ISAIA 7:18 - Khumi Common Language Bible

¹⁸ “Huni neng tym nai khala Areng ly Aikupta chengchi ai pathauchi kamta, Naing tavo kangprei syh mang dengdairei py, Asuria chengchi ai khawichi kamta mychi pri i dengdairei py tym u ai nai, amsui sai hawi ka-ma-ra pei ai.

ISAIA 7:18 ပူးပေါင်းရင်းမြစ်များ

SAM 105:31

Tameuh my leu pei i, pathauchi hawi saimawmchi ly pri verei y tym miu bo.

SAM 118:12

Nichi ly khawichi kamta kai ai ang tabawm u teu i py, aleng phreung ai mai my kang nai kamta, tama pawn veng ryp bo; kai ly Areng i sa thai naira hawimy, nichi ai katamyh pawn nai ne.

THEU NAI 8:21

Theu ai nai pei y lawh baly nang hawi nang i bangtangchi, khumi mipuichi teng y pathauchi kapato ai. Aikupta khumichi i yhmchi hawi khaileaung verei ly pathauchi kawi hai be ai.

THEU NAI 8:24

Naibaly Areng my pathau kanghu kang-ang pui ly samrang i yhm, mymy i bangtangchi i yhmchira y py, theu hai i, Aikupta pri verei ly phra vi na bo.

ISAIA 13:5

Nichi ly khaileaung pri katemra y awm nai, pri kamlochira i dengdairei ang jeu u bo. Areng ly kado theu nai deaungkho y, tavai ateaung hawi pri vereichi ai tamyh pawn ai nai ang jeu ai.

ISAIA 31:1

Aikupta pri mang y kasabawmra hnei ai nai chei naichi ly taham si! Nichi ly keaungngochi, tavai ka-richi hawi keaungngo atang nai risachi, napi nai Aikupta pri i tavai atho len nai ai ym u nai ne. Na i py Israela chengchi i chai parai nai Areng Tameuh ai ly ym u y. Kasabawmra nga ai nai mymy teng y py hnei u y.

ISAIA 5:26

Areng ly ka-ma-ra patei iy, kamlora awm nai cheng takhrachi ai palau ai. Mymy ly nichi ai khaileaung katem mang dengdairei jeu u ai nai, amsui sai hawi ka-ma-ra pei pi ai. Huni khumichi py huni meingtym y jeu u kaliki ai!

ISAIA 7:17

“Israela hawi Juda pri nyhrei akhawi takhra nai neng dengdairei amteaung iy, avum vai y nai patang nairachi ai Areng ly nang hawi nang i khumichi tlang tleaung y py, samrang i yhm dengtheungchi tlang tleaung y py tym hai ai. Mymy ly Asuria samrang ai ang hawi ai.

ZEKHARIAH 10:8

“Kai ly kaimy i khumichi ai palau iy kachu ai. Khumichi ai atleu iy jangni i kamta khumichi peung hai ai.

Leu Thui Nai 1:44

Naibaly mawitleaung pri y awm yb nai Amori chengchi ly khawi kanghu my tabawm nai kamta, nangchi ai ang tiu u bo. Nichi ly nangchi ai ang hui i, Edom pri Hormah mary y nangchi ai tavai sum hai bo.

Leu Thui Nai 28:49

Areng ly nangchi ai tiu hai ai nai nangchi hawi leu atlyh y nai khaileaung pri katemra i khumi cheng harei ang tym hai ai. Huni khumichi ly ahmtlau my ni nai kamta, nangchi ai ang tiu ai.

Leu Thui Nai 7:20

Nangchi kiu i tleaung iy preang nai khumichi ai malawn py, no kanghawitym hai iy padei pawn ai.

JOSUA 24:12

Nangchi tavai amsa u nai khala, kai ly nichi ai ahei hai phro iy, Amori samrang leaung nyhrei ai patheu veng bo. Nangchi i haisau hawi thailiho ateaungchi deaungkho y, eaung u nai ny y leang.