ISAIA 66:5 - Khumi Common Language Bible

⁵ Mymy ai jei kaji naimy leu tangai nai khumichi awi, nangchi ly Areng i leu pei nai tangai u. Nangchi ly kai i tlang tleaung y ka-ym awm u nai deaungkho y, nangchi i cheng phyreichi ly nangchi ai niu ngai y iy ang paleang u parutu nai ne. Nichi ly nangchi ai panui hai iy, “Kaichi ly nangchi amo theu nai kaniu u ai nai ngai. Hunai deaungkho y Areng ly sa thai naira nang parai nai patei iy atleu pi na sy,” napi u. Na i py huni khumichi ly kangji kangai nga u ai!

ISAIA 66:5 ပူးပေါင်းရင်းမြစ်များ

1 ARENG KEH 21:29

“Kai i mei ka-niu y Ahab ly mana tanrei paleung apanem mo, nanai niu a? Ni ly nina tanrei apanem nai deaungkho y kai ly ni i deung y patang naira tym hai ai ny y. Ni i chapo deung, ni i yhm dengtheungchi i tlang tleaung y patang naira katym hai ai,” napi.

2 ARENG KEH 22:10

Naibaly, “Hini cha-iu ly Hilikiah my kai teng y pei nai ne,” nanai thui pi chum baly, huni cha-iu ai samrang teng y raawi amkau parai naimy phain pi bo.

2 NENG SATANG 34:27

Jerusalem mary i khumichi ai pajeng ai nai kaimy leumo pei nai thai nai khala y, nang ly vo bo; nangmy i ateaungchi sei iy uikheih naimy, kai i mo y paleung apanem nai ne. Naibaly kai ly nang i chiu sa hnei takeng nai thai nai deaungkho y,

EZARA 9:4

Dym mang apathyp ai nai neng tym i, khumichi ly kai teng y jeu u achu nai ryrei, kai ly paleung si nai hawimy huni meingtym y ateh jo rai; nichi ly pri palara i vawi ali teang nai khumichi i kamngo nai molam y, Israela chengchi i Tameuh my leu pei nai deaungkho y jei hyn nai khumichi ne.

SAM 119:120

Nang ai jei nai deaungkho y kai ly khuma phau na bo; nang i tara chih nai saichi molam y kai ly jei na bo.

SAM 38:20

Kai ly kateng sa ai nai atho sa nai deaungkho y, hawi naira ai hawi y naira hawimy patlai reng nai khumichi ly kai ai ka-awi sa u bo.

LEU KACHENG 13:13

Tau kahawi pei nai leu ai akhi reng nai khumi ly ka-jeira ai palau nai khumi ne; tau kahawi pei nai ai tangai reng nai khumi ly chymme naimy awmnem ai nai nga.

Solomon i khulym 1:6

Kai i ngan tlang ly kani kabi my dau i, panum nai deaungkho y kai ai khen nau u moh. Kai i amprochi my kai ai kado ang theu hai nai deaungkho y kreip akhora y kai ai kalop sa hai bo. Kai ly anglo asa ai nai neng ngo y na.

ISAIA 26:11

Paleung ka-echi ly mychi ai nangmy pajeng ai, nanai pany u y. Aw Areng, nichi ai kangji ngo hai ba. Patang naira tym hai ba. Nangmy sa pi yb nai pajeng naira avum hai ba. Nang ly nangmy i khumichi ai mana tanrei tamen mo, nanai nichi ai pany hai ba.

ISAIA 5:19

Nangchi my, “Kaichi niu ai nai Areng ly mymy i leu pei nai kamta, so pi kaliki sy. Israela chengchi i chai parai nai Tameuh ly mymy i dawn tau naichi so pi takengkei na sy. Mymy i dawn tau nai achi khen u sina,” nanai thui lawh.

ISAIA 60:15

“Nang ly khumi angso savai tlang iy nyn va nai niu ngai y naira avum nai mary lawm y leang bo. Kai ly nang ai nang parai iy apu parai nai, deungtasarei amo theu ai hawi nai mary lawm hai ai.

ISAIA 65:13

Hunai deaungkho y kai i leu tangai iy, kai ai chiu naichi ly cholei neilei y iy, nangchi ly kajeu alam naimy tui py ahai u ai. Kai i miseaungchi ly amo theu iy nangchi ly kangji nga u ai, nanai nangchi ai kai, Areng my kang thui pi nai ne.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

JEREMIA 36:16

Phain pi chym baly samrang i bangtangchi ly athengra nai meimai hawi leaung leaungrei akhen u leungtang iy, “Hini satang ly samrang teng y kaichi thai hai ai nai tla ai,” nanai Baru teng y thui pi bo.

HOSEA 11:10

“Khrangsi i hang nai kamta kai ly paleung ka-echi ai hang hai nai khala y, kai i khumichi ly kai nithun abang u ai. Nichi ly nidym ngan mang dengdairei, kai teng y jeu u kaliki ai.

MATTHAI 10:22

Naibaly kaimy i amyn deaungkho y khumi bawibawichi ly nangchi ai niu ngai y ai; na i py tem pa-rei kham pajau nai khumi ly mymy kypkyp ly hengra nga ai.

LUKA 13:17

Naibaly mymy ly huni leu thui nai thym khala y mymy ai ei nai paka naichi bawibawi ly kaji bo; na i py khumi mipuichi ly mymy i atiti bawibawi hawi parai nai sa nai deaungkho y kawn u bebe.

JOHAN 16:2

Nangchi ai achura yhm i nai ang patheu ai; ne, ami py nangchi ai ang padei ai nai ngierei ly Tameuh i vui y atiti kahawi sa, nanai adawn ai: huna nai neng tym ai;

JOHAN 9:34

Nichi my ly mymy teng y, “Nang ly kamngo naimy tapen nai na a, kaichi ai patiu lawh a?” nanai pathang i, ni ai ly atho y my patheu bo.

II THESALONIKA 1:12

Hunaibaly achi i Tameuh hawi Areng Isu Krista i pahenra kamta, achi i Areng Isu i amyn ly nangmychi y palo nai awm thai ai i, nangchi py mymy y ly palo nai awm thai ai.

TITA 2:13

vai heng nai sala ryrei ly amkym naira y py, hawi naira y py, Tameuh ai dawn ryhryh naira y py awm ai nai tla, nanai ang patiu bo;

HEBRAI 9:28

Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.

I JOHAN 3:13

Amjo amnauchi awi, khaileaung pri my nangchi ai niu ngai y baly rengrang ti u moh.