ISAIA 9:13 - Khumi Common Language Bible

¹³ Israela chengchi ly uikheih u y. Ati cheaungkhang sa thai nai Areng ly mymychi ai pajeng teu i py nichi ly mymy teang y ali u teang y.

ISAIA 9:13 ပူးပေါင်းရင်းမြစ်များ

2 NENG SATANG 28:22

Ahazi ly hina nai rai naira khri pa-rei avum nai neng khala py, Areng i tlang tleaung y vaichi khala i tleaung y kamngo sa tleaung sa ra bo.

JOBA 36:13

Tameuh by y nai khumichi ly kado theu kari theu u jo nai ne; kamngo pajeng naira avum nai khala malawn py, mymy teng y kasabawmra hnei u y.

ISAIA 1:5

Nangchi ly ati mana nai y tiu u veangveang lawh mo? Vai i tleaung y lenra nai kamngo pajeng naira avum ai nai ngai u lawh a? Nangchi Israela mipuichi awi, nangchi i luchira y tamo kalem kawi na bo. Nangchi i paleung pathym py phra u na bo.

ISAIA 19:15

Khumi kanang py ne sy, khumi kamawn py ne sy, khumi kahawi py ne sy, khumi hawi y nai py ne sy, ami py mychi i Aikupta pri i vui kasabawmra pei u pajau y leang.

ISAIA 26:11

Paleung ka-echi ly mychi ai nangmy pajeng ai, nanai pany u y. Aw Areng, nichi ai kangji ngo hai ba. Patang naira tym hai ba. Nangmy sa pi yb nai pajeng naira avum hai ba. Nang ly nangmy i khumichi ai mana tanrei tamen mo, nanai nichi ai pany hai ba.

ISAIA 31:1

Aikupta pri mang y kasabawmra hnei ai nai chei naichi ly taham si! Nichi ly keaungngochi, tavai ka-richi hawi keaungngo atang nai risachi, napi nai Aikupta pri i tavai atho len nai ai ym u nai ne. Na i py Israela chengchi i chai parai nai Areng Tameuh ai ly ym u y. Kasabawmra nga ai nai mymy teng y py hnei u y.

ISAIA 57:17

Kai ly nichi i kamngochi hawi, ngaiphi ala naichi molam y kado theu nai, nichi ai kapajeng iy, nichi teng i nai hi pi veng bo. Na i py nichi ly paleung tang naimy, mychi i kangai sa u veangveang nai ne.

ISAIA 7:20

“Huni neng tym nai khala y Areng ly Euphrat tavo vai i Asuria empara samrang napi nai sam vau kawp nai keung ai alai iy, nangchi i labeaung muichi py, sam hawi tlang muichi py vau hai ai.

JEREMIA 15:7

Ali y akheang nai choh ali maidym kamta nangchi ai hini pri i mary tlei tleireichira y ahei hai pawn bo. Kai i khumi nangchi hawi, nangmychi i cho chanauchi raurei, kaimy tamyh pawn ai; ati mana nai mo nabaly nangchi ly nangmychi i hawi y sa naichi khai su y nai deaungkho y ne.

JEREMIA 29:11

Nangchi i vui kai i pasym yb nai katauchi ly kaimy naini pany khyh. Huni sa ai tau naichi ly nangchi ai nang chawn hai ai nai ne i, nangchi mo mang i vui amcheang hai ai nai sa ai tau nai ne. Nangchi ai ka-jeira tym hai ai nai tau naichi ny y leang.

JEREMIA 5:3

Areng ly ka-ym awm nai ai ngai nai ne. Mymy ly nangchi ai pajeng teu i py, nangchi ly dawndan u y. Taphra i py thui parip nai nangchi ly tangai u y. Nangchi i paleung ly lengseaung tleaung py tang u i, uikheih y.

Ezekiela 22:24

Mymy ly “Nang khumi cho awi, Israela pri ly kado theu naira tym nai kani y kanitui ngo y, kani nai y naimy awm ai, nanai huni pri y thui pi.

Ezekiela 24:13

Aw Jerusalem mary, nang ly kaja hawi y nai molam y, nangmy ai chai hai y bo. Kai ly nang ai chai pa-rei sa teu i py, nang ly chai y naimy awm nai ne. Kai i kado katheu pajeng naira avum y ryrei ly nang ly chai lawh ai ny y.

DANIELA 9:13

Kaichi ly Mosi i reitara y awm nai kamngo pajeng naira bawibawi ly avum u bo. Na i py kaichi i Areng Tameuh awi, vaimy kaichi ly nang i kangai mang y atho sa iy, kamngora i nai en vui ai nai hawi leu meitang lam mang y abang ai nai py, atho kaso u y rai.

HOSEA 5:15

“Kai i khumichi ly mychi i kamngo molam y patang naira avum iy, kai teng y vawi teang nai neng tym nai ryrei, kai ly nichi ai khai su ai. Nichi ly ngari kamtang avum u nai thym khala, kai ai atho sa naimy hau u ai.”

HOSEA 7:10

Israela khumichi i paleung len amlyh am-e nai ly nichi phra ai nai ka-ma-ra ne. Nichi ly hina nai leaungsaichi hawi avum teu i py, nichi i Tameuh kai, Areng teng y vawi u y.

HOSEA 7:16

Nichi ly kai ai khai su iy sa thai naira by y nai tameuh teng y ahihawi u bo. Nichi ly akawi nai thailiho kamta, ka-ym by y. Nichi i lu sa naichi ly khumi aniu y nai leu katheu u nai deaungkho y, dei kahawi dei u y ai. Hunaibaly Aikupta chengchi my panui hai ai.”

AMOS 4:10

“Kaimy Aikupta pri y tym hai nai kamtang ly nangchi teng y py tym hai bo. Nangchi i thawndeang deaungdichi ai, tavai keung y kaimy padei nai ne. Nangchi i keaungngochi py la pi veng. Nangchi i tavai taichira y, nangmychi mang i khumi tlaiveu kamui ly nangmychi teng y amseaung hai bo. Na i py nangchi ly kai teng y jeu y naimy awm u nai ne.

AMOS 4:6

“Kai ly nangchi i mary tleirei y takang theu hai i py, nangchi ly kai teng y jeu u teang y.

ZEPHANIAH 1:6

Kai i nithun y abang y naimy, amphri vui nai khumichi ai py, kai teng y ahihawi y, kai i lam patei nai ai hnei y nai khumichi ai py, kaimy tamyh pawn ai,” napi.

Leu Thui Nai 4:29

Hu y nangchi ly nangmychi i Areng Tameuh ai kadeaung u ai. Nangchi i paleung phailo verei hawi hau u baly, mymy ai avum u ai.