ISAIA 63:16 - Khumi Common Language Bible

¹⁶ Nang ly kaichi i ampo ne. Kaichi i amsi pajo Abraham hawi Jakob nini malawn py, kaichi ai bawi lo pi pajau y. Na i py Areng nang ly kaichi i ampo ne. Kaichi ai jangni khala i ka-so atleu pi jojo nai keung ly nang ne.

ISAIA 63:16 ပူးပေါင်းရင်းမြစ်များ

1 NENG SATANG 29:10

Davida ly huni meingtym y awm nai khumi mipuichi i mo y Areng ai palo. Samrang my, “Kaichi i amsi pajo Jakob i Areng Tameuh, nang teng y ly deungtasarei palo nai awm sy!

JOBA 14:21

Ni i chapochi ai tahm pasang nai ai ni ly mana khala py pany y. Nichi tahm anem u nai khala py, ni ai thui pi ai nai ngo y.

THEU NAI 4:22

Huna nai khala nang ly samrang teng y, “Israela chengchi ly kai Areng i chapo chalu ne.

Parip nai leu 9:5

Hini leu ly teng khyp; heng nai khumichi ly mymychi dei ai nai pany; khumi kadeichi ly ati sai py pany y. Nichi ly kawn vang nga bi ai naira by y, khumichi ly nichi ai pipi pany y leang bo.

ISAIA 1:2

Areng my, “Khaileaung hawi kani khusangchi awi, kai i leu pei nai tangai u! Kaimy pacho panei nai deaungdichi ly ang tiu u lawh bo.

ISAIA 29:22

Hunai deaungkho y Abraham ai ngari kamtangra i atleu nai Israela chengchi i Areng Tameuh my, “Aw, kai i khumichi awi, nangchi ly kangji nga u ai ny y. Kangji nga iy meimai phra u ai ny y.

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 41:8

“Na i py kai i miseaung Israela chengchi awi, kaimy vawi takhra nai nangchi ly kai i ahawi Abraham i katu chanauchi ne.

ISAIA 43:14

Israela chengchi teng y chai parai nai Tameuh, nangchi ai atleu nai Areng my, “Kai ly nangchi ai atleu ai nai tavaimi kamkawmchi ai, Babulon pri y pato pi ai. Mary katheu pa-khochi taphra pi pawn ai. Hunira y awm nai khumichi aeu nai raawi ly vo nai raawi mang y lawm hai ai.

ISAIA 44:6

Israela chengchi ai peang iy ama hai nai Areng, ati cheaungkhang sa thai nai keung Areng my, “Kai ly angchei khala i dengdai tem khala khrairei awm jojo nai keung harei khyh nai Tameuh ne. Kai ny y baly tameuh takhra by y.

ISAIA 45:11

Israela chengchi i chai parai nai Tameuh, mo mang i vui y sa nai Areng my, “Kai i cho chanauchi molam y nangchi my kai teng y deng ai nai aly by y. Kai ly ati sa ai nai avo mo, nanai nangchi my kai ai thui pi ai nai aly by y!

ISAIA 51:2

Nangchi i amsi sangum Abraham hawi Sarah nini i satang dawn pany jo ba. Abraham ai kaimy palau nai thym khala y, ni ly cho chanau by y. Na i py kai ly ni ai cho chanau amtheaung hai iy, ni i kangpreangchi peung hai nai ne.

ISAIA 54:5

Nang ai sa nai keung ly nang i juvo kamta, nang ai ang kry ai. Ni i amyn ly ati cheaungkhang sa thai nai keung Areng ne. Israela chengchi i chai parai nai Tameuh ly nang ai atleu ai. Mymy ly khaileaung pri y peang nai keung ne.

ISAIA 60:16

Amhm ly chanau ai kanu panei nai kamta, khumi cheng cheaungkhangchi i samrangchi ly nang ai ang kry u ai. Kai, Areng ly nang ai atleu bo, nanai py, Israela chengchi i ati cheaungkhang sa thai nai Tameuh ly nang ai miseaungra i nai alaw hai bo, nanai py, nang ly pany ai.

