ISAIA 8:19 - Khumi Common Language Bible

¹⁹ Na i py khumichi ly atam kawp nai leung sarachi hawi, vawinam kun nai khumichi teng y leu deng ai nai, nangchi teng y thui ai. Nichi my, “Khumichi ly heng nai khumichi i jeng y dei nai khumichi i phailochi teng y leu deng ai nai avo,” nanai thui u ai.

ISAIA 8:19 ပူးပေါင်းရင်းမြစ်များ

ATITI AWM ANGCHEI NAI 41:24

Naibaly choh vui hawi y naichi my, choh vui kahawichi ai pajawn pawn nai kaniu bo. Kai ly atam kakawpchi teng y amti pi i py, ami py thui pi pachai thai y,” napi.

2 ARENG KEH 1:3

Na i py Areng i kani pri amtaw thau ly Tshabe mary i amo Elija teng y, “Samrang Ahazia i savaichi hawi ka-vum so. Ati mana nai deaungkho y nangchi ly Ekron i tameuh Balazebu teng y leu deng ai nai chei u lawh mo? Israela pri y tameuh by y nai sai a?

2 ARENG KEH 21:6

Ni ly my i chapo ai py leng patlum nai katalamra palawn iy apathyp nai ne. Dawi kawp naichi hawi mo mang i satang thui kawp naichi amtiu iy, leung sarachi, vawinam pakun kawp naichi hawi amkawm. Ni ly Areng i tlang tleaung y khri pa-rei kamngo sa i, kado patheu nai ne.

2 ARENG KEH 23:24

Samrang Joseah ly Achura yhm theung y pathyp pi nai keung kalen keh Hilikiah my niu nai, leu maikawm cha-iu theung y tajiu nai kamta, sa u patawm ai nai Jerusalem mary hawi, Juda pri verei y awm nai vawinam pakun kawp naichi, leung sarachi, yhm typ nai mynchi, mynchi hawi chiu naira y teaung nai vawnsaichi taphra pawn nai ne.

1 NENG SATANG 10:13

Samrang Sawla dei nai ly Areng i tlang tleaung y ka-ym by y nai deaungkho y ne. Ni ly Areng i leu tangai y.

2 NENG SATANG 33:6

Mymy i chapochi ai Hinnom leaunghawira y leng patlum nai apathyp nai ne. Ni ly mo mang i satang thui kawp nai, dawi sa naichi teaung iy, leung khen kawp nai hawi vawinam kun nai khumichi teng y atitichi deng reng nai ne. Ni ly Areng i tlang tleaung y khri pa-rei kamngo sa iy, kado theu hai bo.

SAM 106:28

Naibaly Tameuh i khumichi ly Bala tameuh ai peor meingtym y chiu iy, tameuh kadeichi teng y apathyp nai mawichi cha ai nai amkawm u bo.

ISAIA 19:3

Kai ly Aikupta chengchi i dawn pasym naichi phra hai iy, nichi i paleung ka-dawn py phra hai ai. Nichi ly mychi i chiu nai mynchi teng y, kasabawmra hnei u ai. Vawinam pakun kawp naichi teng y chei iy leu deng ai i, khumi kadeichi i phailochi teng y katau hnei u ai.

ISAIA 26:14

Huni khumichi ly vai i neng y, dei u pawn veng bo; heng u ali bi ai ny y. Nang ly nichi ai pajeng iy tamyh pawn veng nai deaungkho y, nichi i phailochi py, tapreaung i nai ang thau u ai ny y. Nichi ai ami my py pany u y leang bo.

ISAIA 29:4

Jerusalem mary ly tapreaung angawm theung y leu katheu ai nai atho sa nai namli hawi atawm ai. Huni mary i katyn py speung theung i dengdairei, sailang amny y nai raawi kamsyh y theu nai katyn lawm ai.

ISAIA 30:2

Nichi ly kai teng i katau hnei y naimy, Aikupta pri y chei iy kasabawmra hnei u nai ne. Aikupta pri my ama hai naira ngai nai deaungkho y, nichi ly Aikupta samrang ai ym u bo.

ISAIA 45:11

Israela chengchi i chai parai nai Tameuh, mo mang i vui y sa nai Areng my, “Kai i cho chanauchi molam y nangchi my kai teng y deng ai nai aly by y. Kai ly ati sa ai nai avo mo, nanai nangchi my kai ai thui pi ai nai aly by y!

ISAIA 47:12

Nang i atam naichi hawi laphawichi arawi yb. Nang ly hunichi ai deaungdichy khala i ka-so teaung nai ne. Hunichi my nang ai ang sabawm lym ai. Nang i paleung ka-echi ai py, patheu pajau tan pajau lym ai.

ISAIA 47:13

Nang teng y tau pei nai miteaung keh neangneang awm teu i py, nang ly ati sai py so thai y leang. Ka-si taukichi ai khen patawm nai khumichi, Kani khusangra y jyhchi patleh takhra iy, lo tlei tleirei tym ai nai atitichi ai nang teng y thui pi yb nai khumichi, nang ai tau pei nai miteaung kehchi ly jeu iy, nang ai atleu u sy.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

JEREMIA 27:9

Amang thui pachai kawp naichi, khumi kadei i phailo palau iy dawi kawp naimy mo mang i satang thui thai nai keungchi, ti y baly nangmychi amochi i leu py tangai u moh. Nichi bawibawi my py nangchi ai Babulon samrang i miseaung y awm y ai nai ang thui pi bo.

Levi 19:31

“Kadeichi i phailochi hawi leu arum nai khumichi teng y tau hnei moh. Huna nai sa lawh baly nangchi ly reita leaungsai y amso ngai nai lawm u ai. Kai ly nangchi i Areng Tameuh ne.

Levi 20:6

“Kadeichi i phailo hawi leu arum nai khumichi teng y tau hnei nai khumi ai, kai ly meimai hi vui iy kai i khumichi theung i nai nyn va vui ai.

MIKHA 5:12

Kai ly nangchi i teaung nai atam, laphawichi ai taphra pi pawn nai deaungkho y, nangchi theung y leung sara awm ai ny y.

AMTAW 16:16

Naibaly hina nai awm, kaichi ly chiu sa nai meingtym y chei nai thym khala y anglo leaungrei ami mo, vawinam i leung kawp nai hawi avum, ni ly leung kawp nai deaungkho y mymy i yhmkeungchi ai ly kamran neangneang nga hai.

Leu Thui Nai 18:10

Nangchi i cho chanauchi ai leng patlum nai kapathypra palawn iy talam u moh. Nangchi ly dawi kawp nai, leung khen kawp nai, uimiu khawn nai,

Leu Thui Nai 18:11

atam kawp nai hawi kadei phailochi hawi arum kawp nai, hunichi ly amtiu u moh.

I THESALONIKA 1:9

Mymychi kypkyp my kaichi i nangchi theung y kun ai nai ngai nai sai ly pany hai u reng; naibaly nangchi ly Tameuh kangheng hawi meitang i kalop sa ai nai hawi, mymy i Chapo (kadeichi theung i dengdairei pathau nai i kado theu nai tym ai naira i nai ang lawi hai nai keung Isu ly) kani pri mang i dengdairei satla nai ajeng ai nai,

II PETERA 2:1

Na i py khumi humchi theung y ly tapawp nai amochi py theu u reng:hunai kamta nangchi theung y tapawp nai patiu nai keungchi awm ai mang, nichi my ly mymychi ai van nai keung Areng puipui ai malawn py apha vui iy, ang taphra pajau ai nai ym takhra nai leuchi kangviu y kun hai ai i, mymychi i tlang tleaung y tlenrei khyh my tama ai naira angtym hai ai.

1 SAMUELA 28:11

Vawinam kun nai neampachy my, “Nang i vui ami ai palau pi ai mo?,” napi. Sawla my, “Samuela ai palau pi,” napi.

1 SAMUELA 28:16

Samuela my Sawla teng y, “Areng ly nang ai ang khai su iy, nang i paleung ka-e lawm vui nai khala y, nang ly ati mana nai kai ai palau mo?

1 SAMUELA 28:7

Huna nai khala y Sawla ly mymy i tavai luchi teng y, “Vawinam pakun kawp nai leaungrei ai hau u; ni teng y chei iy kaimy deng ai,” napi. Nichi my, “Endora mary y vawinam kun nai neampachy leaungrei awm,” napi.

1 SAMUELA 28:8

Hunai deaungkho y Sawla ly mo-cha ataphra vui iy, ateaungchi py amchiu takhra i, vum aneng y mymy i khumi leaung nyhrei hawi vanrei, vawinam kun nai neampachy teng y chei hawi. Ni ly huni neampachy teng y, “Kai i khym taham molam y vawinamchi teng, kai i jeng y deng pi cham; kai i amyn thui nai khumi i phailo palau pi kyh,” napi.