ISAIA 63:9 - Khumi Common Language Bible

⁹ Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

ISAIA 63:9 ပူးပေါင်းရင်းမြစ်များ

ATITI AWM ANGCHEI NAI 48:16

Kai ai vaini khrairei ang typ nai keung Tameuh, rai naira cheaungkhang i nai kai ai atleu nai keung Angel my nini ai amtheaung hai sy! Nichi ly kai i amyn hawi, amsi Abraham, kai i ampo Isaka nini i amyn khaw hai jo sy! Nini ly chanau neangneang sa iy, kangpreang neangneang peung u sy,” napi.

JOBA 37:23

Tameuh i sa thai naira ly len parai nai deaungkho y, achi ly mymy sahawi y ahihawi pajau y; Mymy ly khumichi hawi amkawm naira y, leu meitang adyh adawi hai nai ne.

SAM 25:22

Aw Tameuh, nang i khumi Israelachi ai ngari kamtang bawibawira i nai atleu pi kyh ba.

SAM 78:38

Na i py Tameuh ly mymy i khumichi ai pahen nai ne. Nichi i kamngochi pahen pi iy, nichi ai myh kang hai y leaung. Mymy i kado theu nai ly avawrei am-yh pi iy, nichi i tlang tleaung y kado theu y naimy awm pi nai ne.

THEU NAI 14:19

Israela chengchi i mo mang y pahawi nai Tameuh i angel ly nithun mang y asyh vui iy awm pi khyp bo. Nichi i mo mang y awm nai tamai angjawi py nithun mang y asyh vui nai deaungkho y,

THEU NAI 15:13

Nang i leu adeu nai ly ym ai nai hawi; nang ly nangmy i vawi takhra nai khumichi ai pahawi nai ne. Nang i sa thai naira hawi pri kachai mang y nichi ai lam patei bo.

THEU NAI 19:4

“Kai ly Aikupta chengchi ai ati mana pajeng mo, nanai py, ahmtlau my chochi ai pakhi hawi akheang hai nai kamta, kaimy nangchi chymme naimy kang pahawi nai sai py nangchi niu bo.

THEU NAI 33:14

Huna nai khala Areng my, “Kai ly nang hawi vanrei chei iy, nang ai eaung naira kang pei ai,” napi.

THEU NAI 33:15

Mosi my, “Nang ly kai hawi vanrei chei hai y baly, kaichi ai hini meingtym i nai theu hai mo kyh.

ISAIA 43:1

Israela chengchi awi, nangchi ai sa nai keung Areng my, “Jei u moh, nangchi ai kaimy atleu ai. Kaimy nangchi ai amyn pathi iy kang palau bo; nangchi ai kaimy peang.

ISAIA 43:4

Nangchi ly kai i vui khri pa-rei vang teng nai khumichi ne i, kaimy tamen iy tahm kapasang naichi ne nai deaungkho y, kai ly nangchi ai atleu ai nai, khumi chengchi ai khai su ai.

ISAIA 48:20

Babulon pri i dengdairei theu u; tlamsa naimy tako u! “Areng ly mymy i miseaung Israela chengchi ai atleu bo! nanai satang ai amo theu parai naimy aeu u; meingtym tleirei y amthang hai u.

ISAIA 51:10

Mymy atleu pi nai khumichi angpeang thai ai nai pangli tui kang hai iy, lam sa pi nai keung ly nang ne.

ISAIA 52:9

Jerusalem mary i phra seaungkhrang nai yhm hlauchi awi! Amotheu naimy aeu u. Areng ly mymy i khumichi ai awm hai nem bo. Mymy ly Jerusalem mary ai atleu bo.

DANIELA 6:22

Khrangsichi ly kai ai kei y ai nai Tameuh ly mymy i kani pri amtaw thau nai ai pato iy, khrangsichi i labeaung tamym pi vui bo. Hina nai kamta ang sa pi nai ly kai ly kamngo by y, nanai hawi kai ly samrang nang i tlang tleaung y tamang vai y, nanai py, pany nai deaungkho y ne,” napi.

HOSEA 1:7

Na i py kai ly Juda pri khumichi ai tamen ai rai. Nichi i Tameuh kai Areng ly nichi ai atleu ai. Na i py tavai atiu nai hawi py, haisau, thailiho, thailiho chyn, keaungngo, keaungngo tavaimi kamkawm hawi py, nichi ai atleu ai ny y.

JOELA 2:18

Naibaly Areng ly mymy i pri vui, paleung mawn nai amteng hai iy, mymy i khumichi ai pahen nai ne.

