ISAIA 61:8 - Khumi Common Language Bible

⁸ Areng my, “Kai ly leu meitang adyh adawi nai ai kawn, lawm nai hawi pahyp y naimy ana nai ai ly niu ngai y. Kai i khumichi teng y ka-ym awm nai kawn vang pei ai Nichi hawi py deungtasarei leu maikawm asa ai.

ISAIA 61:8 ပူးပေါင်းရင်းမြစ်များ

ATITI AWM ANGCHEI NAI 17:7

Hini ly deungtasarei leu maikawm ne i, nang hawi nang i kangpreang deung kangthauchi teng y py kaimy i leu adeu nai ly kakhaw hai jo ai. Kai ly nang i kangpreangchi i Tameuh hawi nang i Tameuh ne ai.

2 SAMUELA 23:5

Hunai kamta teang, Tameuh ly kai i katu chanauchi ai amtheaung naira pei ai; ati mana nai mo nabaly mymy ly phra pajau y, athli vui thai y nai deungtasa Leu Maikawm ly kai hawi asa nai deaungkho y ne. Hunaibaly kai i kangai angym bo; hini ly kai i eaung naira ne; huna nai kamta tym hai ai nai Tameuh ly dawn pi khyp ai.

SAM 105:10

“Kai ly nang ai kanan pri kang pei ai; nang ly huni pri amtym ai,” nanai

SAM 11:7

Areng ly hawi nai ne i, kahawi sa nai khrei; kahawi sa naichi ly mymy i meimai niu u ai.

SAM 32:8

Areng my, “Kai ly nang i tako ai avo nai lam kang patei pi ai. Nang ai tau kang pei iy kang kry ai.

SAM 33:5

Areng ly meitang naimy tara chih nai ai khei nai ne. Mymy i khaw parai nai tamen naira ly khaileaung pri y khiu bo.

SAM 37:28

Ati mana nai mo nabaly Areng ly kahawi sa nai ai kawn iy, mymy ai ka-ym awm nai khumichi ai khai su y nai deaungkho y ne. Mymy ly nichi ai avawrei ama hai bo. Na i py khumi hawi y naichi i kangpreangchi ly pri pala nai avum ai.

SAM 45:7

Nang ly leu meitang ai ngai iy, hawi y naira ai niu ngai y bo. Hunai deaungkho y nang i Tameuh napi nai Tameuh ly nang ai vawi takhra nai bo y, takhra samrang bawibawichi tleaung y tahm asang iy, amo theu naira napi nai asitui lei pi bo.

SAM 50:5

Mymy ly “Apathyp nai molam y kai hawi leu maikawm asa iy, ka-ym awm naichi kai teng y achu hai u,” nanai leu pei bo.

SAM 62:10

Khrukhra naira ai a-ym u moh; lawm nai kalop hawi ly hawi naira nga ai, nanai athang khai u moh; nangchi i yhmtheaung katuichi ly peung hai teu i py, hunichi ai a-ym u moh.

SAM 99:4

Sa thai naira len parai nai samrang awi, nang ly kateng lam ai khrei; nang ly Israela pri y leu meitang kawi hai; kateng lam hawi leu meitang ai khaw hai nai ne.

LEU KACHENG 3:6

Nang i sa naira tleirei y, Areng ai pany jo ba; huna baly mymy ly nang ai lam kateng ang patei ai.

LEU KACHENG 8:20

Kai ly khumi kahawi i lam napi nai, leu meitang adyh adawi nai lam y tako bo.

ISAIA 28:17

Huni langdeng i vui adyh adawi nai suju vuinawn, kataw kateng pata nai vuinawn palawn iy teaung ai. Naibaly kai ly ali pui khu pui kamta nangchi a-ym nai li-tapawp nairachi paleang pi pawn ai. Tavo tui leaung nai kamta nangchi i chymme nai py, phra hai pawn ai.

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

ISAIA 5:16

Na i py ati cheaungkhang sa thai nai Areng ly kahawi sa nai dengdairei mymy i nang parai nai patei pi ai. Mymy i nang parai nai hawi chai parai nai amthang hai ai.

ISAIA 54:10

Mawi katheang kalenchi ly anawi iy phra pawn ai. Na i py nangchi i tlang tleaung y kai i tamen nai ly mana khala py tem ai ny y. Aly nai leu ka-deu ai, kai ly khaw hai jojo ai, nanai nangchi ai tamen nai Areng my leu pei bo.

ISAIA 55:3

“Kai i khumichi awi, kai i leu tangai iy, kai teng y jeu u. Hina nai kamta sa baly nangchi ly hengra nga u ai! Kai ly nangchi hawi deungtasarei leu maikawm asa iy, Davida teng y adeu nai amtheaung nairachi ly nangchi teng y kang pei ai.

ISAIA 56:1

Areng my mymy i khumichi teng y, “Kai ly kra y naimy nichi ai atleu ai. Hunai deaungkho y nangchi ly hawi naira hawi, adyh adawi naira so u.

ISAIA 66:22

“Khaileaung kangtha hawi kani kangthachi ly kai i sa thai nai saho y khaw jo nai kamta, nangchi i amyn hawi kangpreangchi ly khaw u jojo ai.

JEREMIA 32:40

Kai ly nichi hawi deungtasarei Leu Maikawm asa ai. Nichi ai amtheaung hai jojo ai. Nichi ly kai ai mana khala py khai su y ai nai, nichi i paleung theung y kai ai jei kaji naimy tahm khai nai paleung ka-dawn nga hai ai.

JEREMIA 9:24

Amlyh am-e ai ngai nai khumi leaung leaungrei awm lawh teu baly, huni khumi ly kai i satang pany naira naini amlyh am-e ai nai tla. Ati mana nai mo nabaly kai i tamen naira ly khaw parai iy, kai i sa nai kalop ly adyh adawi naira hawi, kahawi sa naira awm nai deaungkho y ne. Hini kalopchi ly kai i kangai ne. Hini ly kai Areng i thui nai leu ne,” napi.

Ezekiela 16:60

Na i py nang deaungdi khala, kai i sa nai Leu Maikawm ai adawn ali teang iy, nang hawi deungtasarei khaw nai Leu Maikawm asa ai.

Ezekiela 34:25

Nichi i vui ka-ym awm ai nai kai ly nichi hawi aly nai Leu Maikawm asa ai. Ka-jei awm nai mawi kasi bawibawichi ai pri theung i nai patheu pawn ai. Huna khala naini kai i beramchi ly chymme naimy thengreung theung y awm u ai i, daichi theung y i u ai.

MALAKHI 1:13

Nangchi my, ‘Hini leaungsaichi sa nai ly kaichi paleih na bo!’ nanai thui u iy, notareang pasui hai iy, kai ai tahm khai u y bo. Nangchi ly nangmychi paviu iy nga nai tawnbawi ai py, kheu tleu nai, ti y baly no nga nai tawnbawi ai py, kai i vui katalamra palawn iy syn u bo. Kai ly hini katalamrachi kawn pi ai, nanai nangchi athang khai u a?

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.

II THESALONIKA 3:5

Naibaly Areng ly nangchi i paleung ai ly Tameuh ai tamen naira mang y hawi, Krista i kham tanga naira mang y pahawi sy.