ISAIA 66:18 - Khumi Common Language Bible

¹⁸ Nichi i sa nai, dawn naichi kai pany. Kai ly pri tlei tleireichira i khumichi ai kachu ai nai kang jeu ai. Nichi ly akachu u nai khala y kai i sa thai naira mana tanrei ham na mo, nanai niu u ai. Mymychi ai pajeng nai keung ly kai naini ne, nanai py pany u ai. Na i py kai ly phyreichi ai tlamsa naira pei ai. Kai ly nichi ai kai i satang thai vai y, kai i sa thai naira len parai nai niu vai y nai

ISAIA 66:18 ပူးပေါင်းရင်းမြစ်များ

JOBA 42:2

Aw Areng, nang ly ati cheaungkhang sa thai nai keung ne, nanai py, nangmy ngai nai kamta ati cheaungkhang sa pajau, nanai py, kai pany bo.

SAM 139:2

Nang ly kai i sa nai ngiereichi pany; kai i dawn pasym nai ngiereichi ai kamlo mang my pany nai ne.

SAM 67:2

Huna i naini khaileaung pri y awm nai khumi bawibawichi ly nang i kangai pany u ai; khumi cheng bawibawichi ly nang i atleu pi nai pany u ai.

SAM 72:11

Samrang bawibawichi ly mymy i mo y ambeu u ai; khumi cheng cheaungkhangchi py, samrang i miseaung lawn u ai.

SAM 72:17

Samrang i amyn ly awm jojo sy; amyn amthang nai ly kanito kamta awm jojo sy. Tameuh ly samrang ai amtheaung naira pei nai kamta, khumi cheng cheaungkhangchi ly mychi ai py, amtheaung naira pei ai nai Tameuh teng y hnei u sy.

SAM 82:8

Aw Tameuh, jeu ly khaileaung pri ai peang ba; khumi cheng cheaungkhangchi ai nang ly peang nai ne.

SAM 86:9

Nangmy sa nai khumi cheng cheaungkhangchi ly jeu iy, nang i mo y lu meung u ai; nichi ly nang i nang parai nai sai palo u ai.

SAM 94:11

Huni khumichi i dawn tau naichi ai Areng ly pany; nichi i dawn pasym naichi ly atyhtyh teu, nanai mymy ly pany nai ne.

SAM 97:6

Mymy i neaung hawi nai saichi ai kani khusang ly amthang hai i, khumi bawibawichi ly mymy i nang parai nai sai niu u nai ne.

ISAIA 11:9

Tameuh i nang parai nai Zion mawi salo y, ka-jeira lawm hai nai, ti y baly hawi y naira ati sai py awm ai ny y. Panglichi ly tui kawi mang nai kamta, huni pri y Areng ai pany nai cheng naira hawimy kawi angym ai.

ISAIA 2:2

Isaia my vai mo mang i neng khala y vai, Achura yhm awm nai mawi ly mawi bawibawichi ai cho iy, asang keh nai lawm ai. Khumi cheng bawibawichi py, huni mawi y jeu u ai.

ISAIA 37:28

“Na i py kai ly nang i satang pany angym bo. Nang ly ati sa iy ma mang y chei mo nanai py, kai ai mana tanrei kado theu hai mo, nanai py kapany.

ISAIA 40:5

Huna nai khala y Areng i nang parai nai ly amteng ai i, khumi angso bawibawichi ly huni nang parai nai niu u ai. Huna nai tym ai nai Areng mymy kypkyp my adeu pi nai ne,” nanai aeu bo.

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

ISAIA 52:10

Areng ly chai parai nai kiu hawi, pri tleireichi mo y mymy i khumichi ai atleu nai deaungkho y, huni atitichi ai khaileaung pri vereichi my niu u nai ne.

ISAIA 55:8

Areng my, “Kai i ka-dawnchi ly nangchi i ka-dawnchi hawi atawm y. Kai i reitachi py, nangchi i reitachi hawi takhra nai ne.

ISAIA 56:8

Mymy i khumichi ai pri pala naira i dengdairei, mychi i pri y palau ali teang nai Areng ly takhra khumichi ai py, huni khumichi hawi vanrei amkawm iy awm ai nai pahawi ai.

ISAIA 57:12

Nangchi ly nangmychi i sa nai kalop ly teng, nanai athang khai u. Na i py nangchi i sa nai kang tapheaung nai khala y, nangchi i mynchi ly nangchi ai asa hai pajau ai ny y.

ISAIA 59:7

Nangchi ly hawi y nai sai sairei dawn jojo naimy, kamngo sa ai nai ajeng u keaung na. Kamngo by y nai khumi ai padei ai nai kiu patyh y. Nangchi tym nai meingtym tleirei y, phra nairachi naini awm jo nai ne.

ISAIA 65:2

Paleung tang iy hawi y sa naimy mychi kangai lam y tako reng nai, kai i khumichi ai lamchung ai nai ajeng rym jo nai ne.

ISAIA 66:10

Jerusalem mary ai paleung apei nai khumichi awi, ni hawi vanrei amo theu u; ni i vui amo theu u! Huni mary i vui paleung si vo tangam nai khumi bawibawichi awi, vaimy ni hawi vanrei amo theu u!

JEREMIA 16:17

Nichi i sa nai kalopchi ai kai niu; kai niu pajau y nai ati sai py by y. Nichi i kamngo sa naichi ly kai i mei ka-niu y aheu thai y.

