ISAIA 62:12 - Khumi Common Language Bible

¹² Nangchi ly “Tameuh i chai parai nai khumichi,” “Areng i atleu nai khumichi,” nanai ang palau ai. Jerusalem mary ai, “Tameuh i tamen nai mary pui,” “Tameuh my khai su y nai mary pui,” nanai amyn palau nai avum ai.

ISAIA 62:12 ပူးပေါင်းရင်းမြစ်များ

SAM 107:2

paleung ka-echi kiu i nai Areng my atleu bo. Nidym nisi, tosyh tokalawi y awm nai

THEU NAI 19:6

Nangchi ly kai i vui khai takhra nai khumi cheng, kai i kalop sa pi ai nai pathyp pi nai keungchi lawm u ai, nanai Israela chengchi teng y thui pi,” napi.

ISAIA 1:27

Areng ly hawi nai deaungkho y, mymy ly Jerusalem mary hawi uikheih nai khumi ngiereichi ai atleu ai.

ISAIA 35:8

Huni meingtym y, “Meingtym kachai mang y chei nai lam,” nanai amyn pathi nai lam manglai pui amteng ai. Kamngo sa nai khumi ngiereichi ly huni lam tako ai nai nga u ai ny y. Khumi ka-khum ngiereichi ly huni lam tako nai khumichi ai lam tamang hai pajau ai ny y.

ISAIA 35:9

Huni meingtym y mani khrangsi py awm ai ny y; Huni meingtym mang y mani mawi kasichi py, jeu ai nai nga ai ny y. Areng my atleu nai khumichi ly huni lam mang mychi i avang saleaung y vawi ai nai nga u ai.

ISAIA 4:3

Tameuh my vawi takhra naira abawi iy, Jerusalem mary y awm rai nai khumi ngiereichi ai ly khumi kachaichi ne, nanai amyn pathi ai.

ISAIA 41:17

Kai i khumichi tui ngai nai hau nai khala py, nichi tui kanghai tao phui nai khala py, kai, Areng ly nichi i hnei takeng nai pathang pi ai. Israela chengchi i Tameuh, napi nai kai ly nichi ai mana khala py khai su ai ny y.

ISAIA 42:16

“Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

ISAIA 51:10

Mymy atleu pi nai khumichi angpeang thai ai nai pangli tui kang hai iy, lam sa pi nai keung ly nang ne.

ISAIA 52:3

Areng my mymy i khumichi teng y, “Nangchi ai tangka hawi jo y teu i py, miseaung lawm u bo. Hunai kamta ly nangchi ai atleu nai py, vang tla ai ny y. Nangchi ly jawm naimy law tleaung naira nga u ai.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 62:2

Aw Jerusalem mary, khumi cheng cheaungkhangchi ly nang i eaung naira niu u ai! Samrang bawibawichi py, nang i nang parai nai niu u ai. Nang ly Areng mymy kypkyp my pei nai amyn kangtha loh ai.

ISAIA 62:4

“Paleng vui naira avum nai khumi,” nanai amyn loh ai ny y. Nang i pri py, “Akhai su nai aju,” nanai amyn palau ai ny y leang bo. Nang i amyn kangtha ly “Tameuh my kawn nai neampachy,” nanai lawm ai. Nang i pri py, “Amotheu parai naimy pom nai,” nanai amyn loh ai. Ati mana nai mo nabaly Areng ly nang ai kawn nai deaungkho y, juvo lawm nai keung ly mymy i aju ai tamen nai kamta, nang i pri ai py tamen ai.

ISAIA 63:18

Nangmy i khumi kachai, napi nai kaichi ai paleung ka-echi my patheu daw iy, nichi ly Achura yhm taphra u bo.

ISAIA 65:1

Areng my, “Kai ly kaimy i khumichi i chiu sa nai tangai ai nai angveirym i py, nichi ly chiu so u y. Kai ly nichi hau lawh baly niu ai nai ajeng rym teu i py, nichi ly kai ai hau ai nai atho so u y. ‘Kai ly hi y awm, Kai ly sabawm pi ai,’ nanai leu pathang pi ai nai angchi yb teu i py, Israela chengchi ly kai teng y hnei u y.

MATTHAI 16:18

Naibaly kang thui pi, nang ly Petera ne, naibaly hini lengseaung pui tleaung y ly kai i palau takhra kamkawm kapadyh kalau ai i, tavau kho i apai katheu pa-kho my ly huni ai pajau y ai.

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

LUKA 19:10

Khumi i Chapo ly tama naichi ai hau ai nai hawi paheng ai nai py ang jeu nai ne,” nanai thui.

JOHAN 10:16

Naibaly hini hai theung i ny y naimy, kai i beram takhrachi py awm rai; nichi ai py kaimy pahawi ai nai tla, kai i raawi py nichi thai u ai; hunaibaly kamkawm harei hawi typ nai keung leaungrei py awm ai.

JOHAN 4:23

Na i py neng tym dudu bo, vai py tym ryp bo, huna nai khala y ly Tameuh ai chiu tatang naichi ly phailo hawi meitang khyp naimy Ampo ai chiu ai: Tameuh ly mymy ai chiu ai nai huna naichi ai ly hau mang.

Leu Thui Nai 26:19

Mymy ly mymy i sa nai khumi cheng bawibawichi tleaung y, nangchi ai cheng kalen lawm hai ai. Nangchi saho y mymy i nang parai nai sai tahm asang ai. Mymy i adeu nai kamta nangchi ly mymy i khumi lawm u ai,” napi.

Leu Thui Nai 28:9

“Nangchi ly nangmychi i Areng Tameuh my leu pei naichi tangai iy reita ngiereichi sa patawm u baly, mymy i leu adeu hai nai kamta, nangchi ai mymy i khumi kypkyp lawm hai ai.

Leu Thui Nai 7:6

Nangchi i Areng Tameuh ly nangchi ai peang nai deaungkho y, huna nai sa ai nai tla. Khaileaung pri y awm nai khumi cheaungkhangchi theung i nangchi ai, mymy i khumi y palawn ai nai Areng my vawi patyp nai ne.”

HEBRAI 13:5

Nangchi i paleung awm nai sai ly tangka ai paleung no nai abawi y nai awm sy; nangchi i awm nai ryrei my paleung hawi u; mymy kypkyp my ly, “mana khala y py kang patlaw y ai i, khai py kang khai su y leang mang” napi.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

AMTENG HAI NAI 5:9

Naibaly nichi ly khulym kangtha thui iy, “Nang ly huni cha-iu aeang la ai nai hawi, huni i pajawp typ naira ka-ma-ra su ai nai py ataing: Ati mana nai mo nabaly nang tleh nai amteng i, cheng cheaungkhangchi hawi, leu cheaungkhangchi hawi, khumi cheaungkhangchi hawi, theaung cheaungkhangchi theung i nai Tameuh i vui y nang i thi hawi van bo;