ISAIA 65:12 - Khumi Common Language Bible

¹² haisau hawi tleh nai avum ai. Nangchi ly kaimy palau nai khala y pathang u y. Kaimy kang thui nai khala py tangai u y. Nangchi ly kai i mo y hawi y naira sa naimy, kai i ngai y nairachi sa u lawh bo.

ISAIA 65:12 ပူးပေါင်းရင်းမြစ်များ

ISAIA 1:16

Nangchi i paleung chai pa-rei so u. Kai i mo y nangchi i sa tamang naichi anawn u. Hawi y sa naichi anawn iy

ISAIA 1:20

Na i py kai i leu tangai ai nai akhi vui iy, kai ai amtang u lawh ai nabaly nangchi ly myh kang u ai. Hini ly kai Areng my leu pei nai ne,” napi.

ISAIA 10:4

Nangchi ly tavai keung y dei u ai; ti y baly langheng palawn iy ang hawi pawn nai avum u ai. Huni neng khala py Areng ly kado theu nai rym y ai i, kamngo pajeng ai nai kiu pheu naimy awm jo ai.

ISAIA 27:1

Huni neng khala y Areng ly chiu parai nai haisau hawi a-ieih naimy awm nai pavui pui tuireng nam (Levithan) ai pajeng iy, pangli Naka pui ai py padei ai.

ISAIA 3:25

Nichi i juvo neampachochi ly manatanrei atho ham u teu i py, tavai keung y dei u ai.

ISAIA 34:2

Areng ly khumi cheng cheaungkhangchi i tlang tleaung y py, nichi i tavaimi kamkawm bawibawichi i tlang tleaung y py, kado theu nai deaungkho y phra hai ai nai pajeng bo.

ISAIA 34:5

Areng ly kani pri mang y haisau pa yb iy, taphra ai nai angchi yb nai Edom khumichi tlang tleaung y tym hai ai.

ISAIA 34:6

Mymy i haisau ly apathyp nai beram mi-ichi i thi, thauchi hawimy kajeu kawi nai kamta, huni khumichi i thi, thauchi hawimy kajeu kawi ai. Hini apathyp nai pawi ai Areng ly Bozarah mary y sa ai. Hini khumi ai tleh nai pawi pui ly Edom pri y sa hai ai.

ISAIA 41:28

Kai ly tameuhchi ai khen nai khala y, nichi ly kai teng y leu sairei py pathang u y. Kaimy deng nai leuchi py, ami py pathang u pajau y.

ISAIA 50:2

Kai ly kaimy i khumichi ai atleu ai nai jeu nai thym khala y, ati mana nai y nichi ly kai ai ka-vum so u y lawh mo? Kaimy palau nai khala, ati mana nai y pathang u y lawh mo? Kai ly nichi ai atleu pajau y na pa-rei, atho di nai sai a? Kaimy pangli ai leu pei baly tui kang hai pajau. Tavochi ai khutaha daichi ka-vym lawm hai vui pajau nai ne. Huni tavochi ra y tui by y nai deaungkho y, ngochi ly dei be bo.

ISAIA 59:15

Huni meingtym y khumi kahawi ly di parai nai deaungkho y, hawi y naira ai en vui nai khumichi py hawi y naira avum u lawh bo.” Hina naichi niu nai deaungkho y, Areng ly adyh adawi naira by y nai ai niu ngai y.

ISAIA 63:6

Kai ly kaimy i kado theu nai ryrei my, khumi cheng cheaungkhangchi ai ati iy katamyh bo. Nichi i thi ai ly khaileaung y kaleih jawn bo,” napi.

ISAIA 65:3

Na i py nichi ly kangji by y. Kai ai kado theu pa-rei sa u. Nichi ly khaileaung kathau tameuhchi ai akhobaichira y apathyp u. Myn chiu nai maichamchi salo y mui katuichi leng patlum u.

ISAIA 66:16

Mymy ly kamngo awm nai khumichi ai mai hawi mo, haisau hawi mo, pajeng ai. Huni khumichi ly dei u bebe ai.

