ISAIA 66:12 - Khumi Common Language Bible

¹² Areng my, “Kai ly nangchi ai nang chawn jojo ai nai kang pei ai. Khumi cheng cheaungkhangchi i yhmtheaung katuichi ly mana khala py kang vai y nai tavo tui kamta, nangchi teng y ang leaung ai. Nangchi ly amhm my tamen parai nai y tapawm naimy kanu panei nai deaungdi hawi atawm ai.

ISAIA 66:12 ပူးပေါင်းရင်းမြစ်များ

ISAIA 14:2

Khumi cheng cheaungkhangchi ly Israela chengchi ai, Areng my pei nai pri y vawi u ali teang ai nai sabawm u ai. Huni pri y cheng takhra khumichi ly Israela chengchi teng y miseaung kamta kalop sa u ai. Israela chengchi ai patiu nai khumichi ai, vai ly Israela chengchi my patiu ali teang ai. Israela khumichi py, vaichi khala mychi ai ana nai khumichi ai peang u ai.

ISAIA 26:3

Aw Areng, nang ly paleung meitang ne i nang ai ym nai khumichi teng y tlamsa naira tatang pei pi bo.

ISAIA 33:21

Areng ly mymy i nang parai nai sai achi niu ai nai pei ai. Achi ly tavo pui, micheaung puichi sahawi y awm ai nai nga u ai. Na i py huni tavo puichi ra y paleung ka-echi i paleaung hawi samphochi, so kathiu, so kalau ai nai nga u ai ny y.

ISAIA 45:14

Areng my Israela chengchi teng y leu pei nai ly “Aikupta pri hawi Ethiopia pri i yhmtheaung katuichi ly nangchi nga u ai. Seba pri i khumi len ka-sangchi ly nangchi teng y miseaung achei u ai. Nichi ly sengkry hawi pakheng naimy, nangchi nithun abang u ai. Nichi ly nangchi i mo y lu meung naimy, hina nai thui pi u ai; ‘Tameuh ly nangchi hawi vanrei awm bo; mymy leaungrei naini Tameuh ne.

ISAIA 48:18

“Nangchi naini kai i leu pei naichi tangai u lawh teu i khyly, khri pa-rei hawi ai! Awmnem nai tavo tui kamta, nangchi i vui leaung ai! Eaung naira py tui peang y tui sampyh pachaw nai kamta, nangchi i vui tym ai nai ne.

ISAIA 54:13

“Nang i khumichi ai kaimy thui parip ai. Nang i cho chanauchi ai nang chawn nai hawi tlamsa naira pei ai.

ISAIA 54:3

Nang ly amy i khujyhchi palen ai nai tla. Vai, cheng takhra khumichi awm nai pri ly nang i khumichi my nga u ali teang ai. Vai, khumi angso savai tlang nai marychi ly phuitaw na ai.

ISAIA 59:19

Nidym mang dengdai nisi mang khrairei, khumi bawibawichi ly mymy i amyn hawi sa thai naira haiho ai, jei hyn naimy tahm khai u ai. Mymy ly ho parai nai tavo tui kamta py, ho parai nai ali kamta py ang jeu ai.

ISAIA 60:16

Amhm ly chanau ai kanu panei nai kamta, khumi cheng cheaungkhangchi i samrangchi ly nang ai ang kry u ai. Kai, Areng ly nang ai atleu bo, nanai py, Israela chengchi i ati cheaungkhang sa thai nai Tameuh ly nang ai miseaungra i nai alaw hai bo, nanai py, nang ly pany ai.

ISAIA 61:6

Nangchi ai ly Areng i pathyp pi nai keungchi, Tameuh i miseaungchi napi ai. Khumi cheng cheaungkhangchi i yhmtheaung katuichi amtym iy, huna nai amtym nai molam y, nangchi ly amlyh u ai.

ISAIA 66:11

Nangchi ly amhm i paleung tleaung y awm nai deaungdicho kamta, paleung anyp naimy Jerusalem mary i nang chawn naira amtym u ai.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

JEREMIA 33:6

Na i py kai ly mary hawi mary i khumichi ai hawi sa pi ai i, noso hawi u ali teang ai. Mary i khumichi ai tlamsa naira hawi chymme naira nga hai ai.

HAKAI 2:9

Achura yhm kangtha ly Achura yhm kangngym tleaung y apu keh ai. Huni meingtym y kai ly kaimy i khumichi ai nang chawn hai iy, tlamsa naira pei ai, napi. Hini ly ati cheaungkhang sa thai nai Areng my thui nai leu ne.