ISAIA 8:17 - Khumi Common Language Bible

¹⁷ Areng ly mymy i khumichi teng y meimai patei pi y; na i py kai ly mymy ai ym iy athang khai ai.

ISAIA 8:17 ပူးပေါင်းရင်းမြစ်များ

ATITI AWM ANGCHEI NAI 49:18

“Aw Areng, kai ly nang i atleu naira ajeng jo nai ne.

JOBA 13:24

Nang ly ati mana nai, kai teng i nai meimai hi pi vui lawh mo? Ati mana nai y paleung ka-e kamta, kai ai dawn lawh mo?

JOBA 14:14

Khumi dei nai ly heng rai na a? Na i py kai ly awm nai sai neng kahawi ajeng ai. Hini ngari kamtang tym nai neng katlen vui nai pa-rei ajeng ai.

JOBA 35:14

Joba awi, nang ly Tameuh ai niu pajau y, nanai thui; kham naimy ajeng iy awm ba. Nang i sa nai ly mymy i mo y tym bo.

SAM 130:5

Kai ly Areng i sabawm naira ajeng nai ne; mymy i adeu nai py ym bo.

SAM 27:14

Areng ai ly ym ba. Paleung phra moh; ym naira awm. Areng ai ly ym.

SAM 33:20

Achi ly Areng ai ajeng u bo. Mymy ly achi ai sabawm iy, ang kry nai ne.

SAM 37:34

Areng ai athang khai naimy reita leu pei naichi ai atyp ba. Mymy ly nang ai pri amtym ai nai pei iy, tahm pasang ai. Nang ly khumi hawi y naichi ai pri pala nai niu ai.

SAM 39:7

Hunai deaungkho y aw Areng, kai ly mani ai athang khai pajau ai mo? Kai ly nang ai athang khai nai ne.

SAM 40:1

Areng my sabawm ai nai kai ly kham tanga naimy ajeng nai khala y, mymy ly kano patheung iy, kai i aeu nai raawi thai bo.

ISAIA 1:15

“Nangchi kiu pheu iy chiu sa u nai khala y, kai ly nangchi mang y hi iy kang khen pi ai ny y. Nangchi i kiuchi ly kamngo thi akau nai deaungkho y, nangchi mana tanrei ham parai naimy chiu sa u teu i py, kang tangai pi ai ny y leang.

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ISAIA 26:8

Kaichi ly nang i ngai nai kamta sa iy, nang ai athang khai naimy awm; nang ai naini kakadeaung u bo.

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

ISAIA 33:2

Aw Areng, kaichi ai pahen kyh ba. Kaichi ly nang ai kadeaung nai ne. Kani tleirei kaichi ai ama hai iy, patang naira tym nai neng khala atleu kyh ba.

ISAIA 45:15

Mymy i khumichi ai atleu pi nai, Israela chengchi i Tameuh ly khumi i mei hawi niu pajau y nai Tameuh ne.

ISAIA 50:10

Areng ai tahm khai iy, mymy i miseaung i leu tangai nai khumichi awi, nangchi i tako ai nai lam ly veng py veng lym ai. Na i py nangchi ly Areng ai ym u; Nangchi i Tameuh ai paleung pado u.

ISAIA 54:8

Kai ly kado theu nai deaungkho y, tanareichy kang hi pi veng nai ne. Na i py tamen naira ly nangchi teng y kang patei pi jojo ai, nanai nangchi ai atleu nai keung Areng my leu pei bo.

ISAIA 57:17

Kai ly nichi i kamngochi hawi, ngaiphi ala naichi molam y kado theu nai, nichi ai kapajeng iy, nichi teng i nai hi pi veng bo. Na i py nichi ly paleung tang naimy, mychi i kangai sa u veangveang nai ne.

