ISAIA 9:19 - Khumi Common Language Bible

¹⁹ Ati mana nai mo nabaly ati cheaungkhang sa thai nai Areng ly kado theu bo. Mymy i pajeng nai ly pri verei y mai kamta angveaung iy, khumichi ai tamyh pawn ai. Huna nai khala khumi luteng ly amy i vui tleaung ai nai atho sa u ai.

ISAIA 9:19 ပူးပေါင်းရင်းမြစ်များ

ISAIA 1:31

Dengkeaung kadei ly mai kali deaungkho y, mai amtawi nai kamta phum-ang len nai khumichi py, mychi i kamngochi deaungkho y phra u ai. Huna nai phra naira ai ly ami py paka ai nai nga ai ny y,” nanai thui bo.

ISAIA 10:6

Tameuh by y nai cheng hawi, kai ai kado ang theu hai nai khumichi ai tiu ai nai Asuria chengchi ai kapato bo. Nichi ly lawm nai hawi paviu naimy, huni khumichi ai spryh kamta lamchira y chiu piupa ai nai, kaimy kapato nai ne,” napi.

ISAIA 13:13

Ati cheaungkhang sa thai nai keung kai, Areng my kado theu hai nai khala, kani khusang ly amchyh neung ai i, khaileaung py awm kari ra i nai asyh vui ai.

ISAIA 13:18

Mychi i thailihochi hawi thawndeang deaungdichi ai ko iy padei u ai. Nichi ly deaungdi chymplei naichi ai pahyp ai ny y. Deaungdichi ai py pahen ai ny y.

ISAIA 13:9

Kapahenra by y nanai kado katheu pajengra avum u ai nai neng kani napi nai, Areng i tara chih nai neng kani ang tym ai. Khaileaung ly khumi angso by y nai meingtym lawm ai. Kamngo sa nai khumi ngiereichi py, tamyh pawn naira avum u ai.

ISAIA 24:6

Hunai deaungkho y Tameuh ly khaileaung y vaineng lawi hai bo. Khaileaung i khumi bawibawichi py, mychi i sa tamang nai kamngo vang amtym u bo. Dei kamthumchi py di tleaung dira nai ne.

ISAIA 26:11

Paleung ka-echi ly mychi ai nangmy pajeng ai, nanai pany u y. Aw Areng, nichi ai kangji ngo hai ba. Patang naira tym hai ba. Nangmy sa pi yb nai pajeng naira avum hai ba. Nang ly nangmy i khumichi ai mana tanrei tamen mo, nanai nichi ai pany hai ba.

ISAIA 3:5

Khumi luteng ly leaung leaungrei tlang tleaung y neng ka-pe dyp iy, amy i vui kamran hau ai. Thawndeang deaungdichi ly miteaung yhmrengchi tlang tleaung y py, khumi hawi y naichi ly khumi kahawichi tlang tleaung y py, tahm khai u y ai.

ISAIA 33:14

Kamngo sa nai Zion mary i khumichi ly jei hyn naimy awm u nai ne. Nichi my, “Tameuh i tara chih nai ly angveaung jojo nai mai hawi atawm. Huna nai mai theung i achi law tleaung iy, dei y naimy awm na a?,” nanai thui u bo.

ISAIA 4:4

Areng ly Israela chengchi ai tara chih iy, sa thai naira hawimy chai hai ai. Jerusalem mary i kamngo py, huni mary y leaung nai thichi py, pachai pi ai.

ISAIA 42:25

Hunai deaungkho y mymy ly achi i tlang tleaung y mymy i kado theu nai py, khri pa-rei ho nanai tavai takai ka-jeira py, avum hai bo. Mymy i kado theu nai ly mai kamta, Israela pri verei y angveaung bo. Na i py ati mana tym mo, nanai achi pany y. Achi ly hunira i amtiura ati sai py ngo u y nai ne.

ISAIA 5:24

Hunai deaungkho y chohphi hawi acha kajeichi ly mai kangveaung y kang nai kamta, nangchi i tangjynchi ly rawp iy pauchi py jei pawn ai. Ati mana nai mo nabaly nangchi ly kaichi teng y Israela chengchi i chai parai nai, ati cheaungkhang sa thai nai Areng my leu pei nai khai u su nai deaungkho y ne.

ISAIA 5:30

Huni neng khala nichi ly pangli tui amsau nai katyn kamta, raawi pajeng parai naimy Israela pri y aeu u ai. Huni pri ai khen u cham rai! Huni ly vengpam, ngari kamtang cheichei lawh ly! Kangvang ly kaveng theung y tama jo nai ne.

ISAIA 60:2

Khaileaung pri y awm nai cheng takhra khumichi tlang tleaung y, kaveng my khiu teu i py, nang i tlang tleaung y ly Areng i kangvang my ko ai. Mymy meimai i phum-ang sangso ly nang i tlang tleaung y tym iy awm jo ai.

