ISAIA 65:16 - Khumi Common Language Bible

¹⁶ Mymy i pri y amtheaung naira nga nai khumi ngiereichi ly ka-ym awm nai keung Tameuh teng i amtheaung naira hnei u ai. Vaineng abeu nai ngiereichi py, ka-ym awm nai keung Tameuh i amyn y tau iy, vaineng abeu u ai. Jangni khala i ngari kamtangchi ly tama iy, hunichi ai khumichi ly tami u pawn ai,” napi.

ISAIA 65:16 ပူးပေါင်းရင်းမြစ်များ

JOBA 11:16

Huna nai khala nang ly jangni y avum nai, tui my lemheu nai ai tami veng nai kamta, amy i ngari kamtangchi py tami veng ai.

SAM 31:5

Kai ly kaimy ai nang i kiu y kang-au bo. Aw Areng, nang ly kai ai atleu ai; nang ly ka-ym awm nai Tameuh ne.

SAM 63:11

Tameuh ly samrang ai eaung naira pei nai deaungkho y, samrang ly amo theu ai. Tameuh i amyn y leu adeu nai khumi bawibawichi ly mymy ai palo u ai; na i py ka-chawi leu teaung nai khumichi i labeaung ly amkyn me ai.

SAM 72:17

Samrang i amyn ly awm jojo sy; amyn amthang nai ly kanito kamta awm jojo sy. Tameuh ly samrang ai amtheaung naira pei nai kamta, khumi cheng cheaungkhangchi ly mychi ai py, amtheaung naira pei ai nai Tameuh teng y hnei u sy.

SAM 86:15

Na i py aw Areng, nang ly pahen nai hawi tamen reng nai Tameuh ne; nang ly neaung hawi jojo nai ne; avawrei pahen naimy ka-ym awm bo.

THEU NAI 34:6

Naibaly Areng ly Mosi teng y chei tapai iy, “Kai, Areng ly pahen naira angym nai Tameuh, neaung hawi iy tamen naira nang parai nai Tameuh, ka-ym awm nai Tameuh ne.

ISAIA 11:16

Aikupta pri dengdairei Israela chengchi theu u nai thym khala i kamta, Asuria pri y awm rai nai, mymy i khumichi theu u ai nai i vui y, lam manglai pui harei lawm hai ai.

ISAIA 19:18

Huni neng tym nai khala ly Aikupta pri mary pangreichira y Hebrai leu teaung u ai. Huni marychira y awm nai khumichi ly vaineng abeu iy, Areng teng y leu meitang adeu u ai. Huni marychi theung i mary harei ai ly “Kani areng i mary,” nanai amyn pathi ai.

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 48:1

Nangchi Juda kangpreang Israela chengchi awi, hini leu tangai u: Nangchi ly Areng i amyn y vaineng abeu u iy, Israela chengchi i Tameuh ai kachiu u bo, nanai thui u; na i py nangchi i leu ly sairei py teng y.

ISAIA 54:4

Jei moh, nang ly kangji ngo bi y leang bo. Cheh nai py avum ai ny y. Nang ly anglo deaungdi nai khala y, ka-ym by y nai aju lawm vai nai py, neampachy lumai kamta, jeaungmang nanai pa-rei avum nai py, tami veng ai.

ISAIA 54:5

Nang ai sa nai keung ly nang i juvo kamta, nang ai ang kry ai. Ni i amyn ly ati cheaungkhang sa thai nai keung Areng ne. Israela chengchi i chai parai nai Tameuh ly nang ai atleu ai. Mymy ly khaileaung pri y peang nai keung ne.