JEREMIA 16:17

Nichi i sa nai kalopchi ai kai niu; kai niu pajau y nai ati sai py by y. Nichi i kamngo sa naichi ly kai i mei ka-niu y aheu thai y.

JEREMIA 18:21

Na i py aw Areng, Nang ly nichi i cho chanauchi ai kajeu kanglam y dei hai ly nichi ai tavai keung y sum hai ba. Neampachychi ai mymychi i juvochi, cho chanauchi hawi amprei hai ba. Neampachochi ai dei hai iy thawndeang ka-cheangchi ai tavai keung y sum hai ba.

JEREMIA 34:17

Hunai deaungkho y nangchi ly kai i leu tangai y, nangmychi Hebrai cheng tengtawi ai py tlamsa naira pei u y, nanai my thui nai ne. Naibaly nangchi ai tavai takai, no kanghawi, tahum takangra y ngaingai dei ai nai kang pei ai. Kai ly nangchi i tlang tleaung y sa nai sai molam y, khaileaung pri i khumi cheng cheaungkhangchi ly kaso tahyn theu u ai.

JEREMIA 35:17

Hunai deaungkho y Israela chengchi i Tameuh, ati cheaungkhang sa thai nai keung kai Areng ly kaimy i adeu nai ka-jeira ai Juda khumichi hawi Jerusalem mary i khumichi tlang tleaung y tym hai ai. Ati mana nai mo nabaly nangchi ly kaimy thui nai khala tangai u y. Kaimy palau nai khala pathang u y nai deaungkho y ne, nanai leu pei nai thui pi,” napi.

JEREMIA 7:13

Nangchi ly vaichi khala y kaimy pany hai yb nai kamngo cheaungkhangchi sa u bo. Kaimy avaw avawrei kang thui pi teu i py, nangchi ly tangai u y. Kaimy nangchi ai kang palau nai khala py pathang u y.

JEREMIA 7:27

“Hunai deaungkho y Jeremia awi, nang ly hini leuchi ai nichi teng y thui pi keng teu i py, nichi tangai u ai ny y. Nang ly nichi ai palau teu i py, nichi ly pathang u ai ny y.

Levi 26:25

Nangchi ly kai i Leu Maikawm taphra nai molam y, nangchi teng y tavai takai tym hai ai. Huna nai khala nangchi ly marychi mang preang iy abyh u baly, kai ly nangchi teng y asi sa iy hawi thai y nai no-nachi kang tym hai ai i, nangchi ly paleung ka-echi teng y tym u ai.

MIKHA 5:15

Kai i leu tangai y nai pri takhrachi ai khri pa-rei kado theu hai iy kapajeng ai,” napi.

ZEKHARIAH 7:7

Hini ly Jerusalem mary nang chawn nai neng khala y, jangni amochi deung y Areng my pei nai leu ne. Huna nai khala mary sahawi i avangchira y naini, khumi neangneang awm u nai ny y. Tokalawi ngan mang y hawi nidym ngan mang i mawi kheutangchira y py awm u nai ne.

MATTHAI 22:3

Naibaly aju palyn nai pawi biu cha naira y jeu ai nai napi yb naichi ai heang ai nai mymy i miseaungchi ai pato: na i py nichi ly jeu ai nai ngai u y bo.

MATTHAI 22:7

Hunaibaly samrang ly kado theu i mymy i tavaimichi ai pato iy, huni khumi ai padei nai keungchi ai ly padei teang i, nichi i avang py leang pi pawn bo.

JOHAN 1:11

Mymy i khumichi teng y ang jeu i, mymy i khumichi ly ni ai kawn y.

Leu Thui Nai 32:25

Tavai takai deaungkho y khumichi ly lamchira dei u ai; yhmchira y ka-jei awm naichi avum ai. Thawndeangchi anglochi py dei u ai; deaungdicho kanu nei thym naichi hawi miteaung maichochi py tleaung y ai.