ISAIA 8:22

khaileaung y khen kathiu nai khala py, ngari kamtang hawi taham kasi veng nanai ny y baly, ati sai py niu u ai ny y. Huna nai jei hyn ai hawi nai taham kasi ly huni khumichi teng y tym ai.

JEREMIA 13:16

Nangchi i Areng Tameuh ly kani dym hai nai deaungkho y, nangchi ly mawi salo y athei iy, atlym y rai khala y hawi, mymy ly nangchi ajeng nai kangvang ai kaveng palawn y rai khala y py, nangchi ly Areng Tameuh ai palo u.

Ezekiela 20:47

Tokalawi ngan mang i dengkeaung thengreung teng y sa thai naira angym nai Areng my leu pei nai ly khen angdeang cham! Kai ly mai paeng bo. Huni mai ly nang i dengkeaung kadei ngierei hawi, dengkeaung kangheng ngiereichi ai kang hai ai. Huni mai kangveaung ai mani my py pathym pajau ai ny y. Huni mai ly tokalawi mang i dengdai tosyh mang y khrairei, khaileaung verei kang hai ai.

Ezekiela 9:5

Naibaly Tameuh my takhra khumichi teng y, “Huni khumi nithun abang iy mary verei y tleh u; ami ai py kangheng khai moh, ami ai py pahen moh.

JOELA 2:2

Huni kani ly veng khiu nai kani, veng cheng naimy khupanym kawi nanai kani ne ai. Mawi aheungchi ai khiu nai kaveng kamta, akhutama kanghu pui ly mo mang ang jeu dudu bo. Hina nai kamta ly mana khala py tym vai y; mo mang i neng y py tym vai ai ny y.

JOELA 2:3

Akhu-tamachi ly amti amjangchi ai mai kamta cha bo. Khaileaung ly nichi i mo y Eden akho hawi atawm iy, nichi i lawi ly amti amjang by y nai, khutaha meingtym hawi atawm. Nichi teng i dengdairei law tleaung nai amti amjang, nanai by y.

Levi 26:26

Kai ly teicha teinei takang hai nai deaungkho y, neampachy leaung horei paawp ai nai tako ly neampachy leaungrei my paawp ai nai takeang harei ka-lawn awm khyh ai. Nangchi ly huni tako apaji iy lawnlen y naimy cha u ai.

AMOS 5:18

Areng i neng kani ajeng nai khumi i vui ly khri pa-rei ka-jei hawi parai na ly! Huni neng kani ly nangchi ai ati kahawi ang sa pi thai ai mo? Kangvang by y naimy kaveng khiu nai neng kani naini tym ai.

OBADIA 1:18

Jakob i kangpreangchi hawi Josepha i kangpreangchi ly mai hawi atawm ai. Mai ly anyn angso ai kang hai nai kamta, nichi ly Esaw i kangpreangchi ai taphra u ai. Esaw i katu chanau leaung leaungrei py, dei y naimy awm ai ny y. Hini ly kai, Areng my kang thui pi nai leu ne.

MIKHA 7:2

Hini pri theung y khumi kahawi, Tameuh ai ka-ym awm nai khumi, nanai leaungrei py by y leang bo. Khumi ai padei ai nai neng ka-pe, khumi luteng ajeng u bo. Amjo amnau tengtawi, leaung leaungrei ai apatym iy apatiu u reng nai ne.

MIKHA 7:6

Huni neng khala y chapochi my, mychi i ampochi ai tahm khai y ai. Chaniuchi my amhmchi ai ka-awi sa ai. Lengngochi my amni ai ka-jo hau ai. Yhm dengtheungchi i paleung ka-echi ly amychi yhm dengtheung theung i theu ai.

ZEKHARIAH 11:6

(Areng my, “Kai ly khaileaung salo y awm nai khumi amimi ai py, kapahen y leang bo. Kaimy khypkhyp my, khumi bawibawichi ai, mychi i samrangchi kiu y kaau ai. Huni samrangchi ly khaileaung pri ai taphra i py, kai ly atleu ai ny y,” napi.)

ZEKHARIAH 11:9

Naibaly kai i beram kanghuchi teng y, “Kai ly nangchi i beram typ keung sa ai nai ngai y leang bo. Dei ai nai beramchi ly dei palai jau sy; tleh ai avo nai beramchi ly tleh naira avum u teu na sy; dei kamthum beramchi py, mychi tengtawi apadei u ai,” nanai thui bo.

MALAKHI 4:1

Ati cheaungkhang sa thai nai Areng my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

MATTHAI 27:45

Naibaly kanithun kha i nai kani ka-reu khala y khrairei pri veng bebe.

AMTAW 2:20

Areng i kani nang parai nai hawi amyn amthang parai nai ly tym y rai kha y, Kanito ly kaveng lawn ai i, Lo py thi lawn ai:

II PETERA 2:4

Ati mana nai mo nabaly kani pri i amtaw thau naichi kamngo sa nai khala y ly Tameuh my nichi ai khai y i, ngari angawm y aphi iy tara chih pi ai khai nai angawm kaveng y paeung baly: