ISAIA 8:18 - Khumi Common Language Bible

¹⁸ Areng my kai ai ang pei nai cho chanauchi hawi vanrei, kai ly hi y awm nai ne. Zion mawi salo y awm nai ati cheaungkhang sa thai nai Areng ly kaichi ai Israela chengchi i vui y leu pei nai kamta heng ai nai lawm hai bo.

ISAIA 8:18 ပူးပေါင်းရင်းမြစ်များ

ATITI AWM ANGCHEI NAI 33:5

Esaw ly khen aki prei i, neampachychi hawi deaungdichi ai niu baly, “Nang hawi vanrei abawi nai hini khumichi ly amichi mo?” nanai deng. Jakob my, “Jai awi, hinichi ly Tameuh my ang pei nai kai i chanauchi ne,” napi.

1 NENG SATANG 23:25

Davida my, “Israela chengchi i Areng Tameuh ly mymy i khumichi ai tlamsa naira pei iy, mymy py Jerusalem mary y awm pi jojo ai.

SAM 22:30

Mo mang i deng kangthauchi ly nang i amtaw thau u ai. Vai i deung kangthauchi ly mo mang i deng kangthauchi teng y, Areng i satang amti pi ai.

SAM 71:7

Nang ly kai i vui khaw parai nai abyhra ne nai deaungkho y, kai ly khumichi mo y atiura lawm bo.

SAM 9:11

Zion mary ai peang nai keung Areng ai ly palo nai khulym thui u! Mymy i sa nai leaungsaichi ai khumi cheng cheaungkhangchi teng y thui pi u!

SAM 9:12

Tameuh ly patang naira avum naichi ai pany pi jo nai ne. Nichi i aeu nai raawi tami pi y leang. Nichi i tlang tleaung y hawi y sa nai khumichi ai pajeng nai ne.

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 14:32

Philistin pri i dengdairei ang jeu nai savaichi teng y, achi ati mana pathang ai mo? Areng ly Zion mary ai palum bo i, huni maryra y patang naira avum nai mymy i khumichi ly chymme naira nga u ai, nanai satang nichi teng y thui pi u sina.

ISAIA 20:3

Asadod mary anawi nai khala y Areng my, “Kai i miseaung Isaia ly phainai amchiu y, tlang ka-keu naimy saneng thomrei chei kathiu chei kalau nai ly Aikupta pri hawi Ethiopia prichi avum ai nai leaungsai ka-ma-ra ne.

ISAIA 24:23

Ati cheaungkhang sa thai nai keung Areng ly samrang lyn ai bo i, lo ly avang y ai; kanito py angvang bi ai ny y. Mymy ly Jerusalem mary Zion mawi salo y peang ai. Khumi mipuichi ai pahawi nai lu sa nai keungchi py, mymy i nang parai nai sai niu u ai.

ISAIA 53:10

Areng my, “Ni ly kai i kangai y no patang nai avum bo. Ni ly mymy i tlang a-au nai ly kamngo pahen nai kapathypra ne. Hunai deaungkho y ni ly mymy i cho chanau kangpreang neangneang niu ai. Ni ly heng sau ai. Mymy deaungkho y kai i dawn pasym naichi py eaung naira nga ai.

ISAIA 7:16

Huni neng kani tym y rai khala my, nang jei nai samrang leaung nyhrei i pri ly khumi angso savai tlang nai lawm ai.

ISAIA 7:3

Areng ly Isaia teng y, “Nang i chapo Shear Jashub ai palau iy samrang Ahaz hawi ka-vum so. Nang ly ni ai salo tuikan tui paleaung nai tui lam katemra i, kanih aneng nai keungchi i kalop sa nai meingtym sahawi i lam salo y avum ai.

ISAIA 8:3

Neng kra y nai sala y kai i aju ly deaungdi aniu i, chapo tapen nai ne. Areng my py, “Huni chapo ai, ‘Tiu kaliki, lawm kaliki’ nanai amyn pathi ba.

JEREMIA 44:29

Kai ly hini meingtym y nangchi ai kang pajeng ai, nanai py nangchi ai kang tamyh ai, nanai kai i leu teng khyp ai, nanai py nangchi teng y kai Areng my pany hai ai.

Ezekiela 12:6

Huni vawnsai angpau ai paleang tleaung y atheng nai py, nangmy i chei ai nai lam niu thai y ai nai meimai atleang iy kaveng theung y theu nai py, nichi niu u sy. Nang i sa nai leaungsai ly Israela chengchi i vui pany hai nai ka-ma-ra lawm ai,” napi.

Ezekiela 14:8

Kai ly nichi ai ka-awi kasa ai. Nichi ai amtiu naira hawi kangji pei nai lawm ai nai kai ly teang ai. Kai i khumi kamkawm theung i nai patheu vui ai. Huna i naini kai ly Areng ne, nanai nangchi pany u ai.

Ezekiela 4:3

Tamo phei harei py la iy mary hawi nangmy sala y apai kamta pado iy khai ly nang ly mary mang y mo tha ba. Mary ly katanmeuh naira avum bo; nang ly mary y katanmeuh nai keung ne. Huni ly Israela chengchi i vui pany hai nai ka-ma-ra lawm ai.

ZEKHARIAH 3:8

Hunai deaungkho y pathyp pi nai keung kalen keh Josua awi, tangai ba. Josua i ahawi pathyp pi nai keungchi awi, mo mang i vui rengrang ka-ma-ra nga nai khumichi awi, tangai u. Kai ly “Sai kadeu” nanai amyn pathi nai kaimy i miseaung amthawn hai ai!

ZEKHARIAH 8:3

Kai ly kaimy i chai parai nai Jerusalem mary y kavawi teang ai. Huni mary y kaawm ai. Huni mary ly ka-ym awm nai mary nanai py, ati cheaungkhang sa thai nai Areng i mawi ly mawi kachai nanai py, amyn pathi ai.

LUKA 2:18

Naibaly thai nai ngierei my ly beram typ nai keungchi i thui nai ly lyh parai.

LUKA 2:34

Naibaly Simeon my nichi ai amtheaung hai i amhm Mari teng y, “Khen cham, hini deaungdi ly khumi neangneangchi i paleung y dawn nairachi ai amteng hai thai ai nai, Israelachi theung i khumi neangneangchi ai atlym hai ai nai hawi, aei nai ka-ma-ra lawn ai nai py khai nai ne:

Leu Thui Nai 28:46

Huni ka-jeirachi ang tym baly, hunichi ly Tameuh i Tara chih naira ne, nanai nangchi hawi nangchi i kangpreangchi ly pany u jojo ai.

HEBRAI 10:33

lamrei y ly jo nai hawi patang nai deaungkho y nangchi ai khen kahawi ra ang palawn: lamrei y ly hunai kamta awm naichi hawi amkawm nai deaungkho y patang u bo.

HEBRAI 12:22

Na i py nangchi ly Zion mawi teng y hawi, Tameuuh kangheng i avang kani mang i Jerusalem teng y hawi, tep rep ma pany y nai kani pri i amtaw thau nai kamkawmchi teng y hawi,