ISAIA 64:4 - Khumi Common Language Bible

⁴ Nangmy ai kadeaung u nai khumichi i vui y, hina nai kalopchi ai nang kamta sa pi nai Tameuh ai ly ami py niu vai y. Huni Tameuh satang thai py thai vai y.

ISAIA 64:4 ပူးပေါင်းရင်းမြစ်များ

ATITI AWM ANGCHEI NAI 49:18

“Aw Areng, kai ly nang i atleu naira ajeng jo nai ne.

EZARA 9:7

Amsi pajochi deung i dengdai vaini khrairei, nang i khumi kaichi ly khri pa-rei kamngo sa tamang u bo. Huni kamngochi molam y kaichi i samrangchi hawi pathyp pi nai keungchi ly cheng takhra samrangchi kiu tleaung y tym hai nai, acho akei tamo tym hai nai, lawm vui nai, langheng hawi nai, vai i kamta pipi tahm by y nai hinichi avum hai bo.

SAM 103:18

Mymy i Leu Maikawm ai kry iy, Reita leu pei naichi ai ka-ym awm naimy sa patawm naichi i tlang tleaung y, mymy i pahen naira ly katu chanau khrairei tym nai ne.

SAM 130:5

Kai ly Areng i sabawm naira ajeng nai ne; mymy i adeu nai py ym bo.

SAM 31:19

Nang ai jei naimy tahm khai nai khumichi i vui pateung pi yb nai hawi nairachi ly khri pa-rei lyh ai hawi parai na ly! Nang ly hawi, nanai py, nang teng y abyh nai khumichi ai ama hai, nanai py, khumi bawibawichi my pany u bo.

SAM 62:1

Tameuh my kai ai atleu ai nai, kai ly paleung sau parai naimy ajeng bo; kai ly mymy ai naini abyh nai ne.

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

ISAIA 40:31

Na i py Areng i kasabawmra ai ym nai khumichi ly atho kangtha nga u ai. Nichi ly ahmtlau kamta akheang thai ai. Angpreng i py akawm u ai ny y. Khuleaung chei i py paha u ai ny y.

ISAIA 59:12

“Aw Areng, nang i tlang tleaung y kaichi i sa tamang nai kamngochi ly nawi parai nai ne. Huni kamngochi my kaichi ai neng hai nai deaungkho y, kaichi ly kaimychi i kamngochi hawihai palai apany u bo.

ISAIA 66:8

Hina nai ka-tawm niu vai, thai vai nai ly ami awm mo? Pri harei ly kanirei y my amthawn nai awm vai a? Zion mary ly Israela pri tapen y rai khala, patang nai kakra avum ai ny y.

DANIELA 9:15

“Aw kaichi i Areng Tameuh, nang ly nangmy i khumichi ai Aikupta pri i dengdairei pahawi iy, sa thai naira patei pi bo. Kaichi ly nang i sa thai naira ai vai khrairei, pany pi jo nai ne. Kaichi ly kamngo sa u bo, hawi y naira kasa u lawh bo.

DANIELA 9:5

“Kaichi ly kamngo sa tamang u. Teng y naichi kasa u lawh. Amso ngai naichi ne iy ka-awi sa u lawh bo. Kaichi ly nang i leu pei naichi khai su iy, nang i sa pi nai reitachira i nai en vui lawh bo.

DANIELA 9:8

Aw Areng, kaichi i samrangchi, samrang i cho chanauchi hawi amsi pajochi ly angji ngai nairachi sa naimy, nang i tlang tleaung y kamngo sa u bo.

HOSEA 7:7

“Nichi ly kado theu nai paleung bi phui na i, peang nai keungchi ai tleh u bo. Nichi ly samrangchi ai leaungrei bo y leaungrei tleh u nai ne. Na i py kai teng y kasabawmra nga ai nai, ami py hnei u y,” napi.

ZEKHARIAH 10:9

Kai ly nichi ai khumi cheng cheaungkhangchi theung y ahei hai teu i py, huni palo parai nai meingtymchira i nai, nichi ly kai ai pany u jo ai. Nichi hawi mychi i cho chanauchi ly dei y naimy heng u i, mymychi i pri y vawi u ai.

MATTHAI 25:34

Hunai khala y ly Samrang ly mymy i lamtang mang y awm naichi teng y ly, ‘Ngaai i amtheaung hai keh naichi awi, jeu u ly, khaileaung palum angchei khala i dengdairei nangchi i vui pri sa pi yb nai ly lo u;

LUKA 2:25

Naibaly khen cham, Jerusalem y ly amyn Simeon khumi leaungrei awm: huni khumi ly khumi kahawi hawi, Tameuh ai dawn parai nai khumi ne: Israelachi ai awm hai nem nai keung ai ly ajeng: mymy teng y Phailo Kachai awm.

JOHAN 14:3

Naibaly kai chei iy nangchi i vui meingtym sa rym baly, nangchi py kai i awmra y awm thai ai nai, kai kang jeu bi ai i nangchi ai py kai teng y kang la ai.

ROM AVANGCHI TENG Y PAWLA I CHA PA NAI 8:19

Atiti sa naichi bawibawi ly khrikhri pa-rei athang khai nai, Tameuh i chanauchi ai amteng ai nai ly khrikhri pa-ri ajeng na.

I KORINTH 1:7

hunaibaly achi i Areng Isu Krista i amteng nai ai ajeng nai, atiti sa thai naira pei ryry naira y nangchi ly ngo y nai ny y leang;

I THESALONIKA 1:10

mynchi mang i nai Tameuh mang y hi u pawn nai sai py pany hai u reng nai ne.

I TIMOTHEI 3:16

Naibaly aei ai nai vuilam ny y naimy Tameuh ai dawn ryhryh naira ly leu thiu parai nai ne. “Mymy ly tlang y amteng nai, Phailo y eaung naira nga nai, Kani pri i amtaw thau naichi my ni ai niu nai, Cheng Takhrachi theung y ni i satang aeu hai nai, Khaileaung pri i khumichi ly ni ai ym nai, Nang parai naira y ly ni ai hawi kalau vui nai,” nanai ne.

HEBRAI 11:16

Na i py vai ly nichi ly kani pri mang y awm nai, hawi tleaung hawi ra nai pri dawn nai ne; hunaibaly Tameuh my nichi i Tameuh angam ai nai kaji y leang; mymy ly nichi i vui avang khai pi rym veng bo.

JAKOB 5:7

Hunaibaly amjo amnauchi awi, Areng jeu y ryrei ly kham tanga pa-rei awm u. Khen cham, hlau sa nai khumi ly kani nai angchei nai hawi, nai pakhym nai kani palo y ryrei ly khaileaung i athai teng parai nai ly kham tanga pa-rei ajeng.

I JOHAN 4:10

Hinira y ly tamen naira awm, achi ly Tameuh ai tamen nai ny y leang, mymy ly achi ai ang tamen iy, achi i kamngochi ahui nai langseaung syn naira lawn thai ai nai mymy i Chapo ai ang pato nai teu.