ISAIA 8:14 - Khumi Common Language Bible

¹⁴ Kai i chai parai nai sai ly lyh ai hawi nai deaungkho y, kai ly khumichi pathuikhe iy atlym hai ai nai lengseaung hawi atawm. Juda khumichi, Israela khumichi hawi Jerusalem mary i khumichi ai patiu ai nai deaung hawi py atawm nai ne.

ISAIA 8:14 ပူးပေါင်းရင်းမြစ်များ

SAM 11:6

Mymy ly khumi hawi y naichi i tlang tleaung y mai-ai akawichi py, ango parai nai mai kangveaung py tla hai bo; nichi ai khri pa-rei angngo nai ali kabi hawi kamngo pajeng nai ne.

SAM 140:5

Paleung len amlyh nai khumichi ly kai i vui deaung pateung u; nichi ly kai ai patiu ai nai lam y mawipy jang iy tlaha sa u bo.

SAM 69:22

Nichi i cha nei pawichi ly mychi phra ai nai leaungsai lawm hai sy; nichi i sa nai reita pawichi ly mychi atlym ai naira lawm hai sy.

LEU KACHENG 18:10

Areng ly khumi kahawichi i abyhra, khaw parai nai lengseaung yhm pui atawm. Hu y khumi kahawichi ly chymme naira nga ai nai chei u pajau nai ne.

ISAIA 25:4

Khumi kamawnchi hawi jeaungmang nai khumichi ly nangmy teng y abyh u nai deaungkho y, patang naira tym nai neng khala y chymme naira nga u nai ne. Nang ly nichi ai alipui khupuira i nai ama hai nai py, khri pa-rei kabi ango naira i abyh ai nai ka-khui ka-ji py pei bo. Pahyp y naimy ana nai khumichi i tiu naira y kaseih ali kaho hawi py,

ISAIA 26:20

Kai i khumichi awi, nangchi ly nangmychi i yhm theung y kun iy, katheuchi akho u. Tameuh i kado theu nai rym nai ryrei, neng tanareichy aheu u daw.

ISAIA 28:16

Vai, ati cheaungkhang sa thai nai keung Areng my leu pei nai ly “Kai ly Zion y khaw parai pa-rei langdeng kapala ai. Kai ly ‘Hawihai palai ym naimy athang khai nai khumi ly kham tanga naimy ajeng nai ne,’ nanai tajiu typ nai cha abawi nai, khaw parai nai taki i lengseaung ai py, huni langdengra y khai pi ai.

ISAIA 4:6

Mymy i nang parai nai ly mary pui y kani kabi kangngo ang nai deng hai iy, alipui khupui aho hai y naimy, chymme naira lawm hai ai.

ISAIA 59:10

Achi ly mei kamjuchi kamta, pathang meimang iy tako u nai ne. Achi ly kanithun tang y malawn py vum y kamta, pathuikhe iy avah u bo. No-na by y nai khumichi i sala y kaichi ly veng pam nai tavau pri y tym nai kamta ne.

ISAIA 7:16

Huni neng kani tym y rai khala my, nang jei nai samrang leaung nyhrei i pri ly khumi angso savai tlang nai lawm ai.

JEREMIA 6:21

Hunai deaungkho y kai ly huni khumichi i mo y khangmui ka-cheungchi khai pi nai y pathuikhe iy, avah hai mawp ai. Amhm ampo hawi cho chanauchi py, ahawichi hawi yhm deaungpachi py dei u ai,” napi.

Ezekiela 11:16

Naibaly kai Areng my leu pei nai ly “Nichi ai kamlora i cheng takhrachi hawi vanrei awm ai nai pato iy pri takhra y ahei hai teu i py, kani tanarei sala nichi awm naira y nichi hawi vanrei kai kaawm ai.

Ezekiela 3:20

“Khumi kahawi leaungrei ly hawi y naira sa nai khala y, kai ly ni ai ka-jeira tym hai ai. Huna nai khala nang ly ni i hawi y sa nai ai thui parip y naimy awm lawh baly, ni ly mymy i sa tamang nai kamngo y dei ai. Vaichi khala y ni i kahawi sa naichi ai kaimy pany pi ai ny y. Huna nai khala huni khumi i dei nai molam ly nang i phu ne.

MATTHAI 13:57

Naibaly nichi ly mymy i tlang tleaung y paleung hawi y bo. Na i py Isu ly nichi teng y, “Amo ai ly mymy i avang y hawi mymy i yhm y ny baly palo y nai ly awm vai y leang,” napi.

MATTHAI 21:44

Huni lengseaung tleaung y atlym nai ly kawi phiu ai i, ami ai py ti krup ipsaly dei piupa ai,” napi.

LUKA 2:34

Naibaly Simeon my nichi ai amtheaung hai i amhm Mari teng y, “Khen cham, hini deaungdi ly khumi neangneangchi i paleung y dawn nairachi ai amteng hai thai ai nai, Israelachi theung i khumi neangneangchi ai atlym hai ai nai hawi, aei nai ka-ma-ra lawn ai nai py khai nai ne:

LUKA 21:35

Hunai kamta khyp khaileaung tleaung i awm nai bawibawichi teng y ly tym ai.

ROM AVANGCHI TENG Y PAWLA I CHA PA NAI 11:35

Mymy teng y heung teang ai nai py atiti ami pei man mo?

JOSUA 10:7

Naibaly Josua ly vawi patyp nai risachi abawi nai Israela tavaimi kamkawm verei hawi, Kilakala mary i dengdairei amsa u bo.

I PETERA 2:8

“Atlym naira lengseaung hawi paka naira lengseaung pui py lawn ai,” nanai ne. Ati mana nai mo nabaly nichi ly leu tangai y nai deaungkho y atlym u lawh reng; huna nai kamta awm ai nai nichi ai khai yb nai ne.