ISAIA 63:15 - Khumi Common Language Bible

¹⁵ Aw Areng, chai parai iy phum-ang angvang nai kani pri, napi nai, nangmy awm nai meingtym i dengdairei kaichi ai khen kathiu kyh ba. Kaichi i vui nang i paleung mawn hai nai ly ma y mo? Nang i sa thai naira ly ma y mo? Nang i tamen naira hawi pahen naira ly ma mang y mo? Kaichi ai khai su moh kyh ba.

ISAIA 63:15 ပူးပေါင်းရင်းမြစ်များ

1 ARENG KEH 8:27

“Na i py aw Tameuh, nang ly hini khaileaung salo y awm angchi khyp ai a? Kani pri verei malawn py nang awm ai nai meingtym kau y leang. Hunai deaungkho y kai i sa nai hini Achura Yhm ly nang awm ai nai mana kau ai mo?

2 NENG SATANG 30:27

Pathyp pi nai keungchi hawi Levi theaungchi ly mipuichi i vui, Areng teng i amtheaung naira hnei pi nai deaungkho y, Tameuh ly mymy i awm nai kani pri mang dengdairei, nichi i chiu sa nai pathang pi nai ne.

SAM 123:1

Aw Areng, nang i peang nai kani pri mang y, kai ly khen angdeang bo.

SAM 25:6

Aw Areng, jangni i dengdairei nangmy patei pi nai pahen naira hawi khaw parai nai tamen nairachi pany pi jo kyh ba.

SAM 33:14

Mymy ly my i peang nai meingtym i dengdairei meung iy, khaileaung pri y awm nai, heng nai bawibawichi ai khen nai ne.

SAM 68:5

Achura yhm kachai y awm nai Tameuh ly nurochochi ai kry iy, neampachy lumaichi ai ama hai nai ne.

SAM 77:10

Naibaly kai ly “Tameuh teng y ly sa thai naira by y lawh nai deaungkho y, kai i vui no-au keh na bo,” nanai thui lawh nai ne.

SAM 80:14

Ati cheaungkhang sa thai nai keung Tameuh! kaichi teng y jeu ali teang kyh ba; kani mang dengdairei khen kathiu iy jeu ly nangmy i khumichi ai atleu kyh ba!

SAM 80:15

Jeu ly nangmy kypkyp ui iy, keung cheang pa-rei bawn nai kreip keung ai atleu kyh ba!

SAM 89:49

Aw Areng, vaichi khala y thui pi nai nang i tamen naira ly ma mang y awm vui mo? Davida teng y nang i adeu nai leuchi ly ma y mo?

ISAIA 16:11

Kai ly Moba pri i vui paleung hawi y naimy, Kir Here mary i vui paleung si naimy tangam lawh bo.

ISAIA 26:11

Paleung ka-echi ly mychi ai nangmy pajeng ai, nanai pany u y. Aw Areng, nichi ai kangji ngo hai ba. Patang naira tym hai ba. Nangmy sa pi yb nai pajeng naira avum hai ba. Nang ly nangmy i khumichi ai mana tanrei tamen mo, nanai nichi ai pany hai ba.

ISAIA 37:32

Jerusalem mary hawi Zion mawi salo y khumichi ly dei y naimy awm u ai. Ati mana nai mo nabaly huna nai awm asai ai nai, ati cheaungkhang sa thai nai Areng ly dawn yb nai deaungkho y ne.

ISAIA 42:13

Areng ly sorai kamta, tavai atiu ai nai amsa bo. Mymy ly tavai atiu ai nai a-eng yb iy, paleung pade na bo. Mymy ly tavai kachyh nai raawi aeu iy, mymy i paleung ka-echi teng y, sa thai naira patei pi bo.

ISAIA 49:15

Hunai deaungkho y Areng my, “Amhm ly mymy paleung tleaung i chanau ai tami vui thai na a? My i kajeu y aneng nai deaungdicho ai, tamen y nai awm thai na a? Amhm ly mymy i deaungdicho ai tami vui lawh teu rai sy; kai ly nangchi ai mana khala py, tami vui ai ny y.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 59:17

Mymy ly ka-dyh ka-dawi napi nai tamo baichu amchiu iy, atleu naira napi nai tamo lukhym adeung ai. Khri pa-rei tamen naira napi nai ateaung kangjiu ai py, khumichi i avum nai teng y nairachi molam y vawitheung tha naira hawi pajeng naira napi nai ateaung py amthyp ai.

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

ISAIA 64:12

Aw Areng, nang ly hinichi molam y paleung no-ei y nai sai a? Nang ly awmnem iy kaichi ai, kaimychi kham pajau nai tleaung y, ngari kamtang tym hai ra ai a?

ISAIA 66:1

Areng my, “Kani pri ly kai areng atehra ne i, khaileaung ly kai i kheu chiura ne. Hunai deaungkho y nangchi ly kai i vui ati mana nai Achura yhm, kai awm ai nai vui ati mana nai meingtym sa u ai mo?

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

JEREMIA 31:20

“Israela awi, nang ly kai i ngai keh nai chapo hawi, kai i tamen keh nai chapo py ne. Kai ly nang i amyn kathui nai tleirei, nang ai aawi jojo nai ne. Kai i paleung ly nang teng y apei keh nai ne i, kang pahen ai.

HOSEA 11:8

“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

JOELA 2:18

Naibaly Areng ly mymy i pri vui, paleung mawn nai amteng hai iy, mymy i khumichi ai pahen nai ne.

LUKA 1:78

Mymy i khumichi teng y pahengra leu pany hai ai nai py, Areng i mo y nang tako ai;

Leu Thui Nai 26:15

Nang i awm nai kani pri meingtym kachai mang dengdairei khen katheu iy, amsi pajochi teng y adeu nai kamta pei nai paitiu khuta hawi nai pri hawi vanrei, nang i khumi Israela chengchi ai amtheaung hai ba, “nanai takeng ai nai tla.

PHILIPI 2:1

Hunaibaly Krista y pachei naira hawi, tamen naira i sa hai naira hawi, Phailo hawi amkawm naira hawi, paleung verei y tamen naira hawi pahen naira awm baly,

I JOHAN 3:17

Na i py ami py khaileaung pri i yhmtheaung awm nai mymy i amjo amnau avaw nai niu iy tamen y pasi lawh baly, mymy y ly Tameuh i tamen naira ly mana awm thai ai mo?