ZEKHARIAH 2:8

Nangchi ai tiu nai khumi ly kai i tahm khai keh nai ai tiu nai khumi ne,” napi. Hunai deaungkho y mymy i khumichi ai tiu nai khumichi teng y, hini satang thui pi ai nai kai ai ati cheaungkhang sa thai nai Areng my pato nai ne.

MALAKHI 3:1

Ati cheaungkhang sa thai nai Areng my, “Kai ly kaimy i amtaw thau nai ai pato iy, kaimy i lam sa hai rym ai. Naibaly nangchi ajeng nai Areng ly mymy i Achura yhm y vaimy ang tym ai. Nangchi ajeng nai amtaw thau nai ly jeu iy, kai i Leu Maikawm satang pany hai ai,” napi.

MATTHAI 25:40

Naibaly Samrang my ly nichi teng y, ‘Meitang khyp kang thui pi, hini kai i amjo amnau theang keh naichi theung y leaungrei i tlang tleaung y sa u nai ly kai i tlang tleaung y sa u nai ne,’ napi nai pathang ai.

MATTHAI 25:45

Naibaly mymy ly nichi teng y, ‘Meitang khyp kang thui pi, hini khumi theang keh naichi theung y leaungrei i tlang tleaung y so u y nai ly kai i tlang tleaung y so u y nai ne, nanai pathang ai.

LUKA 15:5

Naibaly niu teang baly kawn parai naimy apu hawp.

AMTAW 12:11

Naibaly Petera amcheng bo nabaly., “Areng my mymy i kani pri i amtaw thau nai ai pato i, Heroda i kiu i nai hawi, Judachi i tau nai bawibawi ra i dengdairei ly kai ai palawi bo, nanai vai ly kai pany khyp bo,” napi.

AMTAW 7:38

Huni Mosi ly Sinai mawi y arum hai nai kani pri i amtaw thau nai hawi, achi i amsi sangumchi hawi daichi ka-vym y achu naichi theung y awm nai ne; mymy ly ang pei pateang ai nai Tameuh i leu kangheng nga nai keung ne;

AMTAW 9:4

naibaly mymy ly khaileaung y atlym i mymy teng y, “Sawla, Sawla, ati mana nai nang ly kai ai ana ryry lawh?” napi nai raawi thai.

I KORINTH 10:9

Naibaly nichi theung i nai phyreichi ly Areng ai cham i pavui my tama hai nai kamta ly Areng ai cham u moh sina.

Leu Thui Nai 1:31

ampo my chapo ai teu nai kamta, Areng ly nangchi ai dawmkhawn iy, hini meingtym y tym pa-rei ang pahawi nai bo, nanai nangchi niu u bo,’ napi.

Leu Thui Nai 4:37

Ati mana nai mo na baly mymy ly nangchi i amsi pajochi ai tamen nai deaungkho y nangchi ai vawi takhra nai ne; naibaly mymy i sa thai naira hawimy nangchi ai Aikupta pri i dengdairei ang pahawi bo.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

HEBRAI 2:18

Mymy kypkyp ly parawi naira avum iy patang chum nai deaungkho y, parawi naira avum naichi ai ang sabawm pajau.

HEBRAI 4:15

Ati mana nai mo nabaly achi ly achi i ham y nai sai dawn hai ai nai pany pajau y nai pathyp pi nai keung kalen keh ai ly ngo y leang; huna ny y naimy achi kamta parawi naira lam cheaungkhang avum teang nai, kamngo mang y so y nai ai nga nai teu.

AMTENG HAI NAI 1:5

pany hai nai keung ka-ym Isu Krista, deira i tapen man nai hawi khaileaung pri i samrangchi ai tara chih nai keung teng i dengdairei py pahenra hawi awmnem naira ly nangchi teng y awm sy.

AMTENG HAI NAI 5:9

Naibaly nichi ly khulym kangtha thui iy, “Nang ly huni cha-iu aeang la ai nai hawi, huni i pajawp typ naira ka-ma-ra su ai nai py ataing: Ati mana nai mo nabaly nang tleh nai amteng i, cheng cheaungkhangchi hawi, leu cheaungkhangchi hawi, khumi cheaungkhangchi hawi, theaung cheaungkhangchi theung i nai Tameuh i vui y nang i thi hawi van bo;

TARA CHIH NAI KEUNGCHI 10:16

Hunai deaungkho y nichi ly cheng takhrachi chiu nai tameuhchi ai khai su iy, Areng ai chiu u ali teang bo. Mymy py nichi i avum nai patang naira molam y pahen pi bo.