ISAIA 63:1 - Khumi Common Language Bible

¹ “Edom pri Bozrah mary i dengdairei jeu nai khumi ly ami mo? Apu parai nai ateaung kamsen amthyp iy, atho haiho kawi angym naimy ang jeu nai khumi py ami mo? “Huni ly mymy i eaung naira amthang hai ai nai jeu nai keung, atleu ai nai sa thai naira awm nai keung Areng ne.

ISAIA 63:1 ပူးပေါင်းရင်းမြစ်များ

ATITI AWM ANGCHEI NAI 49:11

Ni ly my i keaungngo kano kasau cho ai kreip angjyn keung kahawi kehra y pakheng bo. Ni ly my i ateaungchi ai kreip hang thi kamsen hawi pasiu nai ne.

SAM 108:13

Tameuh my kaichi mang y awm ha ai nabaly, kaichi ly eaung naira nga ai; mymy ly kaichi i paleung ka-echi ai sum hai ai.

SAM 137:7

Aw Areng, Jerusalem mary ai peang vui nai neng khala y, Edom khumichi i sa nai sai pany pi jo kyh ba. “Hini mary ai khaileaung hawi angeng pa-rei panawi vui,” nanai huni khumichi i thui nai leu ai pany pi jo kyh ba.

SAM 65:6

Nang ly sa thai naira hawimy mawichi ai meingtym tasyh iy, nang parai nai sa thai naira pateng bo.

Solomon i khulym 3:6

Mura hawi kathan ka-pai sa nai keungchi i jo nai mui katuichi patawi nai khala theu nai maikhyhchi kamta, khutaha daichi ka-vym mang y jeu nai ly ati mo?

Solomon i khulym 6:10

Khawn khutawi en hawi atawm nai mei hawi khen nai neampachy ly ami mo? Ni ly kanito kamta angvang iy, lo kamta apu parai.

Solomon i khulym 8:5

Mymy i khrei nai khumi hawi kiu asyn iy daichi ka-vym mang jeu nai ly ami mo? Kai ly khrei nai keung i tapen nai meingtym apple keung anui y, ni ai i kapalaw nai ne.

ISAIA 11:14

Huni pri nyhreichi ly amkawm iy nidym mang y awm nai Philistin chengchi ai tiu iy, nisi pri mang y awm nai khumichi i yhmtheaung katuichi lawm u ai. Nichi ly Edom chengchi hawi Moba chengchi ai pajau iy, Ammon chengchi ai py mychi i sa thai naira anui y awm hai ai.

ISAIA 34:1

Aw khumi cheng cheaungkhangchi awi, jeu u! jeu angym iy tangai u. Khaileaung pri verei y awm nai khumi ngiereichi ly hini meingtym y jeu iy tangai u ai nai tla.

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 42:3

Ni ly ngui nai japang uipo keung khei y, dengdum dengdum iy, deivi nai mai ai padei y naimy awm ai. Ni ly khumi bawibawichi ai ka-dyh ka-dawi naimy peang ai.

ISAIA 45:19

Kai ly kangviu kam-ai y kathui y; kaimy i dawn pasym nai py apha vai y. Kai ly Israela chengchi ai khumi angso by y nai meingtym y hau hai nai ny y. Kai ly Areng ne; kai ly ka-ym awm nai leu katheu iy kateng lam kapatei pi reng nai ne,” nanai leu pei nai keung ne.

ISAIA 45:23

Kai i thui nai leu ly teng khyp nai deaungkho y, takhra vui ai ny y leang. Khumi bawibawichi ly jeu iy, kai i mo y kheukhudi u naimy, leu meitang pei kheng nai tangai ai mang, nanai vaineng abeu u ai.

