ISAIA 64:8 - Khumi Common Language Bible

⁸ Na i py aw Areng, nang ly kaichi i ampo ne. Kaichi ly khaileaung laikan hawi atawm iy, nang ly laawm beu nai keung hawi atawm. Nang ly kaichi ai sa nai keung ne nai deaungkho y,

ISAIA 64:8 ပူးပေါင်းရင်းမြစ်များ

JOBA 10:3

Nang i hina tanrei ana nai ly avo na a? Nangmy i sa nai sai ai paso y a? Khumi hawi y nai katauchi ai ly khen i, panuiyhm ai nai avo y a?

SAM 100:3

Areng ly Tameuh ne, nanai pany u. Mymy ly achi ai sa iy, achi ly mymy i ne. Achi ly mymy i khumichi ne; mymy kry nai beram kanghuchi ne.

SAM 119:73

Nang ly kai ai sa iy chymme naimy khai bo; nang i reita leuchi pany thai ai nai, kai ai cheng naira pei kyh ba.

SAM 138:8

Nang ly kai teng y adeu pi nai kamta sa pi ai; aw Areng, nang i tamen naira ly deungtasarei ne. Nang i sa amteaung nai kalop ai ly amcheang hai kyh ba.

SAM 74:1

Aw Tameuh, nang ly ati mana nai y kaichi ai, hina nai kamta khai su lawh mo? Nang ly nangmy i khumichi ai avawrei kado theu hai jojo ai bo a?

SAM 95:6

Jeu u, mymy ai lu meung iy chiu u sina; achi ai sa nai keung Areng i mo y, kheukhu di u sina!

THEU NAI 32:12

Aikupta chengchi my, nang ly Israela chengchi ai mawichira pahawi iy tamyh be ai nai, Aikupta pri i dengdairei pahawi nai teu, nanai thui y ai a? Kado theu hai me mo ly paleung amnym kyh jemjem ba; nang i khumichi tlang tleaung y pajeng naira tym hai mo kyh.

THEU NAI 4:22

Huna nai khala nang ly samrang teng y, “Israela chengchi ly kai Areng i chapo chalu ne.

ISAIA 19:25

Ati cheaungkhang sa thai nai keung Areng my, huni prichi ai amtheaung naira pei iy, “Kai i khumi Aikupta chengchi awi, kaimy sa nai Asuria chengchi hawi, kaimy vawi takhra nai khumi Israela chengchi awi, nangchi ai kaimy amtheaung naira pei ai,” napi.

ISAIA 29:16

Nichi ly ati cheaungkhangra y athli hai piupa reng nai ne. Laawm beu nai keung hawi laawm khaileaungchira y, ami aly len keh mo? Khumi i kiu hawi sa amcheang nai harei my khumi teng y, “Kai ai nangmy sa nai ne a?,” nanai py, “Nang ly nangmy i kalop ai pany y,” nanai py thui pajau na a?

ISAIA 43:25

Na i py kai ly kaimy i tahm awm nai molam y, nangchi ai kamngo pahen pi nai keung Tameuh ne.

ISAIA 43:7

Nichi ly kaimy peang nai khumichi, kai i nang parai nai amthang hai ai nai, kaimy sa nai khumichi ne,” napi.

ISAIA 44:21

Areng my, “Israela chengchi awi, hini satangchi pany u jo ba; nangchi ly kai i miseaung ne, nanai pany u. Nangchi ai kai i miseaungchi lawm ai nai kaimy sa nai ne. Hunaibaly kai ly nangchi ai mana khala py tami vui ai ny y.

ISAIA 44:24

“Kai ly nangchi ai sa nai keung hawi atleu pi nai keung Areng ne. Kai ly ati cheaungkhangchi ai sa nai keung Areng ne. Kani khusang ai kaimy leaungrei khiu khyh nai ne. Khaileaung ai kaimy sa nai khala y, ami py kai ai sabawm u y leang.

