ISAIA 7:2 - Khumi Common Language Bible

² Suria risachi ly Israela khu ka-peang theung y tym u bo, nanai Juda samrang thai nai khala y, ni hawi vanrei ni i khumi mipui bawibawichi ly khri pa-rei jei u bo. Ali theu iy ahyn nai dengkeaung ngamchi kamta, nichi i paleung ahyn u nai ne.

ISAIA 7:2 ပူးပေါင်းရင်းမြစ်များ

2 SAMUELA 7:16

Nang i kangpreang ly mana khala py, myh kang y naimy nang i pri ly deungtasa khaw hai jo ai. Nang i peang nai haiho ly mana khala py jum veng ai ny y,’ nanai leu pei nai amti pi,” napi.

1 ARENG KEH 11:32

Kai i miseaung Davida i meimai y hawi, Israela pri verei i vui y kaimy vawi takhra nai Jerusalem mary saho y py, kai ly Solomon ai cheng harei peang ai nai pei ai.

1 ARENG KEH 12:16

Mymychi i takeng nai leu ai samrang ly tangai pi y leang bo, nanai pany u nai khala y, khumichi my, “Davida teng y achi i cheng by y! Jese i chapo teng y achi yhmtheaung by y! Aw Israela khumichi awi, amychi saleaung y vawi u sina! Aw Davida, nangmy i yhm ai khen teang cham! Rehoboam ly my i vui phai dawn khyh sy!” nanai aeu u. Hunai deaungkho y Israela khumichi ly tiu u nai ne.

1 ARENG KEH 13:2

Areng i leu pei nai kamta amo ly “Aw maicham, maicham, Areng my, Josia amyn pathi ai nai deaungdi ly Davida i yhm dengtheungra y tapen ai. Kapathyprachi nang i tlang tleaung y khai iy, tapawp nai maichamra kalop sa nai pathyp pi nai keungchi ai, ni ly nang i salo y padei iy apathyp ai. Khumi i hiuchi py nang tleaung y khai iy leng patlum ai,’ nanai leu pei bo,” napi.

2 NENG SATANG 25:10

Hunai deaungkho y Amazia ly alai yb nai risachi ai mymychi i yhm mang y vawi hai bo. Hunaibaly nichi ly Juda khumichi tlang tleaung y khri pa-rei kado theu naimy, mymychi yhm mang y vawi u nai ne.

2 NENG SATANG 28:12

Huna nai khala y tosyh mang pri i miteaung keh leaung palyhreichi napi nai Jehohanan i chapo Azariah, Meshelemo i chapo Berekhia, Shalum i chapo Jehizakhia hawi Hadalai i chapo Amasachi py, tavaimichi i sa nai sai khrei y.

SAM 11:1

Kai ly Areng teng y abyh bo. Pri amrip sup naira by y nai khala y, “Tavo kamta mawi salo mang y akheang ba;

LEU KACHENG 28:1

Khumi hawi y nai ly mymy ai pareng nai khumi by y pui naimy angpreng reng. Na i py khumi kahawi ly khrangsi kamta vam parai nai ne.

ISAIA 11:13

Israela mipuichi ly Juda mipuichi tlang tleaung y paleung ka-no awm ai ny y. Juda mipuichi py Israela mipuichi i paleung ka-e lawm ai ny y leang bo.

ISAIA 22:22

Kai ly ni ai Davida i katu chanau lawm nai keung, samrang i kalop sa ai nai sa thai naira au bebe ai. Ni ly kalop sa naira y aly len nai ne i, ni i sa nai kalopchi ai ami py sa palai vui thai ai ny y.

ISAIA 37:27

Huni marychira y awm nai khumichi ly atho by y; kaso theu naimy mynkym u na bo. Nichi ly nisi ali kabi aho nai khala y ngam ajawi nai lam teng i achachi, ti y baly yhm amphura y prau nai acha keungchi kamta atawm.

ISAIA 37:35

Kai ly kaimy i tahm awm nai ai py, kai i miseaung Davida teng y pei nai leu ka-deu molam py, hini mary ai ama hai ai,” napi.

ISAIA 6:13

Huni pri y khumi chungphy horei vi awm ai khyh na lawh teu i py, huni khumichi ly myh kang u ai nai ne. Huni khumichi ly paliu vui nai ngopraibiu keungchi i miukhiuchi hawi atawm ai,” napi. (Dengkeaung miukhiuchi ly Tameuh i khumichi deung kangtha amteaung nai sai pany hai nai ne.)

ISAIA 7:13

Huna nai khala Isaia my, “Aw samrang Davida i katu chanauchi awi, vai tangai ba. Nang ly khumi mipuichi ai niu ngai y ai nai pa-rei sa nai ly paleung anyp y i, Tameuh ai py niu ngai y ai nai pa-rei sa ai nai ngai lawh a?

ISAIA 7:17

“Israela hawi Juda pri nyhrei akhawi takhra nai neng dengdairei amteaung iy, avum vai y nai patang nairachi ai Areng ly nang hawi nang i khumichi tlang tleaung y py, samrang i yhm dengtheungchi tlang tleaung y py tym hai ai. Mymy ly Asuria samrang ai ang hawi ai.

ISAIA 7:5

Suria pri i samrang hawi Israela pri i samrang nini ly kangviu y tau harei sa hawi bo.

ISAIA 8:12

“Nang ly huni khumichi i dawn tau naira y abawi moh. Nichi i jei hyn naira y jei moh.

ISAIA 9:9

Huna nai sa, nanai ly Samari mary y awm nai khumi bawibawichi hawi, Israela cheng bawibawichi my pany u ai. Vai, nichi ly amlyh am-e iy paleung len u nai ne. Nichi my,

HOSEA 12:1

Israela khumichi i khawn khutawi dengdai kani dym khala khrairei, sa nai dawn nai ngiereichi ly kamran by y, atyhtyh teu. Nichi theung y ka-ym by y nai, khrukhra naichi nawi ra nai ne. Nichi ly Asuria pri hawi amsawi amnai asa naimy, Aikupta pri hawi ka-sum ka-pai sa u bo,” napi.

MATTHAI 2:3

Naibaly samrang Heroda hawi Jerusalem avang i khumi bawibawichi py huna nai thai baly paleung bi u bo.