ISAIA 8:13 - Khumi Common Language Bible

¹³ Ati cheaungkhang sa thai nai keung Areng ly kachai ne, nanai tami vui moh. Nang i jei ai nai khumi ly kai ne.

ISAIA 8:13 ပူးပေါင်းရင်းမြစ်များ

ATITI AWM ANGCHEI NAI 31:53

Abraham i Tameuh hawi Nahora i Tameuh ly ani sala ly tara chih pi na sy,” nanai vaineng abeu bo. Hunaibaly Jakob py ampo Isaka i Tameuh i amyn y vaineng abeu teang.

SAM 76:7

Na i py aw Areng, nang ai khumi bawibawichi ly jei u nai ne; Nang kado theu nai khala y ami py nang i mo y angdo vam y nai ne.

THEU NAI 20:20

Naibaly Mosi my, “Jei u moh; nangchi ai cham ai nai py, nangchi ly mymy i leu tangai iy kamngo so y ai nai py, Tameuh ang jeu nai ne,” nanai pathang.

ISAIA 29:23

Nangchi ly kaimy kang pei ai nai cho chanauchi niu u ai. Huna nai khala y kai ly Israela chengchi i chai parai nai Tameuh ne, nanai nangchi pany u ai. Kai ai tahm pateng iy tahm khai naimy jei u ai.

ISAIA 5:16

Na i py ati cheaungkhang sa thai nai Areng ly kahawi sa nai dengdairei mymy i nang parai nai patei pi ai. Mymy i nang parai nai hawi chai parai nai amthang hai ai.

Ezekiela 38:16

kai i khumi Israela chengchi ai ali kamchai kamta nang ly tavai tiu ai. Nang, Koka i neng tym nai khala, Kai i pri y tiu hai ai nai nang ai kang pato ai. Hina nai hawimy kai ly ami mo, nanai khumi cheng cheaungkhang teng pany hai ai. Nang ai kang sa hai nai leaungsaichi hawi py, kai i chai parai nai amyn amthang hai ai.

Levi 10:3

Huna nai khala Mosi my Aron teng y, “Areng my leu pei nai ly ‘Kai i kalop sa nai khumi bawibawichi ly kai i chai nai sai ai tahm khai u ai nai tla. Kai ly kaimy i khumichi teng y kai i nang parai nai sai amteng hai ai,’ nanai thui nai ly hina nai molam y leu ang pei nai ne,” napi. Na i py Aron ly ati sai py katheu y naimy awm bo.

Levi 22:32

Kai i amyn kachai ai thui tamawn moh; kai ly kachai ne, nanai Israela khumi bawibawichi my pany u ai nai tla. Kai Areng ly nangchi ai chai hai bo.

MALAKHI 2:5

Kai i Leu Maikawmra y nichi ai heng naira hawi tlamsa ai nai adeu iy, kai ly kaimy ai nichi my tahm khai ai nai hunichi ai pei pi nai ne. Huni neng kanichi tym nai khala nichi ly meitang khyp, kai ai jei kaji naimy tahm khai u ai.

Kati Nai 27:14

ati mana nai mo na baly nangni leaung nyhrei ly Zin daichi ka-vym y kai i leu ai ei hawi nai deaungkho y ne. Meriba meingtym y khumi mipuichi my kai ai hawi y nai thui iy josei u nai khala, nangni ly nichi i mo y kai i sa thai naira ai tahm khai hawi y bo,” napi. (Meriba ly Zin daichi ka-vymra i Kadesa meingtym y awm nai tuino ai thui nai ne.)

MATTHAI 10:28

Naibaly tlang y padei iy, phailo ai padei pajau y nai keungchi ai ly jei u moh ly, ngari angawm y phailo hawi tlang ai tama hai pajau nai keung ai phai jei u.

LUKA 12:5

na i py nangchi ly ami ai jei ai nai tla mo, nanai kang thui pi rym ai; padei nai bo y py ngari angawm y aphi bi pajau ai nai keung ai phai jei u; ne, huni ai phai jei u, kang napi kai ly.

ROM AVANGCHI TENG Y PAWLA I CHA PA NAI 4:20

Sarai i teng nai py dawn teang: na i py ym naira avaw iy Tameuh i leu adeu nai ly ym thai y nai by y i,

Leu Thui Nai 14:23

Naibaly nangchi i Areng Tameuh my vawi takhra nai, mymy ai chiu nai meingtym hareira chei iy, hunira mymy i mo y choh, kreip hang, olive asitui, si hawi beramchi i cho chaluchi theung i, horei y harei ly cha u pajau. Huna nai sa nai ly nangchi i Areng Tameuh ai jei kaji naimy tahm khai jojo ai nai avo, nanai nangchi pany u ai nai tla.

AMTENG HAI NAI 15:4

Aw Areng, nang i amyn tahm khai y nai hawi palo y nai py ami awm ai mo? Nang leaungrei chai khyh; Nang i atiti kahawi sa naichi ly amteng hai nai deaungkho y, Cheng bawibawichi ly na i mo y tym iy ang chiu u ai,” nanai napi.

1 SAMUELA 11:7

Ni ly si katai nyhrei la iy, abai piupa bo; savaichi ai Israela pri verei y syn hai i, “Tavai thau ai nai Sawla hawi Samuela nini nithun abang y nai khumi ngiereichi i sichi ai, hina nai kamta abai piupa ai!,” nanai satang thai hai bo. Israela khumichi ly Areng ai jei nai deaungkho y, nichi ly angym u kaleuteu naimy theu u bo.