ISAIA 59:2

Mymy thai y nai ly nangchi i kamngo nai deaungkho y teu. Nangchi ai Tameuh hawi taprei hai nai py, nangchi i kamngo my ne. Nangchi ly mymy ai chiu ai nai dawn nai khala y, Tameuh hawi nangchi ai taprei nai ly nangmychi i sa nai kamngo my ne.

ISAIA 64:4

Nangmy ai kadeaung u nai khumichi i vui y, hina nai kalopchi ai nang kamta sa pi nai Tameuh ai ly ami py niu vai y. Huni Tameuh satang thai py thai vai y.

ISAIA 64:6

Kaichi bawibawi ly kamngochochi ne. Kaichi i kahawi keh sa nai malawn py, amso ngailai nai cheichei teu bo. Kaichi ly kaimychi i kamngochi deaungkho y, ali my pakheang veng nai phaicham kajeichi hawi atawm.

ISAIA 64:7

Nang i amyn y nang teng y leaungrei py chiu so y. “Sabawm kyh ba,” nanai leaungrei py hnei ai nai jeu y. Kaichi i kamngochi deaungkho y, nang ly meimai hi vui iy kaichi ai khai su bo.

JEREMIA 33:5

Babulon chengchi ai khumi phyreichi my tiu u ai. Kai ly khri pa-rei kado theu nai deaungkho y, kaimy padei ai nai khumi veuchi hawi, nichi ly hini mary y kawi hai ai. Mary i khumichi i sa tamang nai molam y, kai ly hini mary i nai meimai kahi pi vui ai.

HOSEA 12:6

Hunai deaungkho y Jakob i kangpreangchi awi, nangmychi i Tameuh ai ym iy mymy teng y vawi u teang ba, ka-ym awm u, kahawi so u, nangmychi i Tameuh ai paleung sau parai naimy ajeng u.

MIKHA 3:4

Nangchi ly Areng teng y vo naimy hnei takeng nai neng tym ai. Na i py mymy ly nangchi ai pathang pi ai ny y. Nangchi ly hawi y naira sa nai deaungkho y, mymy ly nangchi i hnei takeng nai raawi tangai pi ai ny y.

MIKHA 7:7

Na i py kai ly Areng ai ajeng ai. Kai ai atleu ai nai Tameuh ai ym naimy ajeng ai. Kai i Tameuh ly kai i chiu sa nai tangai pi ai.

HABAKKUK 2:3

Huni atitichi meitang khyp ang tym ai nai neng ly tym y leang rai. Na i py kaimy patei ai naichi tym angchi khyp ai nai neng ly ang tym kasa praw ryp ai. Huni neng ly tym patyh kyh ai nai athang khai. Na i py tym angchi khyp ai bo i, ajeng rym naimy awm ba, kra y leang mang.

LUKA 2:38

Hunai thym khala y mymy ly jeu khyp i Tameuh teng y kawn nai leu thui i, Jerusalem atleu ai nai athang khai nai ngiereichi teng y ly ni i satang thui pi.

LUKA 24:27

Naibaly Mosi hawi amochi i tajiu nai bawibawi amteaung iy, Tameuh i cha-iu bawibawi y amymy isatang tajiu nai ngierei ly nini ai thui pi pachai bo.

Leu Thui Nai 32:20

Areng my, ‘Hini khumichi ly paleung tang iy, ka-ym by y naichi ne; kai ly nichi ai kasabawm y leang bo,’ ‘Naibaly nichi ati lawm u na mo, nanai kakhen cham ai.

I THESALONIKA 1:10

mynchi mang i nai Tameuh mang y hi u pawn nai sai py pany hai u reng nai ne.

II THESALONIKA 3:5

Naibaly Areng ly nangchi i paleung ai ly Tameuh ai tamen naira mang y hawi, Krista i kham tanga naira mang y pahawi sy.

HEBRAI 2:13

Naibaly, “Khen cham, kai hawi Tameuh i kai ai pei nai deaungdichi,” napi taleang bi.

HEBRAI 9:28

Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.