ISAIA 62:11 - Khumi Common Language Bible

¹¹ “Nangchi ai atleu nai keung Areng ly mymy i atleu pi nai khumichi ai hawi iy ang jeu ai,” nanai Jerusalem mary i khumichi teng y thui pi ai nai, Areng ly khaileaung pri khumi bawibawichi teng y amthang hai ai.

ISAIA 62:11 ပူးပေါင်းရင်းမြစ်များ

ISAIA 12:2

Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.

ISAIA 17:10

Aw Israela pri, nang ly nang ai atleu iy lengseaung pui kamta ama hai nai Tameuh ai tami veng lawh bo. Nang ly cheng takhra khumichi i tameuh ai chiu ai nai apu parai nai keungchi ui nai ne.

ISAIA 42:10

Khulym kangtha thui iy, Areng i nang parai nai ai palo u. Khaileaung pri i khumi bawibawichi awi! mymy ai palo nai khulym thui u. Pangli y amki naichi awi, mymy ai palo u! Kamlo prichi hawi hunichira y awm nai khumi bawibawichi awi, khulym thui u!

ISAIA 46:13

Kai ly nangchi law tleaung ai nai neng kasa hai ai. Huni neng ly pipi palo y leang bo. Kai ly atleu y nai py awm pi vui ai ny y. Kaimy Jerusalem mary ai atleu iy, Israela chengchi ai tahm asang hai ai.”

ISAIA 48:20

Babulon pri i dengdairei theu u; tlamsa naimy tako u! “Areng ly mymy i miseaung Israela chengchi ai atleu bo! nanai satang ai amo theu parai naimy aeu u; meingtym tleirei y amthang hai u.

ISAIA 49:4

“Kai ly kalopchi kasa, na i py ati sai py ny y lawh! Kai ly atho naini kakheih teu ni ly ati sai py amcheang y, nanai katheu bo. Na i py kai ly kaimy i kalopchi amsym ai nai Areng ai ym na sy. Mymy ly kai i sa nai kalop molam y, kawn vangchi ang pei ai.

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

ISAIA 51:5

Kai ly jeu hawi kaliki iy nichi ai atleu ai. Kai i eaung naira nga ai nai neng ly kasa bo. Khumi cheng cheaungkhangchi ai, kaimy kypkyp my peang ai. Pri takhra i khumichi ly kai, jeu ai nai ajeng u nai ne. Mymychi ai atleu ai, nanai athang khai nai hawimy, nichi ly kai ai ajeng u bo.

ISAIA 59:20

Areng ly mymy i khumichi teng y, “Kai ly kamngochira i uikheih nai Israela cheng bawibawichi ai atleu ai nai, Jerusalem mary y kangjeu ai.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

MATTHAI 21:5

nanai, amo i labeaung thui nai ly tym thai ai nai huni ly awm nai bo.

MARKA 16:15

Naibaly mymy ly nichi teng y, “Khaileaung pri verei y chei u ly, Tameuh i sa naichi bawibawi teng y Satang Kahawi thui u.

JOHAN 12:15

Khen cham, nang i Samrang ly keaungngo kano kasau cho tleaung y atang naimy ang jeu ai,” nanai tajiu nai kamta.

Leu Thui Nai 30:4

Nangchi ly khaileaung pri meingtym tleirei y ahei akyhkyh teu i py, nangchi i Areng Tameuh my pangym achu iy,

AMTENG HAI NAI 22:12

Khen cham, kai kang jeu praw ai; khumi cheaungkhangchi i atiti sa nai kamta khyp my pei ai nai, kai i kawn nai vang ly kai teng y awm.