai pi rym nai palau naichi teng y ly:

AMTENG HAI NAI 19:16

Naibaly mymy i kanih hawi phai tleaung y ly, “Samrangchi i Samrang, Arengchi i Areng,” nanai amyn tajiu angchi ne.