ISAIA 45:11

Israela chengchi i chai parai nai Tameuh, mo mang i vui y sa nai Areng my, “Kai i cho chanauchi molam y nangchi my kai teng y deng ai nai aly by y. Kai ly ati sa ai nai avo mo, nanai nangchi my kai ai thui pi ai nai aly by y!

ISAIA 45:9

Takhra laawmchi hawi atawm nai alai laawm ly laawm beu nai keung ai ei vam na a? Khaileaung laikan my laawm beu nai keung teng y, nang ly ati sa nai mo, nanai deng na ti a? Alai laawm my, mymy ai sa nai keung ly kawp nai ny y, nanai cheh na ti a?

ISAIA 57:16

Kai ly kaimy i khumichi ai heng ai nai kapei. Nichi ai thui tamawn bi iy, kado theu hai jojo y leang bo.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 63:16

Nang ly kaichi i ampo ne. Kaichi i amsi pajo Abraham hawi Jakob nini malawn py, kaichi ai bawi lo pi pajau y. Na i py Areng nang ly kaichi i ampo ne. Kaichi ai jangni khala i ka-so atleu pi jojo nai keung ly nang ne.

ISAIA 63:8

Areng my, “Nichi ly kai i khumichi ne nai deaungkho y, kai ai li-tapawp u ai ny y,” napi. Naibaly mymy ly nichi i avum nai ngari kamtang cheaungkhangra i nai atleu pi ai.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

JEREMIA 31:9

Nichi ai kaimy kapahawi ali teang nai khala y, kai i khumichi ly chiu sa naimy vo tangam u iy ang vawi u ai. Kai ly nichi ai tuino leaung nai meingtymchi hawi, nichi athei y, avah y ai nai lam kahawi mang kapahawi ai. Kai ly Israela chengchi i ampo ne iy, Ephraim cheng theaung ly kai i chapo chalu ne.”

HOSEA 1:10

Israela pri khumichi ly pangli spryh kamta kati pajau y, pata pajau y na pa-rei peung u ai. Vai ly Tameuh my nichi teng y, “Nangchi ly kai i khumichi ny y, nanai thui teu i py, kangkhym kani y ly “Nangchi ly Tameuh kangheng i cho chanauchi ne u bo!” napi ai.

MALAKHI 2:10

Achi bawibawi ly ampo leaungrei awm khyh nai ny y a? Tameuh leaungrei my achi ai sa nai ny y a? Hunai deaungkho y achi ly ati mana nai y, amychi tengtawi asa nai vaineng ataphra u lawh mo? Ati mana nai y achi i amsi pajochi hawi Tameuh asa nai Leu Maikawm ai tahm khai u y lawh mo?

JOHAN 8:41

Naibaly nichi my ly ni teng y, “Kaichi ly pajang cho ny y leang, kaichi ly ampo leaungrei awm, huni ly Tameuh ne,” napi.

KALATIA 3:26

Nangchi ly Krista Isu ai ym u nai deaungkho y Tameuh i chanau lawn u be bo;

KALATIA 3:29

Krista y ly nangchi bawibawi bomrei lawn u bo. Naibaly nangchi ly Krista i ne u baly, nangchi ly Abraham i kangpreang, leu adeu nai kamta amtym ai nai keungchi ne u bo.

EPHESI 2:10

Achi ly mymy i kiu i theu nai ne i, achi ai atiti kahawi sa ai nai vui Krista Isu y ly sa nai ne, huni atiti sa naira y achi i tako ai nai Tameuh my sa rym nai ne. nai

Leu Thui Nai 32:6

Cheng naira by y iy khumi ka-khumchi awi, Areng ai hina nai kamta sa ai tla nai a? Mymy ly nangchi ai sa nai keung, nangchi i ampo, mymy ly nangchi ai khumi cheng harei ang lawn hai bo.

Leu Thui Nai 9:29

Meitang khyp, nichi ly nang i vawi nai khumichi ne iy, Aikupta pri i dengdairei, nangmy i sa thai naira len parai nai hawimy pahawi nai khumichi ne,’ nanai hnei takeng pi bo,” napi.