ISAIA 7:14 - Khumi Common Language Bible

¹⁴ Vai, Areng mymy naimy nang ai rengrang ka-ma-ra harei ang patei pi ai. Neampachy anglo leaungrei ly deaungdi aniu ai i, chapo tapen ai. Ni ly huni chapo ai, “Emmanuela”nanai amyn pathi ai.

ISAIA 7:14 ပူးပေါင်းရင်းမြစ်များ

ATITI AWM ANGCHEI NAI 16:11

Nang ly deaungdi aniu bo i chapo tapen ai; amyn ly Ismaela pathi ai nai tla. Areng my nang i patang nai hawi vo nai raawi thai bo.

ATITI AWM ANGCHEI NAI 29:32

Leah ly deaungdi aniu i chapo tapen. Mymy ly “Areng my kai i patang nai ang niu i, vai ly kai ai py kai i juvo my tamen teang ai,” nanai thui i, huni chapo ai Ruben, nanai amyn pathi bo.

ATITI AWM ANGCHEI NAI 3:15

Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.

ATITI AWM ANGCHEI NAI 30:6

Rakeli ly “Tameuh my kai i vui tara chih pi bo. Mymy ly kai i chiu sa nai pathang pi i kai ai chapo ang pei nai bo,” nanai thui. Hunai deaungkho y ni ly huni deaungdi ai Dan, nanai amyn pathi nai ne.

ATITI AWM ANGCHEI NAI 30:8

Huna nai khala Rakeli my, “Kai ly kaimy i amjo hawi atiu nai ly kaimy kapajau vui bo,” nanai thui. Hunai deaungkho y ni ly huni deaungdi ai Naphtali, nanai amyn pathi nai ne.

ATITI AWM ANGCHEI NAI 4:25

Adam hawi aju Evi ly chapo leaungrei tapen bi. Evi ly “Ka-ina my padei vui nai Abela i jeng y Tameuh my ang pei bi nai chapo ne,” nanai thui i Setha, nanai amyn pathi bo.

1 ARENG KEH 13:3

Naibaly amo my thui bi nai ly “Hini maicham ly anawi vui ai i, maicham salo i maiphuchi py ahei phro ai; hunaibaly kai i molam y hini leu ai Areng my pei nai ne, nanai nang pany ai,” napi.

SAM 46:8

Jeu u, Areng i sa pi nai saichi ai khen u; khaileaung pri y sa pi nai, lyh ai hawi parai naichi khen u.

ISAIA 38:7

Isaia my, “Areng ly mymy i leu adeu nai kamta sa ai, nanai nang ai pany hai ai nai ka-ma-ra harei patei pi ai.

ISAIA 8:10

Nangchi sa ai naichi dawn pasym u! Na i py huni pasym yb naichi ly mana khala py eaung ai ny y. Nangchi thui ai ngai nai leuchi thui u. Na i py hunichi ly ati sai py ny y ai. Ati mana nai mo nabaly Tameuh ly kaichi hawi vanrei awm nai deaungkho y ne.

ISAIA 8:8

Asuria samrang hawi tavaimichi napi nai, lem heu nai tavo tui ly Juda pri verei y leaung naimy meingtym tleireira y, khumichi i kaneaung tym pa-rei um ai,” nanai kai ai leu pei bo. Aw Emmanuela Tameuh ly kaichi hawi vanrei awm na a! Mymy ly my i tamen nai pakhi kadai iy, kaichi i pri ang kry pi nai ne.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

JEREMIA 23:6

Huni samrang my peang nai thym khala y Juda khumichi ly chymme naira awm ai i, Israela khumichi ly tlamsa naimy awm u ai. Naibaly huni samrang i amyn ly ‘Kaichi ai atleu pi nai Areng,’ nanai palau u ai.

JEREMIA 31:22

Ka-ym by y nai khumichi awi, nangchi ly mana tanrei kakra aninaw u ai rai mo? Neampachy my neampacho ai ama hai pajau nai ly rengrang nai kamta, kai Areng ly atiti takhra kangmeng kangtha sa nai ne,” napi.

JEREMIA 44:29

Kai ly hini meingtym y nangchi ai kang pajeng ai, nanai py nangchi ai kang tamyh ai, nanai kai i leu teng khyp ai, nanai py nangchi teng y kai Areng my pany hai ai.

MIKHA 5:2

Areng my, “Ephrat ka-peang Bethlehem mary awi, nang ly Juda pri y tahm theang keh nai mary harei ne i py, jangni i samrang kangpreang theung i, Israela chengchi ai peang ai nai samrang leaungrei amthawn ai,” napi.

MATTHAI 1:23

Ni i amyn ly Emmanuela pathi ai,” nanai thui nai ly tym thai ai nai huni bawibawi ly awm nai bo. (Emmanuela nanai ly, “Achi hawi vanrei awm nai Tameuh,” nanai sai ne.)

LUKA 1:31

Khen cham, nang deaungdi aniu ai i, chapo tapen ai: amyn y Isu pathi ai nai tla.

LUKA 1:35

Naibaly kani pri i amtaw thau nai my ly pathang i mymy teng y, “Nang i tlang tleaung y Phailo Kachai tym ai i, Salo Kangteng i atiti sa thai naira ly nang ai khiu ai mang; hunai deaungkho y nang i tapen ai nai py kachai, Tameuh i Chapo napi ai.

LUKA 2:12

Naibaly hini ly nangchi i vui ka-ma-ra ne: deaungdicho kanih y bam me nai, tawnbawi teicha pei naira y aseaung nai niu ai,” napi.

LUKA 20:44

Hunaibaly Davida my ly ni ai Areng napi lawh baly, mana nai ni i chapo ne thai ai mo?” napi.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

ROM AVANGCHI TENG Y PAWLA I CHA PA NAI 9:5

amsi pajochi ly mymychi i ne teang, Krista ly tlang mang i molam y mymychi theung i theu nai ne teang; mymy ly atiti bawibawichi i tlang tleaung y peang nai ne i, deungtasarei palo ai ataing nai Tameuh ne. Amen.

I TIMOTHEI 3:16

Naibaly aei ai nai vuilam ny y naimy Tameuh ai dawn ryhryh naira ly leu thiu parai nai ne. “Mymy ly tlang y amteng nai, Phailo y eaung naira nga nai, Kani pri i amtaw thau naichi my ni ai niu nai, Cheng Takhrachi theung y ni i satang aeu hai nai, Khaileaung pri i khumichi ly ni ai ym nai, Nang parai naira y ly ni ai hawi kalau vui nai,” nanai ne.

TARA CHIH NAI KEUNGCHI 6:36

Naibaly Kideon ly Tameuh teng y, “Nang ly kai ai teaung iy Israela chengchi ai atleu ai, nanai leu pei yb bo.

1 SAMUELA 1:20

Hunai deaungkho y Hannah ly deaungdi aniu i, chapo tapen. Ni my, “Kai ly Areng teng y hnei nai deaungkho y, hini chapo nga nai ne,” nanai thui i, amyn ly Samuela pathi bo.

1 SAMUELA 4:21

Naibaly Leu Maikawm Pawm paleung ka-echi kiu y tym vui nai, amprang hawi juvo dei vui nai molam y, “Israela chengchi i phum-ang ly tama vui bo,” nanai thui i, huni chapo ai Ikabo nanai amyn pathi bo.