ISAIA 65:9 - Khumi Common Language Bible

⁹ Juda chengchi ai amtheaung naira pei ai. Juda kangpreangchi ly mawi tleaung pri napi nai kai i pri amtym u ai. Kai i miseaung, kai i khumichi ly huni pri y awm iy amtym u ai.

ISAIA 65:9 ပူးပေါင်းရင်းမြစ်များ

ISAIA 27:6

Huni kani y Jakob i katu chanauchi napi nai Israela chengchi ly dengkeaung keung kamta, tangjyn pala iy pau ai. Khaileaung ly thengthaichi hawimy kawi na ai.

ISAIA 30:19

Jerusalem mary y awm nai khumichi awi, nangchi ly vo pi u ai ny y. Areng ly pahen nai ne. Sabawm naira nga ai nai mymy teng y nangchi a-au u nai khala y, mymy ly tangai iy pathang pi ai.

ISAIA 32:18

Tameuh i khumichi awm nai yhmchi ly chymme naimy awm ai. Huni khumichi py paleung kabi, paleung ka-mawn by y ai.

ISAIA 45:19

Kai ly kangviu kam-ai y kathui y; kaimy i dawn pasym nai py apha vai y. Kai ly Israela chengchi ai khumi angso by y nai meingtym y hau hai nai ny y. Kai ly Areng ne; kai ly ka-ym awm nai leu katheu iy kateng lam kapatei pi reng nai ne,” nanai leu pei nai keung ne.

ISAIA 45:25

Kai, Areng ly Jakob i kangpreangchi ai atleu ai. Nichi py kai ai palo u ai.

ISAIA 49:8

Areng ly mymy i khumichi teng y, “Nangchi ai atleu ai nai neng tym nai khala y, kai ly nangchi ai neng ka-pe pei iy, sabawm ai nai, nangchi i aeu nai raawi tangai pi ai. Kai ly nangchi ai kang kry ai. Nangchi i molam y, khumi bawibawichi hawi py, leu maikawm asa ai. Vai, anawi seaungkhrang nai nangchi i pri y, saleaung khuteng achah iy awm u ali teang ai nai kang pei ai.

ISAIA 57:13

Nangmychi ai ang sabawm ai nai nangchi aeu u nai khala y, huni mynchi my nangchi ai atleu pi na sy! Hunichi ly ali tlenrei aho baly akheang pawn ai nai teu! Na i py kai ai ym nai khumichi ly mychi i saleaung khutengra y awm ai nai nga iy, kai i Achura yhm kachaira y kai ai chiu u ai,” napi.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 65:15

Kai i vawi takhra nai khumichi ly nangchi i amyn ai, amsawira y teaung u ai. Kai, Areng my py nangchi ai kang padei ai. Na i py kai i leu tangai nai khumichi ai, kai ly amyn kangtha pei ai.

ISAIA 65:22

Kreip hang py takhra khumichi nei ai nai nga u ai ny y. Kai i khumichi ly dengkeaung kamta heng sau u ai. Nichi ly mychi i kalop sa nai lawi bym pa-rei cha ai nai nga u ai.

Ezekiela 36:24

Kai ly nangchi ai pri tlei tleirei i nai pangym achu iy, nangmychi i saleaung khutengra y pahawi ali teang ai.

ZEPHANIAH 3:20

Ahei dan nai nangchi i chengchi ai mychi i pri mang y hawi ali teang nai neng tym ai! Kai ly nangchi ai khaileaung pri verei y amthang hai ai. Nangchi ai nang chawn hai teang ai,” napi. Hini ly Areng my thui pi nai leu ne.

MATTHAI 24:22

Naibaly huni neng ai ly dawi hai moh khyly khumi nanai kangheng ha py awm ai ny y; na i py vawi takhra naichi deaungkho y huni neng ai ly dawi hai ai.

ROM AVANGCHI TENG Y PAWLA I CHA PA NAI 11:28

Satang Kahawi mang y dawn baly nichi ly nangmychi deaungkho y paleung ka-e ne; vawi nai molam y dawn nai naini nichi ly pajochi deaungkho y ngai parai naichi ne.