I KORINTH 1:10 - Khumi Common Language Bible

¹⁰ Naibaly amjo amnauchi awi, nangchi bawibawi ly leu vanrei thui u i, nangchi theung y akhawi takhra naira den py awm y ai nai, paleung vanrei hawi dawn nai vanrei py amtawm u cheng ai nai, achi i Areng Isu Krista i amyn y kang takeng.

I KORINTH 1:10 ပူးပေါင်းရင်းမြစ်များ

SAM 133:1

Tameuh i khumichi paleung adyh adawi naimy awm u nai ly khri pa-rei hawi parai na i, apu parai na a!

JEREMIA 32:39

Kai ly nichi ai mychi i hawi naira, mo mang i deung kangthauchi hawi naira molam y, ka-dawn harei hawi heng hai ai. Huni ka-dawn ly kai ai jei kaji naimy tahm khai u jojo ai nai ne.

MATTHAI 9:16

Naibaly ami py kanih kangtha jean y rai nai hawi kanih kangngym y bau vai y; ati mana nai mo nabaly bau typ ai nai ly kanih asei ra lawh ai i, asei tleaung y asei ra ai.

MARKA 2:21

Ami py kani kangtha jean y rai nai hawi kani kangngym y bau vai y; bau typ ai nai ly asei ra lawh ai i, kangtha my ly kangngym ai ly asei hai ai i, asei tleaung y asei ra ai.

MARKA 3:24

Pri py amy tengtawi atiu ryp baly, huni pri ly awm thai y leang.

JOHAN 10:19

Huni leu deaungkho y Judachi ly amprei u iy amkawm u takhra bo.

JOHAN 17:23

kai mymychi teng y awm nai, nang kai teng y awm nai, nichi bomrei awm iy angym thai ai nai, nangmy kai ai pato nanai hawi, nangmy kai ai tamen nai kamta nichi ai py nang tamen teang, nanai py khaileaung prichi my pany ai nai.

JOHAN 7:43

Hunaibaly mymy deaungkho y khumi mipuichi ly amprei iy atakai u bo.

JOHAN 9:16

Hunaibaly Pharisai phyreichi my ly, “Huni khumi ly Anawn Kani ja y nai deeaungkho y Tameuh teng i theu nai ny y leang,” napi. Na i py phyreichi my ly, “Khumi kamngo my ly hina nai rengrang sa nai ly mana sa thai mo?” napi. Naibaly amprei u i amkawm u takhra bo.

AMTAW 4:32

Naibaly ym nai khumi mipuichi ly paleung py dawn nai py vanrei awm, mymychi theung y leaungrei py yhmtheaung awm nai ly, Kai i teu, nanai angam y; nichi ly atiti bawibawi vanrei ahum bo.

ROM AVANGCHI TENG Y PAWLA I CHA PA NAI 1:13

Naibaly amjo amnauchi awi, Cheng Takhra takhrachi theung y kai i athai kanga nai kamta ly, nangchi theung y py athai kanga thai ai nai kai ly nangchi teng y tlen neangneang kang jeu ai nai tau bo, nanai nangchi pany y ai nai kangai y leang; na i py vai khrairei kai ai ang paka jojo.

ROM AVANGCHI TENG Y PAWLA I CHA PA NAI 12:1

Hunaibaly amjo amnauchi awi, Tameuh i pahen naira deaungkho y, apthyp naira kangheng hawi kachai. Tameuh my kawn ai ataing nai lawn ai nai nangchi i tlang ai ly aau ai nai kang takeng; huni ly nangchi i sa ai avo angchi yb nai ne.

ROM AVANGCHI TENG Y PAWLA I CHA PA NAI 12:16

Dawn nai vanrei awm u leungtang; paleung apalen y naimy tahm anem naichi hawi amkawm u; tahm apasang u moh.

ROM AVANGCHI TENG Y PAWLA I CHA PA NAI 15:30

Amjo amnauchi awi, kai ly Judai pri i ym y naichi teng y kachym me thai ai nai hawi, Jerusalem avang i vui sabawm naira kasyn nai ly khumi kachaichi i kawn parai naira ne thai ai nai hawi,

ROM AVANGCHI TENG Y PAWLA I CHA PA NAI 16:17

Naibaly amjo amnauchi awi, patiu nai leu nangchi i amtiu y nai mang y amprei naira hawi atlym naira sa nai keungchi ai ly hawihai khen u, naibaly nichi mang i nai hi vui ai nai kang takeng.