ISAIA 63:12

Mosi i saho y sa thai naira teaung iy, mymy i khumichi mo y pangli tui phy nyhrei akhawi hai chum baly, amthang jojo nai Areng ly ma y mo? nanai deng u bo.

ISAIA 64:7

Nang i amyn y nang teng y leaungrei py chiu so y. “Sabawm kyh ba,” nanai leaungrei py hnei ai nai jeu y. Kaichi i kamngochi deaungkho y, nang ly meimai hi vui iy kaichi ai khai su bo.

ISAIA 64:8

Na i py aw Areng, nang ly kaichi i ampo ne. Kaichi ly khaileaung laikan hawi atawm iy, nang ly laawm beu nai keung hawi atawm. Nang ly kaichi ai sa nai keung ne nai deaungkho y,

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

JEREMIA 3:19

Areng my leu pei nai ly “Israela awi, kaimy chapo kang palawn iy amo theu ai hawi nai pri, khaileaung pri verei y apu keh nai pri kang pei ai nai ngai. Nang ly kai ai ampo palau iy mana khala py, kai ai nithun thun vui y ai nai, kai ly aly ngai.

JEREMIA 3:23

Mawi saleungchira chiu sa nai molam y, kaichi kasabawmra ngo u y. Israela chengchi i vui sabawm naira ly kaichi i Areng Tameuh teng i naini nga pajau khyh.

JEREMIA 31:9

Nichi ai kaimy kapahawi ali teang nai khala y, kai i khumichi ly chiu sa naimy vo tangam u iy ang vawi u ai. Kai ly nichi ai tuino leaung nai meingtymchi hawi, nichi athei y, avah y ai nai lam kahawi mang kapahawi ai. Kai ly Israela chengchi i ampo ne iy, Ephraim cheng theaung ly kai i chapo chalu ne.”

HOSEA 1:10

Israela pri khumichi ly pangli spryh kamta kati pajau y, pata pajau y na pa-rei peung u ai. Vai ly Tameuh my nichi teng y, “Nangchi ly kai i khumichi ny y, nanai thui teu i py, kangkhym kani y ly “Nangchi ly Tameuh kangheng i cho chanauchi ne u bo!” napi ai.

MALAKHI 1:6

Ati cheaungkhang sa thai nai Areng ly pathyp pi nai keungchi teng y, “Chapo ly ampo ai py, miseaung ly yhmkeung ai py, tahm khai bo. Kai ly nangchi i ampo ne. Ati mana nai y nangchi ly kai ai tahm khai u y lawh mo? Kai ly nangchi i yhmkeung ne. Nangchi ly kai ai tahm pateng u y lawh mo? Nangchi ly kai ai khumi amiu y nai sa iy, “Nang ai kaichi my ati mana mei aniu y nai kasa u lawh mo?” nanai deng u bo.

MALAKHI 2:10

Achi bawibawi ly ampo leaungrei awm khyh nai ny y a? Tameuh leaungrei my achi ai sa nai ny y a? Hunai deaungkho y achi ly ati mana nai y, amychi tengtawi asa nai vaineng ataphra u lawh mo? Ati mana nai y achi i amsi pajochi hawi Tameuh asa nai Leu Maikawm ai tahm khai u y lawh mo?

MATTHAI 6:9

Hunai deaungkho y nangchi ly hinai kamta chiu so u: Ngaai, kani pri mang y awm nai, Nangmy amyn tahm khai nai awm sy,

JOHAN 8:41

Naibaly nichi my ly ni teng y, “Kaichi ly pajang cho ny y leang, kaichi ly ampo leaungrei awm, huni ly Tameuh ne,” napi.

Leu Thui Nai 14:1

“Nangchi ly nangchi i Areng Tameuh i khumi cheng ne. Hunai deaungkho y kadeichi i vui paleung si nai khala, amy i ngan tlangra y tamo apei piupa nai, lupang sam avau lawp nai so ngau y.

Leu Thui Nai 32:6

Cheng naira by y iy khumi ka-khumchi awi, Areng ai hina nai kamta sa ai tla nai a? Mymy ly nangchi ai sa nai keung, nangchi i ampo, mymy ly nangchi ai khumi cheng harei ang lawn hai bo.