ISAIA 9:20 - Khumi Common Language Bible

²⁰ Khumichi ly meingtym tleirei y mychi nga thai nai ryrei, teicha teineichi cha u teu i py, kajeu kanglam dam ai ny y. Nichi ly mychi i cho chanauchi ai malawn py cha u lawh bo ly!

ISAIA 9:20 ပူးပေါင်းရင်းမြစ်များ

Parip nai leu 4:5

Kajeu alam iy dei ai nai pa-rei kiu atakawime naimy awm nai khumi ly khumi ka-khum ne, nanai thui achi awm.

ISAIA 10:4

Nangchi ly tavai keung y dei u ai; ti y baly langheng palawn iy ang hawi pawn nai avum u ai. Huni neng khala py Areng ly kado theu nai rym y ai i, kamngo pajeng ai nai kiu pheu naimy awm jo ai.

ISAIA 14:30

Areng ly mymy i khumichi theung i, kamawn katichi ai beram typ nai keung kamta typ iy, chymme naimy awm hai ai. Na i py Philistinchi ai ly ka-jei hawi parai nai takang theu hai ai i, nichi ly leaungrei py dei kamthum awm ai ny y.

ISAIA 3:1

Vai ly aw Areng, ati cheaungkhang sa thai nai keung Areng ly khumi mipuichi my paleung pado nai khumi ngiereichi hawi vawnsai ateaung ngiereichi ai, Jerusalem mary hawi Juda pri dengdairei, vym pi pawn ai bo. Mymy ly nichi i teicha teineichi vym pi pawn ai.

ISAIA 49:26

Kai ly nang ai pahyp y naimy ana nai khumichi ai, mychi tengtawi atleh hai iy, kasa them hai ai. Huna nai khala kai ly nangchi ai atleu nai keung Areng ne, nanai khumi bawibawichi my pany u ai. Kai ly Israela chengchi i sa thai naira awm nai keung Tameuh ne, nanai nichi pany u ai,” napi.

ISAIA 5:25

Areng ly mymy i khumichi tlang tleaung y kado theu i, pajeng ai nai kiu pheu nai deaungkho y, mawichi ly amchyh neung na ai. Khumi kadei veuchi ly lamchi salo y anyn angso kamta awm jo ai. Huna teu i malawn py Areng i kado theu nai ly rym ai ny y. Mymy ly kamngo pajeng ai nai kiu pheu naimy awm ai.

ISAIA 51:19

Nang ly ka-jeira phy nyhrei avum bo. Nang i pri ly tavai takai molam y phra pawn bo. Nang i mary i khumichi py, teicha teinei alam u bo. Nang ai tamen nai paleung ang khai nai leaungrei py by y.

ISAIA 8:21

Khumichi ly mymychi i pri y paleung phra athosi naimy kajeu alam iy heng u ai. Nichi ly kajeu alam nai hawi kado theu naichi molam y, mychi i samrang hawi mychi i Tameuh ai josei u ai. Nichi ly kani mang y khen angdeang kalau nai khala py,

ISAIA 8:22

khaileaung y khen kathiu nai khala py, ngari kamtang hawi taham kasi veng nanai ny y baly, ati sai py niu u ai ny y. Huna nai jei hyn ai hawi nai taham kasi ly huni khumichi teng y tym ai.

JEREMIA 13:14

Naibaly kai ly chy-ychi tengtawi adeng hai iy kawi nai kamta, nichi ai katheang kalen takhawi y naimy kataphra ai. Mani pahen naira, tamen naira hawi neaung hawi naira my ly nichi ai padei ai nai molam y kai ai paka pajau ai ny y,” napi.

JEREMIA 19:9

Paleung ka-echi ly mary katanmeuh iy nichi ai tleh ai nai atho sa u ai. Nichi ly mychi tengtawi acha u ai. Mychi i cho chanauchi ai malawn py cha u ai,” nanai leu thui pi ai nai kai ai leu pei nai ne.

TANGAM NAI LEU 4:10

Kai i khumichi i avum nai khri pa-rei patang nai ly ka-jeira hawi parai nai ne. Tamen naira hawi pahen naira awm nai amhmchi malawn py, mychi i cho chanauchi ai byh iy cha u nai ne.

MIKHA 6:14

Nangchi ly teicha teinei cha teu i py, kajeu kawi u ai ny y; alam naimy awm u jojo ai. Nangchi i ko nai yhmtheaung katuichi pateung u pajau ai ny y. Pateung achu nai yhmtheaung katuichi ai py, tavai takai hawi taphra vui ai.

ZEKHARIAH 11:9

Naibaly kai i beram kanghuchi teng y, “Kai ly nangchi i beram typ keung sa ai nai ngai y leang bo. Dei ai nai beramchi ly dei palai jau sy; tleh ai avo nai beramchi ly tleh naira avum u teu na sy; dei kamthum beramchi py, mychi tengtawi apadei u ai,” nanai thui bo.

MARKA 3:24

Pri py amy tengtawi atiu ryp baly, huni pri ly awm thai y leang.