I KORINTH 1:11

Ati mana nai mo nabaly kai i amjo amnauchi awi, nangchi theung y aei naira awm, nanai Klawichi dengtheung my nangchi i satang ly kai ai ang thui pi bo.

I KORINTH 11:18

Angchei i naira y ly nangchi ly kamkawm kamta achu u iy, nangchi theung y akhawi takhra naira awm reng, nanai amichi i thui nai kathai; kai ly ym py kaym hup lawh.

I KORINTH 12:25

Tameuh my apu naira by y nai kangprei ai ly tahm pasang keh lawh iy tlang ai ly padyh achu veng bo.

I KORINTH 3:3

ati mana nai mo nabaly nangchi ly tlang i kangai my peang naichi ne jojo rai: nangchi theung y akeng naira hawi aei naira awm reng nai deaungkho y nangchi ly tlang i kangai my peang nai ne iy, khumi kamta tako u jojo rai nai ny y lawh a?

I KORINTH 4:16

Hunaibaly nangchi ly kai i amtiu ai nai kang takeng nai ne.

II KORINTH 10:1

Naibaly kai Pawla kypkyp, nangchi theung y awm khala ly nangchi i mei ka-niu y leu anui parai nai kaawm i, nangchi teng y awm y nai khala ly nangmychi ai vam nai ly, Krista i leu kanem hawi neaung hawi naira y kang takeng nai ne;

II KORINTH 13:11

Kangkhym i naira y ly amjo amnauchi awi, noso kahawi awm u. Kahawi sa angym naimy awm u, paleung awmnem naimy awm u, paleung vanrei awm u, adyh parai naimy awm u ly; hunaibaly tamen nai hawi aly nai Tameuh ly nangchi teng y ang awm hai ai.

II KORINTH 13:9

Kaichi ly ham y nai thym khala y ly nangchi i ham naira deaungkho y kaichi ly kawn chy bo; huni py nangmychi i hawi angym ai naira awm ai nai chiu kang sa pi.

II KORINTH 5:20

Hunaibaly kaichi ly Krista i jeng y savai ne i, Tameuh my kaimychi ai teaung iy ang takeng, napi pajau; Tameuh hawi aly u, nanai Krista i jeng y kaichi kang takeng nai ne.

II KORINTH 6:1

Hunaibaly kaichi ly mymy hawi sa ahawi nai, nangchi ly Tameuh i pahenra ai ly chawn hai y naira ngo u y ai nai kaichi kang takeng.

KALATIA 4:12

Amjo amnauchi awi, kaimy ka-tawm awm ai nai kang takeng, kai py nangmychi ka-tawm awm. Nangchi ly kai i tlang tleaung y hawi y nai ati sai py so u y leang.

PHILIPI 1:27

Ati py ne sy nangchi i amhi amtlau nai sai ly Krista i Satang Kahawi hawi amlau sy; hunaibaly kai ly nangchi ai kang de iy py, nangchi teng y kang awm y teu iy py, nangchi ly phailo y vanrei kakhaw angdo u iy, paleung vanrei my Satang Kahawi ym nai leu y sa ahawi nai, tiu nai keungchi ai ly ati ra y py jei y naimy awm u, nanai nangchi i satang kapany pajau ai;

PHILIPI 3:16

Ati py ne sy, achi i tym nai ryrei nai huni kamta phai tako u sina.

I THESALONIKA 5:13

nichi i atiti sa nai deaungkho y tamen iy khri pa-rei tahm khai ai nai kang takeng.

II THESALONIKA 2:1

Na i py amjo amnauchi awi, achi i Areng Isu Krista ang jeu ai nai hawi, achi ly mymy teng y achu ai nai molam y ly,

I TIMOTHEI 5:21

Nang ly hawihai deng y naimy cheh iy patle takhra nai tarawi y ati sai py so y naimy, Tameuh hawi Krista hawi vawi takhra nai kani pri i amtaw thau naichi i mei ka-niu y py huni leu patawm ai nai leu kang pei.

II TIMOTHEI 4:1

Tameuh hawi, kadei kanghengchi ai tara chih nai keung Krista Isu i mei ka-niu y hawi, mymy i amteng ai nai hawi peang ai naira deaungkho y py leu kang pei.

JOSUA 22:15

Nichi ly Ruben theaung, Kad theaung hawi nisi Manase theaungchi awm nai Kilead pri y tym u i,

I PETERA 2:11

Ngai parai naichi awi, nangchi ly khuleaung chei naichi hawi angvynchi ne nai deaungkho y, phailo ai tiu reng nai tlang i ngai phi teng y nairachi ai ly anawn veng ai nai kang takeng;

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.