ISAIA 65:13 - Khumi Common Language Bible

¹³ Hunai deaungkho y kai i leu tangai iy, kai ai chiu naichi ly cholei neilei y iy, nangchi ly kajeu alam naimy tui py ahai u ai. Kai i miseaungchi ly amo theu iy nangchi ly kangji nga u ai, nanai nangchi ai kai, Areng my kang thui pi nai ne.

ISAIA 65:13 ပူးပေါင်းရင်းမြစ်များ

SAM 34:10

Khrangsichi malawn py, teicha avaw iy kajeu alam u ai. Na i py Areng i leu tangai nai khumichi ly hawi naira sai sairei py takang u ai ny y.

LEU KACHENG 13:25

Leu meitang teaung nai khumichi ly bym pa-rei cha ai nai nga u ai; na i py khumi hawi y naichi ly kajeu alam u ai.

ISAIA 1:19

Nangchi ly kai i leu tangai lawh teu i khyly, khaileaung i theu nai amti amjang kahawichi cha ai nai nga u ai.

ISAIA 41:17

Kai i khumichi tui ngai nai hau nai khala py, nichi tui kanghai tao phui nai khala py, kai, Areng ly nichi i hnei takeng nai pathang pi ai. Israela chengchi i Tameuh, napi nai kai ly nichi ai mana khala py khai su ai ny y.

ISAIA 41:18

Kai ly ati sai py prau y nai mawi aheungchira y tavochi lawm hai iy, leaunghawichi hawi tavo micheaungchi lawm hai ai. Kai ly khutaha daichi ka-vym y tuipumchi lawm ai nai py, khutaha khaileaungchi ai, tuikhochi lawm ai nai py, amtlau hai ai.

ISAIA 42:17

Mynchi ai ym nai khumichi py, mynchi ai mychi i tameuh, nanai palau u nai khumichi py, cheh naira avum iy tahm anem u ai.”

ISAIA 44:11

Huni myn ai chiu nai ngiereichi ly cheh naira avum ai. Mynchi sa nai keungchi ly khumichi teu. Nichi ly kai i mo y jeu iy cham naira avum u sy. Nichi ly jei hyn naimy kangji nga u ai.

ISAIA 44:9

Myn sa nai keung bawibawichi ly vang teng y nai khumichi ne iy, nichi i tahm khai nai tameuhchi py ati sai py ny y. Huni tameuhchi ai chiu nai khumichi ly mei paju naichi, tau cheng naira by y nai khumichi ne. Nichi ly kangji nga u ai.

ISAIA 49:10

Nichi ly mana khala py, teicha teinei avaw ai ny y. Nichi ly mymychi ai tamen nai keung i lam patei nai avum iy, kanito hawi speung kangngo molam y, patang naira avum ai ny y. Mymy ly nichi ai tui sampumchi awm naira mang y pahawi ai.

ISAIA 5:13

Hunai deaungkho y nangchi ly patiu iy langheng hawi nai avum u ai. Nangchi i lu sa naichi ly kajeu kanglam y dei u ai. Khumi bawibawichi ly tui kanghai y dei u ai.

ISAIA 50:11

Khumi takhrachi ai tamyh pawn ai nai dawn paviu nai khumi bawibawichi awi, nangchi ly nangmychi i dawn paviu nai hawimy, myh kang u ai. Areng mymy kypkyp my, hini atitichi tym hai ai. Nichi ly ngari kamtang avum u ai.

ISAIA 61:7

Nangchi i kangji kangai nga nai hawi sum nairachi ly tem ai bo. Nangchi ly naimychi i pri y awm naimy, nangchi i yhmtheaungchi py, phy nyhrei nang panawi bi ai. Nangchi ly deungtasarei amo theu ai nai nga u ai.

ISAIA 62:9

Na i py amti amjangchi ui iy pakym achu nai nangchi naini hunichi cha u naimy Areng ai palo u ai. Kreip athaichi kry iy athai jaw nai nangchi naini, kai i Achura yhm apai theung y, kreip hang nei ai nai nga u ai.”

ISAIA 66:14

Hina naichi niu nai khala y nangchi ly amo theu u iy, tlang atho awm ai. Naibaly Areng ly mymy i leu tangai nai khumichi ai sabawm iy, paleung ka-echi ai ly kado theu naira tym hai bo, nanai nangchi pany u ai,” napi.

ISAIA 66:5

Mymy ai jei kaji naimy leu tangai nai khumichi awi, nangchi ly Areng i leu pei nai tangai u. Nangchi ly kai i tlang tleaung y ka-ym awm u nai deaungkho y, nangchi i cheng phyreichi ly nangchi ai niu ngai y iy ang paleang u parutu nai ne. Nichi ly nangchi ai panui hai iy, “Kaichi ly nangchi amo theu nai kaniu u ai nai ngai. Hunai deaungkho y Areng ly sa thai naira nang parai nai patei iy atleu pi na sy,” napi u. Na i py huni khumichi ly kangji kangai nga u ai!

ISAIA 8:21

Khumichi ly mymychi i pri y paleung phra athosi naimy kajeu alam iy heng u ai. Nichi ly kajeu alam nai hawi kado theu naichi molam y, mychi i samrang hawi mychi i Tameuh ai josei u ai. Nichi ly kani mang y khen angdeang kalau nai khala py,

JEREMIA 22:22

Nangchi ai lu sa nai keungchi ai ly ali y pakheang pawn ai. Nangchi i amsawi amnaichi ly langheng y patiu nai avum u ai. Nangchi i sa nai hawi y nai saichi molam y nangchi i mary ly tahm anem iy kangji nga ai.

DANIELA 12:2

Dei chum nai khumi neangneangchi ly heng u ali teang ai. Nichi theung i phyrei khumichi ly deungtasarei hengra nga u ai. Phyreichi ly deungtasarei tahm anem naira avum u ai.

HOSEA 4:10

Nangchi ly kapathypra phy nga nai cha u i py, kajeu kanglam dam u ai ny y. Nangchi ly cho chanau thawn ai nai tameuhchi ai chiu teu i py, cho chanau ngo u y; ati mana nai mo na baly nangchi ly kai, Tameuh ai khai su iy tameuh takhra ai chiu u bo.

MALAKHI 3:18

Huni bo y kai i khumichi ly khumi kahawi hawi, khumi hawi y naichi i avum nai ka-dawn atawm y nai py, kai ai chiu nai khumi hawi chiu y nai khumichi i avum nai ka-dawn atawm y nai py pany u ai,” napi.