ISAIA 64:3 - Khumi Common Language Bible

³ Tlenrei khala nang ly jeu iy, kaichi athang khai y nai ka-jeirachi sa pi bo. Mawichi ly nang ai niu i, jei nai paleung hawimy kaso theu u bo.

ISAIA 64:3 ပူးပေါင်းရင်းမြစ်များ

2 SAMUELA 7:23

Mani cheng py nang i khumi Israela cheng hawi pata pajau y. Nang ly nangmy i khumichi tavai amsa nai thym khala y, takhra khumichi hawi nichi i tameuhchi ai patheu pi pawn nai ne. Aikupta pri y miseaung i nai lawira nga nai khumichi ai, nangmy i khumi lawm hai bo.

SAM 106:22

Huni pri y mymy i sa nai saichi ly lyh ai hawi parai na a! Pangli kamsen sahawi y leaungsaichi ly lyh ai hawi parai na ly!

SAM 66:3

“Nang i sa nai saichi ly khrikhri pa-rei lyh ai hawi parai na ly! Nang i sa thai naira ly khri pa-rei len parai nai deaungkho y, paleung ka-echi ly nang i mo y jei naimy, abyh kajeaung kaji na bo.

SAM 66:5

Tameuh i sa nai saichi hawi, khumichi i vui y mymy i sa nai lyh ai hawi parai nai saichi ai, jeu ly khen u.

SAM 68:8

khaileaung ly amchyh i, kani mang dengdairei kani nai bo; ati mana nai mo nabaly Sinai mawi i Tameuh, napi nai Israela chengchi i Tameuh ly ang jeu nai deaungkho y ne.

SAM 76:12

Mymy ly paleung len, amlyh am-e nai samrang i cho chanauchi i paleung panem vui iy, nang parai nai samrangchi ai jei hyn hai ai.

THEU NAI 34:10

Areng my Mosi teng y, “Kai ly vai, Israela chengchi hawi Leu Maikawm asa ai. Khaileaung pri cheng takhrachi theung y py so vai y nai, nichi i mei ka-niu y atiti len parai tlai naichi sa pi ai. Kai, Areng leaungrei naini sa thai naira len parai naichi sa pajau khyh, nanai khumi bawibawichi my niu u ai; ati mana nai mo na baly nangchi i vui Kai, Areng my ka-jei hawi parai nai rengrang tlai naichi kang sa pi ai nai ne.

ISAIA 5:25

Areng ly mymy i khumichi tlang tleaung y kado theu i, pajeng ai nai kiu pheu nai deaungkho y, mawichi ly amchyh neung na ai. Khumi kadei veuchi ly lamchi salo y anyn angso kamta awm jo ai. Huna teu i malawn py Areng i kado theu nai ly rym ai ny y. Mymy ly kamngo pajeng ai nai kiu pheu naimy awm ai.

ISAIA 64:1

Nang ly ati mana nai y kani pa-kho paeaung iy jeu kathiu y lawh mo? Mawichi ly nang ai niu nai khala, jei hyn u ai.

HABAKKUK 3:3

Tameuh ly Edom pri mang dengdairei ang jeu ali teang ai; Chai parai nai Tameuh ly Paran mawi aheung mang dengdairei ang jeu ai. Mymy i phum-ang ly kani khusang y khiu na bo. Khaileaung py mymy ai palo nai raawi hawi kawi na bo.

HABAKKUK 3:6

Mymy anawn nai khala y, khaileaung amchyh na. Tlenrei khen lau nai ryrei my, khumi cheng cheaungkhangchi ahyn u bo. Deungrei awm nai mawichi ly dei lawm vui iy, jangni jangkhawn i neng y mymy aleaung reng nai, mymy awm jojo nai mawi katheangchi ly tama pawn veng bo.

Leu Thui Nai 10:21

Mymy ai palo u, mymy ly nangchi i Tameuh ne; mymy ly nangchi i vui rengrang tlai naichi ang sa pi nai ly nangmychi i mei y niu u bo.

Leu Thui Nai 4:34

Nangchi i Areng Tameuh ly Aikupta chengchi kiu i atleu iy, mymy i khumi palawn naimy pahawi bo. Tameuh takhra ly khumi cheng harei i vui, huna nai kamta sa pi vai sai a? Areng ly mymy i len parai nai sa thai naira patei nai, ka-jeira hawi tavai takai tym hai nai, rengrang ka-ma-rachi hawi lyh ai hawi nairachi sa pi nai, hunichi ai nangmychi kypkyp my niu u bo.