ISAIA 9:18 - Khumi Common Language Bible

¹⁸ Khumichi i hawi y nai sai ly aleng keung cheaungkhang ai kang hai nai mai kamta, angveaung bo. Kamparui mai kamta angveaung iy maikhyh angjawichi khyh hai kalau nai ne.

ISAIA 9:18 ပူးပေါင်းရင်းမြစ်များ

1 ARENG KEH 16:21

Israela mipuichi ly paleung aleng u akyhkyh nai ne. Phyreichi ly Kinath i chapo Tibni ai samrang palyn ai nai ngai; phyreichi ly Omari ai palyn ai nai ngai.

SAM 37:20

Khumi hawi y naichi ly dei u ai; Areng ai paleung ka-e sa nai khumichi ly daichi kaseaung pauchi kamta tama u ai. Maikhyh kamta tama u ai.

SAM 68:2

Mymy ly nichi ai ali theung y ajang nai maikhyh kamta, ajang hai pawn bo; phajeaungdeng ly mai kabi y tlawn nai kamta, khumi hawi y naichi ly Tameuh i mo y dei naimy phra u ai.

SAM 83:14

Dengkeaung thengreung ai kang hai nai mai kamta, mawichi ai kang hai nai mai pui kangveaung kamta,

ISAIA 1:31

Dengkeaung kadei ly mai kali deaungkho y, mai amtawi nai kamta phum-ang len nai khumichi py, mychi i kamngochi deaungkho y phra u ai. Huna nai phra naira ai ly ami py paka ai nai nga ai ny y,” nanai thui bo.

ISAIA 1:7

Nangchi i pri ly phra iy nangchi i marychi py, maidym satlawi lawm vui bo. Nang khen nai thym khala my py, pri takhra khumichi ly nangchi i khu peang vui iy, ati cheaungkhangchi ai phra hai pawn bo.

ISAIA 26:11

Paleung ka-echi ly mychi ai nangmy pajeng ai, nanai pany u y. Aw Areng, nichi ai kangji ngo hai ba. Patang naira tym hai ba. Nangmy sa pi yb nai pajeng naira avum hai ba. Nang ly nangmy i khumichi ai mana tanrei tamen mo, nanai nichi ai pany hai ba.

ISAIA 27:4

Kreip akho ai ly kai kado theu y leang bo. Aleng keung cheaungkhang prau lawh teu i khyly, kaimy tiu iy hunichi ai mai hawi leng pawn ai.

ISAIA 3:5

Khumi luteng ly leaung leaungrei tlang tleaung y neng ka-pe dyp iy, amy i vui kamran hau ai. Thawndeang deaungdichi ly miteaung yhmrengchi tlang tleaung y py, khumi hawi y naichi ly khumi kahawichi tlang tleaung y py, tahm khai u y ai.

ISAIA 30:30

Areng ly khumi bawibawichi teng y phum-ang angym nai raawi thai hai iy, mymy i kado theu nai haiho avum hai ai. Mai kadeu kangveaungchi, kani pajyh nai, ji amaichi tla nai hawi, khri pa-rei kani nai hai ai.

ISAIA 30:33

Jangni khala y my Asuria samrang ai mai hawi patawi ai nai, patawira yhm sa yb nai ne. Huni patawira yhm ly tamdo thiu iy kau bo. Huni meingtym y thengheaung pui ka-sang harei py awm. Areng ly labeaung mang dengdairei mai kangveaung patheu iy, huni thengheaung ai mai amtawi i, kang hai ai.

ISAIA 33:12

Nangchi ly theung palawn ai nai mai paawp nai lengseaung kamta py, maidym lawm pa-rei kang nai aleng keung kamta py, dei lawm u veng ai.

ISAIA 33:14

Kamngo sa nai Zion mary i khumichi ly jei hyn naimy awm u nai ne. Nichi my, “Tameuh i tara chih nai ly angveaung jojo nai mai hawi atawm. Huna nai mai theung i achi law tleaung iy, dei y naimy awm na a?,” nanai thui u bo.

ISAIA 5:24

Hunai deaungkho y chohphi hawi acha kajeichi ly mai kangveaung y kang nai kamta, nangchi i tangjynchi ly rawp iy pauchi py jei pawn ai. Ati mana nai mo nabaly nangchi ly kaichi teng y Israela chengchi i chai parai nai, ati cheaungkhang sa thai nai Areng my leu pei nai khai u su nai deaungkho y ne.