ISAIA 9:5

Tiu ai jeu nai tavaimi paleung ka-echi i phainaichi hawi thi akau nai ateaungchi ly mai leng pawn nai avum u ai.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

JEREMIA 48:24

Kerijo mary hawi Bozarah mary napi nai mawi aheung adym y awm nai mary bawibawichi ly pajeng naira avum u bo. Kamlo kang sa i Moba mary ngiereichi py, pajeng naira avum u nai ne.

JEREMIA 49:13

Bozarah mary ly niu nai khumichi jei hyn ai hawi nai, khumi angso by y nai meingtym lawm hai ai nai py, khumichi ly huni mary ai panui hai iy, huni mary i amyn ai vaineng abeu naira y teaung ai nai py, kaimy kypkyp my vaineng abeu nai ne. Tengpang sahawi i avang bawibawichi ly phra seaungkhrang naimy awm jojo ai. Hini ly kai Areng i thui nai leu ne,” napi.

Ezekiela 25:12

Sa thai naira angym nai Areng my, “Edom pri ly Juda pri ai pahyp y na pa-rei vawitheung tha nai molam y, khri pa-rei kamngo sa bo.

Ezekiela 35:1

Areng i leu ly kai teng y tym.

Ezekiela 38:17

Vai mo mang y kai ly Israela pri y tiu ai nai khumi leaungrei pato ai, nanai law veng nai neng khala, amochi dengdairei kaimy leu pei nai ly nang ai patyp iy thui nai ne. Huni neng khala amochi my, kai ly nang ai huni khumichi ai tiu hai ai, nanai saneng neangneang kakra thui pi bo,” napi. Hini ly sa thai naira angym nai Areng i pei nai leu ne.

OBADIA 1:1

Hini Obadia i amo leu ly Edom pri molam y Obadia teng y, sa thai naira angym nai Areng my leu thui pi nai ne. Areng ly khumi cheng cheaungkhangchi teng y, mymy i savai pato. “Angvei u rym! Edom pri y achi tavai tiu u sina,” nanai raawi kaichi thai u bo!

OBADIA 1:9

Tavai ateaung syn nai Teman mary i khumichi ly jei hyn u ai. Edom pri i tavaimi risa bawibawichi ly dei u ai.

ZEPHANIAH 3:17

Nang i Areng Tameuh ly nang hawi vanrei awm; mymy i sa thai naira hawimy, nang ly eaung naira nga ai. Areng ly nang i tlang tleaung y amo theu naira nga ai. Mymy ly mymy i tamen naira hawi nang ai deung kangthaang pei ai. Mymy ly nang i molam y, amo theu nai khulym thui ai.”

MALAKHI 1:2

Areng ly mymy i khumichi teng y, “Kai ly nangchi ai kang tamen jojo,” napi. Na i py nichi my, “Nang ly kaichi ai tamen nai sai mana patei pi ai mo?” nanai deng u. Areng my, “Esaw hawi Jakob nini ly amjo amnau ne i py, kai ly Jakob hawi ni i katu chanauchi ai tamen;

Kati Nai 23:19

Tameuh ly khumi kamta ka-chawi leu thui y leang; mymy ly khumi kamta paleung ali vui y leang. Mymy ly leu adeu nai kamta sa khyp; mymy i leu pei nai kamta py ne khyp.

MATTHAI 21:10

Naibaly mymy ly Jerusalem avang y kun iy avang theaungreichi my, “Huni khumi ly ami mo?” nanai adeng u lengleang.

HEBRAI 7:25

Hunaibaly mymychi ai chiu sa pi ai nai mymy ly deungtasarei heng jojo nai deaungkho y mymy i saho y Tameuh teng y jeu naichi ai ly angym pa-rei ang paheng pajau.

I PETERA 1:5

nangchi ly kangkhym kangtem i neng y amteng ai nai sa rym nai paheng naira nga ai nai, ym naira deaungkho y Tameuh i sa thai naira y nangchi ai ang typ nai ne.

AMTENG HAI NAI 19:13

Naibaly ni ly thi abawi nai kanih akhiu i, mymy i amyn ly Tameuh i Leu napi.