ISAIA 9:11 - Khumi Common Language Bible

¹¹ Areng ly nichi ai tiu ai nai paleung ka-echi ai kachyh nai ne.

ISAIA 9:11 ပူးပေါင်းရင်းမြစ်များ

2 ARENG KEH 15:29

Samrang Pekah my peang nai thym khala, Asuria empara samrang Tiklath Pilesa ly Ijon mary, Abelbet Maaka mary, Janoah mary, Kedesh mary, Hazo mary hawi Kilead pri, Kalili hawi Naphtali prichi ai peang vui iy, khumichi ai py Asuria pri mang y langheng y hawi pawn nai ne.

2 ARENG KEH 16:9

Tiklath Pilesa ly samrang Ahaz i takeng nai kamta, my i tavaimichi hawi vanrei Damaska mary y tiu nai pajau i, samrang Rezin ai padei iy mipuichi ai Kira mary mang y langheng hawi nai ne.

ISAIA 10:4

Nangchi ly tavai keung y dei u ai; ti y baly langheng palawn iy ang hawi pawn nai avum u ai. Huni neng khala py Areng ly kado theu nai rym y ai i, kamngo pajeng ai nai kiu pheu naimy awm jo ai.

ISAIA 28:1

Israela pri ly taham si! Mychi i cha nei ala nai lu sa nai keungchi i adeung nai kaseaung lukhym kamta, huni pri i phum-ang ly rawm naimy awm nai ne. Huni lu sa nai keungchi ly amlyh am-e naimy, mychi i lu y mui kahawi rimui amthym teu i py, nei cha ala nai y atlym u na bo.

ISAIA 5:25

Areng ly mymy i khumichi tlang tleaung y kado theu i, pajeng ai nai kiu pheu nai deaungkho y, mawichi ly amchyh neung na ai. Khumi kadei veuchi ly lamchi salo y anyn angso kamta awm jo ai. Huna teu i malawn py Areng i kado theu nai ly rym ai ny y. Mymy ly kamngo pajeng ai nai kiu pheu naimy awm ai.

ISAIA 7:1

Juda pri y Uzia i katu, Jotham i chapo Ahaz samrang lyn nai thym khala y, tavai atiu nai ne. Suria samrang Rezin hawi Israela samrang Remaliah i chapo Pekah nini ly Jerusalem mary ai tiu u teu i py, huni mary ai peang vui pajau y.

ISAIA 7:8

Ati mana nai mo nabaly Suria pri i atho ly Damaska mary ne iy, Damaska mary i atho py samrang Rezin ne nai deaungkho y ne. Israela pri py saneng vuitariu saryh pangrei sala y phra ai i, pri harei kamta khaw pajau ai ny y leang bo.