JEREMIA 3:17

Huni neng tym nai khala y, Jerusalem mary ly ‘Areng i areng atehra,’ nanai palau ai. Khumi cheng cheaungkhangchi py, huni mary y akachu u iy kai i amyn tahm pasang u ai. Nichi ly mychi i hawi y nai paleung katang kangai mang y sa u ai ny y.

Ezekiela 38:10

Sa thai naira angym nai Areng my Koka teng y, “Hini neng tym nai khala, nang ly hawi y nai paleung ka-dawn harei sa ai.

Ezekiela 39:21

Areng my, “Khumi cheng cheaungkhangchi ly kai i nang parai nai haiho niu u ai. Kai i ka-dyh ka-dawi tara chih naichi leu pacheang naira y, kai ly kaimy i sa thai naira ai ati mana teaung mo, nanai nichi teng y patei pi ai.

JOELA 3:2

Khumi cheng cheaungkhangchi ai angym hai teang iy tara chih nai leaunghawi mang y pahawi ai. Kai i khumichi ai nichi my sa nai molam y huni meingtym y nichi ai, kaimy tara chih ai. Nichi ly Israela chengchi ai, pri takhra mang y ahei hai i, kai i pri Israela ai ahei hai akyhkyh nai ne.

AMOS 5:12

Nangchi ly mana tanrei kamngo sa tamang iy, nangchi i kamngo ly mana tanrei jei ai hawi na mo, nanai kai pany. Nangchi ly khumi kahawichi ai ana iy, un tangka cha u. Khumi kamawnchi ai kateng chih y naimy, nichi ai tara jeung i dengdairei patheu u nai ne.

ZEKHARIAH 14:16

Naibaly Jerusalem mary ai tiu u nai khumichi theung i, dei kamthum khumi bawibawichi ly ati cheaungkhang sa thai nai Areng i peang nai anui y awm u iy, mymy ai chiu u ai nai py, Taichy Pawi sa u ai nai py, huni mary y saneng tleirei tym u ai.

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

MATTHAI 12:25

Naibaly Isu ly nichi i dawn naichi ly pany i nichi teng y, “Mani pri y py amy tengtawi atiu nai ngierei ly tama ai; naibaly mani avang y py dengtheung py amy tengtawi atiu nai ngierei ly awm thai ai ny y.

MATTHAI 9:4

Naibaly Isu ly nichi i dawn nai ly pany i, “Nangchi ly ati mana nai nangchi i paleung y kamngo nai dawn u lawh?

LUKA 5:22

Hunaibaly Isu my nichi i dawn pasym nai ly pany i nichi teng y, “Nangchi i paleung y ati dawn u pasym mo?

JOHAN 17:24

Ngaai, nangmy kai ai nang parai naira pei nai ly nichi niu ai nai, nangmy kai teng y au naichi ai ly kai i awm naira y kai teng y awm hai teang ai nai kangai; khaileaung palum y rai kha y my nangmy kai ai tamen bo.

JOHAN 5:42

Nangchi ai kang pany, nangchi i paleung theung y Tameuh ai tamen naira by y leang.

ROM AVANGCHI TENG Y PAWLA I CHA PA NAI 16:26

naibaly leu kathiu amteng hai nai kamta (huni leu kathiu ly deungtasa dengdairei aheu reng i, vai naini amteng hai nai ne; naibaly deungtasa khrairei awm nai Tameuh i leu pei nai kamta, ym naira patawm ai nai, amochi i cha-iu leu ly cheng cheaungkhangchi teng y pany hai nai bo):

I KORINTH 3:20

“Areng my ly khumi kachengchi i dawn nairachi ly jawmjawm teu nanai pany,” nanai py tajiu nai ne.

Leu Thui Nai 31:21

ka-jei awm nai patangrachi khri pa-rei avum u ai. Na i py nichi i pany nai ka-ma-ra lawm ai nai hini khulym ly thui u ai nai tla. Kaimy pei ai adeu nai pri y kapahawi y rai khala my, nichi i paleung theung y dawn naichi kapany,” napi.

HEBRAI 4:12

Ati mana nai mo nabaly Tameuh i leu ly heng i atiti sa thai, haisau bo nyhrei awm nai tleaung y py chiu i, hengra hawi phailo py, hiu lenglaw hawi aleng khawi takhra pa-rei thun pajau:paleung y dawn nai hawi tau naichi py chih praw thai nai ne.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 2:13

Nang i awm naira kapany: Setan i areng atehra ly huni meingtym y awm: naibaly nang ly kai i amyn patawn cheng i, Setan i awm naira y kai i leu pany hai nai keung ka-ym Antipa ai ang padei nai thym khala y py nang ly kai ai ym naira ly apha y leang bo.

AMTENG HAI NAI 2:2

Nang i atiti sa naichi hawi, sa akawm nai hawi, kham tanga nai sai hawi, khumi kamngochi ai kham pajau y nai sai py kapany: naibaly amtaw thau naichi ny y naimy, amtaw thau nai angam naichi ai cham iy nichi ly tapawp nai keungchi ne, nanai pany bo;

AMTENG HAI NAI 2:9

Nang i patang nai hawi kamawn nai sai py kapany; na i py nang ly nang chy bo; naibaly Juda tatang ny y naimy, Juda angam nai Setan i achu nai kamkawmchi i thui tamawn nai py kapany.