ISAIA 66:16 - Khumi Common Language Bible

¹⁶ Mymy ly kamngo awm nai khumichi ai mai hawi mo, haisau hawi mo, pajeng ai. Huni khumichi ly dei u bebe ai.

ISAIA 66:16 ပူးပေါင်းရင်းမြစ်များ

ISAIA 10:4

Nangchi ly tavai keung y dei u ai; ti y baly langheng palawn iy ang hawi pawn nai avum u ai. Huni neng khala py Areng ly kado theu nai rym y ai i, kamngo pajeng ai nai kiu pheu naimy awm jo ai.

ISAIA 27:1

Huni neng khala y Areng ly chiu parai nai haisau hawi a-ieih naimy awm nai pavui pui tuireng nam (Levithan) ai pajeng iy, pangli Naka pui ai py padei ai.

ISAIA 3:13

Areng ly mymy i kalop ai patei pi yb bo. Mymy ly khumi cheang cheaungkhangchi ai tara chih ai nai angchi yb nai ne.

ISAIA 30:30

Areng ly khumi bawibawichi teng y phum-ang angym nai raawi thai hai iy, mymy i kado theu nai haiho avum hai ai. Mai kadeu kangveaungchi, kani pajyh nai, ji amaichi tla nai hawi, khri pa-rei kani nai hai ai.

ISAIA 31:8

Asuria pri ly tavai sum ai. Na i py khumichi i sa thai naira haiho molam y ny y. Asuria chengchi tavai keung i nai angpreng u ai. Nichi i thawndeang deaungdichi py miseaung y achei u ai.

ISAIA 34:2

Areng ly khumi cheng cheaungkhangchi i tlang tleaung y py, nichi i tavaimi kamkawm bawibawichi i tlang tleaung y py, kado theu nai deaungkho y phra hai ai nai pajeng bo.

ISAIA 65:12

haisau hawi tleh nai avum ai. Nangchi ly kaimy palau nai khala y pathang u y. Kaimy kang thui nai khala py tangai u y. Nangchi ly kai i mo y hawi y naira sa naimy, kai i ngai y nairachi sa u lawh bo.

JEREMIA 25:31

Areng ly khumi cheng cheaungkhangchi ai tara pasau ai. Mymy i raawi ly khaileaung katem y khrairei avah na ai. Mymy ly khumi bawibawichi ai chih iy khumi hawi y naichi ai padei ai. Hini ly Areng i thui nai leu ne,’ nanai thui pi,” napi.

JEREMIA 25:33

Huni kani tym nai khala ly Areng my padei nai khumichi i veuchi ly khaileaung pri verei y ahei ai. Nichi i vui ami py paleung si hai ai ny y; veuchi py la iy up ai ny y. Huni veuchi ly si eichi pakheng achu nai kamta, khaileaung salo y awm ai.

JEREMIA 45:5

Nang ly nang i nga ai avo nai ajeng nai a? Ajeng moh. Kai ly khumi cheaungkhangchi i tlang tleaung y ka-jeira tym hai ai. Na i py nang ly tym naira tleirei y dei y naimy, ka-jeira i nai lawi naira nga ai. Hini ly kai Areng i thui nai leu ne,” nanai leu pei nai thui pi bo.

JEREMIA 46:15

Sa thai naira awm nai nangchi i tameuh Apis ly ati mana nai atlym vui lawh mo? Ni ai Areng my pakhau bo!’

Ezekiela 28:18

Nang ly ka-jo ka-van sa naira y huna nai hawi y nai sa i, nang i kamngo nai deaungkho y, nang i chiu nai meingtymchi ai chai hai y bo. Huna nai y nang ai vai khen nai khumi bawibawichi i mo y, kai ly nang i mary ai maitlawi lawm na pa-rei kang hai ai. Kaichi ly maitlawi naini niu u ai.

Ezekiela 38:17

Vai mo mang y kai ly Israela pri y tiu ai nai khumi leaungrei pato ai, nanai law veng nai neng khala, amochi dengdairei kaimy leu pei nai ly nang ai patyp iy thui nai ne. Huni neng khala amochi my, kai ly nang ai huni khumichi ai tiu hai ai, nanai saneng neangneang kakra thui pi bo,” napi. Hini ly sa thai naira angym nai Areng i pei nai leu ne.

Ezekiela 5:15

“Kai ly nang i tlang tleaung y khri pa-rei kado theu hai iy, no-ei pa-rei kang pajeng nai khala, tengpang sahawi i khumi cheng cheaungkhangchi ly jei athengra naimy, nang i amso ngai nai niu iy ang panui hai ai.

JOELA 3:2

Khumi cheng cheaungkhangchi ai angym hai teang iy tara chih nai leaunghawi mang y pahawi ai. Kai i khumichi ai nichi my sa nai molam y huni meingtym y nichi ai, kaimy tara chih ai. Nichi ly Israela chengchi ai, pri takhra mang y ahei hai i, kai i pri Israela ai ahei hai akyhkyh nai ne.

AMOS 7:4

Kai ly sa thai naira angym nai Areng teng i paleung mei hawi kaniu bi bo. Huni paleung mei niu naira y mymy ly mymy i khumichi ai mai hawi pajeng ai nai angveirym nai kaniu. Huni mai ly khaileaung anui suida pangli verei mai kang chum baly, khaileaung salo y py mai kang amteaung bo.

NAHUM 3:15

Nang ly mana mo sa i py, mai my kang iy tavai keung y dei ai. Akhu-tamachi my cha nai amti amjangchi kamta, nang ly tama ai. Nang ly akhutamachi kamta khumi vuikanai peung hai bo!

NAHUM 3:3

Keaungngo atang nai risachi ly athorei my tiu u i, nichi i haisauchi hawi tivichi ly angvang thlithlup na! Kati pajau y na pa-rei nawi nanai khumi kadei veuchi ly apeung su na bo. Khumichi py huni veuchi salo y atlym u na bo.

ZEKHARIAH 14:5

Nangchi ly mawi aseih thla nai nyhrei, leaunghawi lam mang preang iy tleaung u ai; Juda samrang Uzia deung y kaleih theu nai thym khala, nangchi i amsi pajochi preang u pawn nai kamta, nangchi py preang u teang ai. Kai i Areng Tameuh ly mymy hawi vanrei, kani pri amtaw thauchi ai hawi iy ang jeu ai.