ISAIA 50:11

Khumi takhrachi ai tamyh pawn ai nai dawn paviu nai khumi bawibawichi awi, nangchi ly nangmychi i dawn paviu nai hawimy, myh kang u ai. Areng mymy kypkyp my, hini atitichi tym hai ai. Nichi ly ngari kamtang avum u ai.

JEREMIA 9:3

Nichi ly li-tapawp ai nai ko nai thailiho chyn kamta, labeaung paniu vai y. Nichi i pri y leu meitang peang ai nai tleaung y ly leu ka-chawi my peang nai ne. Areng my, “Kai i khumichi ly kamngo sa tamyhtyh naimy, kai ai nichi i Tameuh palawn ai nai ngai u y,” napi.

HOSEA 13:3

Hunai deaungkho y hini khumichi ly khawn mang y tla reng nai kadam kamta py, khawn angthodyh y tama reng nai kadam amai kamta py, tama u ai. Nichi ly choh ati nai meingtym i ali my hm iy akheang nai choh ali kamta py, paheung mang theu nai maikhyh kamta py tama u ai.

JOELA 2:20

Kai ly tosyh ngan mang jeu nai akhutama kanghuchi tama hai vui ai. Akhu-tama phyreichi ai khutaha meingtym mang y paryh vui ai. Nichi i mo kamtheungchi ai, pangli kadei theung mang y, nithun mang amtleng naichi ai ly mrethe pangli theung mang y tla hai ai. Nichi i nganchi ly veaung iy mui ai. Nangchi tlang tleaung y nichi my sa nai molam y, kai ly nichi ai tamyh ai.

JOELA 2:3

Akhu-tamachi ly amti amjangchi ai mai kamta cha bo. Khaileaung ly nichi i mo y Eden akho hawi atawm iy, nichi i lawi ly amti amjang by y nai, khutaha meingtym hawi atawm. Nichi teng i dengdairei law tleaung nai amti amjang, nanai by y.

AMOS 7:4

Kai ly sa thai naira angym nai Areng teng i paleung mei hawi kaniu bi bo. Huni paleung mei niu naira y mymy ly mymy i khumichi ai mai hawi pajeng ai nai angveirym nai kaniu. Huni mai ly khaileaung anui suida pangli verei mai kang chum baly, khaileaung salo y py mai kang amteaung bo.

OBADIA 1:18

Jakob i kangpreangchi hawi Josepha i kangpreangchi ly mai hawi atawm ai. Mai ly anyn angso ai kang hai nai kamta, nichi ly Esaw i kangpreangchi ai taphra u ai. Esaw i katu chanau leaung leaungrei py, dei y naimy awm ai ny y. Hini ly kai, Areng my kang thui pi nai leu ne.

NAHUM 1:10

Nang ly kabeng aleng, acha kajei kamta, pavui nai khumi ai ly mai my kang vui ai!

NAHUM 1:6

Mymy kado theu nai khala, ami kham pajau ai mo? Mymy i ka-jei awm nai kado theu nai haiho ly ami kham pajau ai mo? Mymy ly mai theu nanai kado theu nai ai lei nai deaungkho y, mymy mo i lengseaungchi ly dei lawm na bo.

MALAKHI 4:1

Ati cheaungkhang sa thai nai Areng my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

MATTHAI 25:41

“Hunai pajau khala y ly ni ly mymy i langvawi mang y awm naichi teng y ly, ‘Amsawi lawi naichi awi, diabola hawi mymy i amtaw thaunaichi i vui sa rym nai deungtasarei mai y kai teng i nai chei u pawn;

Leu Thui Nai 32:22

Kai i kado theu nai ly mai kamta angveaung ai i, khaileaung tleaung y awm nai ngierei kang hai ai. Kado theu nai mai kangveaung ly tavau pri khrairei py, mawi kheutang khrairei py kang hai ai.

HEBRAI 6:8

na i py kabeng aleng awm nai hawi preaung deaungchi patheu baly tapeang i, amsawi lawi naira nga vi iy, kangkhym y ly mai leng ai nai tla lawh veng.

AMTENG HAI NAI 14:11

naibaly nichi ai patang hai nai maikhyh ly deungtasarei amhui kalau jojo ai; naibaly mawi kasi hawi ni i myn y chiu naichi, ni i amyn ka-ma-ra nga naichi ly vum kanithun tlen py anawn naira ngo y ai.