ISAIA 65:23 - Khumi Common Language Bible

²³ Nichi i kalop ly chawn ai i, nichi i cho chanauchi ly patang naira avum u ai ny y. Kai ly nichi hawi nichi i kangpreangchi ai deung kangthau tleirei amtheaung hai jojo ai.

ISAIA 65:23 ပူးပေါင်းရင်းမြစ်များ

ATITI AWM ANGCHEI NAI 12:2

Kaimy nang ai kangpreang neangneang peung hai iy khumi cheng kalen lawm hai ai. Kaimy nang ai amtheaung hai ai i, nang i amyn asang nai deaungkho y, khumichi ly nang i saho y amtheaung naira nga u ai.

ATITI AWM ANGCHEI NAI 17:7

Hini ly deungtasarei leu maikawm ne i, nang hawi nang i kangpreang deung kangthauchi teng y py kaimy i leu adeu nai ly kakhaw hai jo ai. Kai ly nang i kangpreangchi i Tameuh hawi nang i Tameuh ne ai.

JOBA 21:8

Nichi ly katu chanauchi nga u naimy, mychi i mei keung y tleaungri acheang nai niu nai pa-rei, heng sau u bo.

ISAIA 44:3

“Kai ly tui ahai nai pri y kani nai hai ai. Tui by y nai daichi ka-vymra y micheaung tuinochi leaung hai ai. Nangchi i cho chanauchi tlang tleaung y kai i phailo py, nangchi i katu chanauchi tlang tleaung y amtheaung naira py, satleu pi ai.

ISAIA 49:4

“Kai ly kalopchi kasa, na i py ati sai py ny y lawh! Kai ly atho naini kakheih teu ni ly ati sai py amcheang y, nanai katheu bo. Na i py kai ly kaimy i kalopchi amsym ai nai Areng ai ym na sy. Mymy ly kai i sa nai kalop molam y, kawn vangchi ang pei ai.

ISAIA 55:2

Cha nei kahawi ny y pui naimy, ati mana nai tangka pasum ai mo? Nang i kalop sa nai vang pasum iy, ati mana nai kajeu kanglam awm ai mo? Kai i leu tangai iy, kai i thui nai kamta sa u lawh baly, nangchi ly hawi keh nai teicha teineichi, cha ai nai nga u ai.

ISAIA 61:9

Nichi ly khumi cheng cheaungkhangchi theung y amyn amthang u ai. Nichi ly kai i amtheaung naira nga nai khumichi ne, nanai nichi ai niu nai khumi lutengchi my pany u ai,” napi.

ISAIA 66:22

“Khaileaung kangtha hawi kani kangthachi ly kai i sa thai nai saho y khaw jo nai kamta, nangchi i amyn hawi kangpreangchi ly khaw u jojo ai.

Ezekiela 36:29

Nangchi ai chai hai y nai ngiereichira i nai chai hai vui ai. Tahum takang avum bi y ai nai choh bai palo nang hai ai.

Levi 26:20

Nangchi i khaileaung ly amti amjang thawn ai ny y, thengthai khulawn py athai y nai deaungkho y, nangchi atho no kalop sa nai ngierei ly atyhtyh lawm ai.

Levi 26:22

Kai ly nangchi i awm naira y mawi kasichi kapato ai i, nangchi i cho chanauchi, si, beramchi ai kei hai ai. Khumi maidenreichy awm khyh nai y, aki aleaung nai khumi angso awm ai ny y.

Levi 26:29

Nangchi ly khri pa-rei kajeu alam nai deaungkho y, amy i cho chanau ngan malawn py cha u ai.

HAKAI 1:6

Nangchi ly chohpui chomaw neangneang pati u teu i py, maidenreichy naini pakym u khyh. Nangchi teng y teicha teinei awm i py, bym pa-rei cha ai nai aleu y, kreip hang awm i py pavui na pa-rei nei ai nai aleu y, baichu ateaungchi awm i py bi-um na pa-rei ateaung ai nai alawn y, kalop sa keung py kajeu ka-rei kawi pa-rei, sa nai vang ngo y.

HAKAI 2:19

Nangchi teng y chohpui chomaw by y bo i, kreip keungchi, thaidu keungchi hawi olive keungchi py athai y leang rai. Na i py kai ly vai i dengdairei, nangchi ai amtheaung naira pei ai,” napi.

MALAKHI 3:10

Achura yhm y teicha teinei neangneang awm ai nai, nangchi i horei y harei angym pa-rei syn u. Kai ai cham u cham; hunaibaly kai ly kani pri thaibeng katheuchi paeaung iy, nangchi i tlang tleaung y amtheaung naira neangneang kang leih pi nai nangchi niu u ai.

AMTAW 2:39

Ati mana nai mo nabaly hini adeu nai ly nangchi i vui py, nangchi i chanauchi i vui py, kamlo parai ra i khumi bawibawichi i vui py, Areng achi i Tameuh my mymy teng y palau nai ngiereichi i vui py ne,” napi.

ROM AVANGCHI TENG Y PAWLA I CHA PA NAI 4:16

Hunaibaly kangpreangchi bawibawi ly leu adeu nai ly nga u tanga ai nai, huni adeu nai ly pahenra y ne thai ai nai ym naira deaungkho y ne chy bo; Reita y awm nai kangpreang my tlairei khyh ny y, Abraham i ym naira kamta ym naira nga nai kangpreang py nga teang ai.

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.

KALATIA 3:29

Krista y ly nangchi bawibawi bomrei lawn u bo. Naibaly nangchi ly Krista i ne u baly, nangchi ly Abraham i kangpreang, leu adeu nai kamta amtym ai nai keungchi ne u bo.