ISAIA 65:19

Kaimy kypkyp malawn py, Jerusalem mary deaungkho y py, huni mary i mipuichi deaungkho y py, amo theu ai. Huni mary y vo nai hawi kasabawmra hnei nai khumichi awm ai ny y.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

JEREMIA 12:16

Nichi ly kai i chengchi i reita leu ngai iy, vaichi khala Bala tameuh teng y vaineng abeu nai saichi ai nichi ly kai i khumichi teng y patiu pi nai kamta vai ly ‘Areng i heng nai kamta,’ nanai kai i amyn y vaineng abeu u lawh baly, nichi ly kai i khumichi theung y abawi iy nang chawn u ai.

JEREMIA 31:12

Nichi ly jeu iy Zion mawi salo y amo theu nai khulym thui u ai. Kai i amtheaung naira kapei pi nai choh, kreip hang, olive asitui, beramchochi hawi si, painochi molam y amo theu u ai. Nichi ly tui hawihai palai nga nai akhobai kamta ne iy, mo mang y mana khala py paleung bi u ai ny y.

JEREMIA 4:2

kai i amyn y tau iy vaineng abeu nai ly kataw kateng lawm ai. Huna nai khala y khumi cheng cheaungkhangchi ly mymychi amtheaung naira nga ai nai hnei takeng u ai. Kai ai py palo u ai,” napi.

DANIELA 12:1

Ateaung kanem amthyp nai kani pri amtaw thau naimy, “Huni neng khala y tahm asang parai nai kani pri amtaw thau nai Mikhaela ly amteng ai. Ni ly nang i chengchi ai kry nai keung ne. Naibaly khumi neangneangchi awm angchei khala i dengdairei, mana khala py avum vai y nai ngari kamtang avum nai neng tym ai. Huni neng tym nai khala y Tameuh i cha-iu theung y amyn abawi yb nai khumi, nang i cheng bawibawichi ly law tleaung naira nga u ai.

DANIELA 12:11

“Kani tleirei kapathyprachi anawn hai nai neng, ka-jei hawi parai nai amso ngai naira tym nai neng dengdairei, kani 1,290 rei dym vui ai.

ZEPHANIAH 1:5

Yhm amphu salo y lyn iy kanito, lo, ka-si taukichi ai chiu nai ngiereichi ai, kaimy taphra pawn ai. Kai ai chiu naimy ka-ym awm ai mang, nanai vaineng abeu chum iy Mole amyn y vaineng abeu nai khumichi ai py, katamyh pawn ai.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

JOHAN 1:17

Ati mana nai mo nabaly Mosi i saho y Reita ang pei bo; na i py pahenra hawi leu meitang py Isu Krista i saho y tym.

JOHAN 14:6

Isu my ni teng y, “Kai ly lam py, leu meitang py, hengra py ne.

ROM AVANGCHI TENG Y PAWLA I CHA PA NAI 14:11

“Areng my ly, ‘Khumi cheaungkhang kai i mo y meung ai i, Palai cheaungkhang py Tameuh teng y ahui ai, nanai Vaineng ka-beu nai ne,’ napi, nanai tajiu nai ne.

Leu Thui Nai 10:20

Nangchi i Areng Tameuh ai jei kaji iy, mymy ai naini chiu u ai nai tla. Mymy ai ka-ym awm iy mymy i amyn hawi phai leu adeu u.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

Leu Thui Nai 6:13

Nangchi i Areng Tameuh ai tahm khai u ly mymy ai phai chiu u; mymy i amyn y naini tau iy vaineng adeu u.

PHILIPI 2:11

Tameuh my ni ai ly khri pa-rei palo i, amyn bawibawi y amyn asang keh nai ly pei bo.

AMTENG HAI NAI 20:4

Naibaly areng atehrachi kaniu, nichi ly hunichi tleaung y ateh iy tara chih ai nai leu nga bo: naibaly Isu i leu thui pi nai hawi, Tameuh i leu deaungkho y lu tameang nai, mawi kasi ai hawi ni i myn y py chiu y iy, mymychi i lukati y hawi kiu y py huni ka-ma-ra ngo y naichi i phailochi ai ly kaniu: nichi ly heng bi i, saneng sangrei sala y Krista hawi vanrei peang u bo.