ISAIA 66:11 - Khumi Common Language Bible

¹¹ Nangchi ly amhm i paleung tleaung y awm nai deaungdicho kamta, paleung anyp naimy Jerusalem mary i nang chawn naira amtym u ai.

ISAIA 66:11 ပူးပေါင်းရင်းမြစ်များ

SAM 36:8

Kaichi ly nangmy lem phraiphreaung nai pa-rei pala pi nai teicha teinei cha ai nai kanga u bo. Nang ly kaichi ai nang i hawi naira, napi nai tavora i tui nei ai nai pei ba.

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

ISAIA 60:1

Aw Jerusalem mary, anglaw iy kanito kamta angvang ba. Nang i kangvang ly tym bo. Areng i nang parai naira ly nang i tlang tleaung y kangvang ko bo.

ISAIA 60:16

Amhm ly chanau ai kanu panei nai kamta, khumi cheng cheaungkhangchi i samrangchi ly nang ai ang kry u ai. Kai, Areng ly nang ai atleu bo, nanai py, Israela chengchi i ati cheaungkhang sa thai nai Tameuh ly nang ai miseaungra i nai alaw hai bo, nanai py, nang ly pany ai.

ISAIA 60:2

Khaileaung pri y awm nai cheng takhra khumichi tlang tleaung y, kaveng my khiu teu i py, nang i tlang tleaung y ly Areng i kangvang my ko ai. Mymy meimai i phum-ang sangso ly nang i tlang tleaung y tym iy awm jo ai.

ISAIA 60:5

Nang ly hini atitichi niu i, amo theu ai. Nang i paleung anghyn ai. Khumi cheng cheaungkhangchi ly mychi i yhmtheaung katuichi ai, nang teng y tym hai ai. Nichi i yhmtheaungchi ly pangli vai mang i dengdairei ang tym hai ai.

ISAIA 62:2

Aw Jerusalem mary, khumi cheng cheaungkhangchi ly nang i eaung naira niu u ai! Samrang bawibawichi py, nang i nang parai nai niu u ai. Nang ly Areng mymy kypkyp my pei nai amyn kangtha loh ai.

JOELA 3:18

Huni neng khala mawichi ly kreip akhochi hawi kawi na ai. Mawi aheungchira py sichi tlai nai niu ai. Juda pri verei y tui hawihai palai nga u ai. Tavo micheaung tui ly Areng i Achura yhm mang dengdairei leaung ai i, Akasia leaunghawi ai am-i hai ai.

I PETERA 2:2

deaungdi chymblei nai kamta ly phailo mang i kanu hang, tapawp paryp naira ati sai py tabawi y nai ly khri pa-rei ngai u, hunira y ly hengra ka-lawn pa-rei veang u thai ai nai;