ISAIA 8:22 - Khumi Common Language Bible

²² khaileaung y khen kathiu nai khala py, ngari kamtang hawi taham kasi veng nanai ny y baly, ati sai py niu u ai ny y. Huna nai jei hyn ai hawi nai taham kasi ly huni khumichi teng y tym ai.

ISAIA 8:22 ပူးပေါင်းရင်းမြစ်များ

JOBA 18:18

Ni ly khaileaung pri i dengdairei, patheu vui nai avum ai. Kangvang i nai kaveng mang y patheu vui nai avum ai.

THEU NAI 10:21

Naibaly Areng my Mosi teng y, “Aikupta pri y khri pa-rei vengthi na ai nai, nang i kiu ly kani mang y pheu,” napi.

THEU NAI 10:22

Mosi ly kani mang y kiu pheu i, Aikupta pri y kani thomrei veng cheng bo.

LEU KACHENG 14:32

Khumi hawi y naichi ly hawi y nairachi sa nai molam y, mychi ai mychi naimy atlymra sa u nai ne. Na i py khumi kahawichi ly mychi i leu meitang saho y, mychi ai ama hai ai.

ISAIA 30:6

Tameuh i hini leu pei nai ly tokalawi mang daichi ka-vymra y awm nai, daichi mawichi i vui ne. Mymy ly “Savaichi ly khrangsichi aeung nai meingtym, pavui kangsochi, naka kangkheangchi awm iy ka-jeira nawi nai meingtym y tako u prei nai ne. Huni khumichi ly mymychi ai ati kasabawmra py pei pajau y nai khumi cheng i vui y, vang kateng langseaungchi ai keaungngo kano kasauchi, kula-iuchi hawi tang iy syn u bo.

ISAIA 5:30

Huni neng khala nichi ly pangli tui amsau nai katyn kamta, raawi pajeng parai naimy Israela pri y aeu u ai. Huni pri ai khen u cham rai! Huni ly vengpam, ngari kamtang cheichei lawh ly! Kangvang ly kaveng theung y tama jo nai ne.

ISAIA 50:11

Khumi takhrachi ai tamyh pawn ai nai dawn paviu nai khumi bawibawichi awi, nangchi ly nangmychi i dawn paviu nai hawimy, myh kang u ai. Areng mymy kypkyp my, hini atitichi tym hai ai. Nichi ly ngari kamtang avum u ai.

ISAIA 50:3

Kani khusang ly khumi kadei i vui y paleung si vo tangam nai ka-ma-ra patei nai kamta, veng khiu na pa-rei kai ly sa thai.”

ISAIA 59:9

Khumichi my, “Tameuh ly achi ai ana nai khumichi kiu i nai, ati mana nai y atleu y lawh mo, nanai vai, achi pany bo. Achi ly amychi tako ai nai lam i vui y, kangvang ai kadeaung teu i py, kaveng naini avum u ra khyh.

ISAIA 60:2

Khaileaung pri y awm nai cheng takhra khumichi tlang tleaung y, kaveng my khiu teu i py, nang i tlang tleaung y ly Areng i kangvang my ko ai. Mymy meimai i phum-ang sangso ly nang i tlang tleaung y tym iy awm jo ai.

ISAIA 8:20

Huna nai khala nangchi my, “Areng i leu pei nai tangai u! Nichi thui nai leuchi ly nangchi i vui kamran by y,” nanai thui pi u.

ISAIA 9:1

Hina nai ngari kamtang tym nai neng ly nichi law tleaung ai nai lam awm ai ny y. Mrethe pangli dengdairei nisi mang y tako baly Jordan tavo vai hawi, Kalili pri khrairei tym nai, Zebulon hawi Naphtali cheng theaungchi i khu ka-peang napi nai cheng takhrachi awm nai meingtym ly vaichi khala tahm by y i py, mo mang y ly tahm awm ai.

ISAIA 9:20

Khumichi ly meingtym tleirei y mychi nga thai nai ryrei, teicha teineichi cha u teu i py, kajeu kanglam dam ai ny y. Nichi ly mychi i cho chanauchi ai malawn py cha u lawh bo ly!

JEREMIA 13:16

Nangchi i Areng Tameuh ly kani dym hai nai deaungkho y, nangchi ly mawi salo y athei iy, atlym y rai khala y hawi, mymy ly nangchi ajeng nai kangvang ai kaveng palawn y rai khala y py, nangchi ly Areng Tameuh ai palo u.

JEREMIA 23:12

Nichi i tako nai lam ly panai iy vengpam ai. Kai ly nichi ai athei iy atlym hai ai. Nichi i tlang tleaung y ka-jeira tym hai ai. Nichi ai pajeng ai nai neng kani tym ai. Hini ly kai Areng i thui nai leu ne,” napi.

MATTHAI 22:13

Naibaly samrang my ly mymy i miseaungchi teng y, ‘Ni i kiu kheu kawm u ly, angam mang i kaveng y patheu u; hu y ly vo py vo ai, ho py akachai ai,’ napi.

MATTHAI 24:29

“Na i py huni neng patang nai bo y ly kanito ai ly veng hai ai i, lo py angvang y leang bo, ka-sichi py kani mang i dengdairei tla ai i, kani mang i atiti sa thai nairachi ai ly ahyn hai ai;

MATTHAI 8:12

na i py huni pri i chanauchi ly angam mang i kaveng y patheu ai; hu y ly vo py vo ai, ho py akachai ai.” napi.

JUDA 1:13

pangli tui sampyh thi nai, mymychi i kaji ai nai satang ly phawn achen naichi ne: ajau nai ka-si, hunichi i vui ly deungtasarei kaveng thokha nai pateung nai ne.

AMTENG HAI NAI 16:10

Naibaly pa-ngo i nai ly mymy i khau i nai mawi kasi i areng atehra y lei bo; hunaibaly ni i peang naira ly veng be bo: nichi ly no nai deaungkho y mychi i palai py akei u bo;