ISAIA 61:1 - Khumi Common Language Bible

¹ Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

ISAIA 61:1 ပူးပေါင်းရင်းမြစ်များ

SAM 102:20

Areng ly salo ka-sang meingtym kachai mang dengdairei khen kathiu bo; mymy ly kani pri mang dengdairei meung iy, khaileaung y khen patawm nai ne.

SAM 147:3

Mymy ly paleung phra naichi ai paleung awm hai nem iy, nichi i tamokalemchi ai bam pi typ nai ne.

SAM 149:4

Areng ly mymy i khumichi ai tamen nai ne; tahm anem nai khumichi ai, eaung nai hawimy tahm pasang u.

SAM 2:6

Mymy ly “Tahm asang parai nai kai i Zion mawi salo y, kaimy vawi takhra nai samrang ai kaimy kapalyn bo,” napi.

SAM 22:26

Khumi kamawnchi ly kajeu kawi pa-rei cha ai nai nga u ai. Tameuh teng y ahihawi nai khumichi ly mymy ai palo u ai. Nichi ly deungtasarei hawi naira nga u ai!

SAM 25:9

Paleung apanem nai khumichi ai lam kateng mang y pahawi iy, nang i kangai patiu pi kyh ba.

SAM 34:18

Areng ly paleung phra nai khumichi sahawi y awm. Athang khai naira pipi by y naichi ai atleu pi bo.

SAM 45:7

Nang ly leu meitang ai ngai iy, hawi y naira ai niu ngai y bo. Hunai deaungkho y nang i Tameuh napi nai Tameuh ly nang ai vawi takhra nai bo y, takhra samrang bawibawichi tleaung y tahm asang iy, amo theu naira napi nai asitui lei pi bo.

SAM 51:17

Aw Tameuh, kai i talam nai kapathypra ly tahm anem parai nai paleung ne; nang ly tahm apanem iy uikheih nai paleung ai khai su ai ny y leang.

SAM 68:7

Aw Tameuh, nang ly nangmy i khumichi ai pahawi iy daichi ka-vym tako prei nai khala py,

SAM 69:32

Hina naichi niu nai khala y ana naira avum nai khumichi ly amo theu u ai; Tameuh ai chiu nai khumichi ly atho nga u ai.

THEU NAI 28:41

Huni baichu ateaung alangchi ai nang i amjo Aron hawi ni i chapochi ai hini ateaungchi amthyp hai; naibaly nichi ly kai i kalop sa nai keungchi lawm ai nai olive asitui leih iy, tahm palyn pi ai nai tla.

THEU NAI 29:7

Hunaibaly ni i lu tleaung y asitui lei iy, tahm palyn pi ai nai tla.

ISAIA 29:19

Khumi kamawnchi hawi tahm anem nai khumichi ly Israela chengchi i nang parai nai Areng Tameuh my pei nai, amo theu naira nga u ali teang ai.

ISAIA 30:19

Jerusalem mary y awm nai khumichi awi, nangchi ly vo pi u ai ny y. Areng ly pahen nai ne. Sabawm naira nga ai nai mymy teng y nangchi a-au u nai khala y, mymy ly tangai iy pathang pi ai.

ISAIA 30:26

Lo ly kanito tanrei angvang naimy, kanito py kanito saryhrei vanrei theu nai kamta, kari tleaung y phy saryhrei angvang na ai. Mymy ly mymy i khumichi nga nai tamo kalemchi ai kanih hawi bam iy, tamochi ra y asi sa pi nai hawi nai khala y, hini atitichi ly tym ai.

ISAIA 32:7

Ni ly khumi hawi y nai ne i, hawi y nairachi naini sa thai khyh. Khumi kamawnchi i nga ai avo naichi ngo y vui ai nai, li-tapawp iy dawn pasym reng.

ISAIA 40:9

Aw Jerusalem mary, mawi ka-sang y lyn iy, satang kahawi amthang hai ba! Aw Zion mawi, raawi pajeng parai naimy satang kahawi amthang hai ba! Jei moh, paleung theung y khai y naimy katheu keng ba. Juda marychi teng y nichi i Tameuh jeu ai,” nanai thui pi!

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 42:7

Nang ly mei kamjuchi ai mei angvang hai iy, theaung kaveng takunchira y awm nai khumichi ai, law tleaung hai ai.

ISAIA 48:16

“Vai, kai i sahawi y jeu iy, kai i thui nai leu tangai u. Kai ly angchei khala i my nangchi teng y kang thui pi keng veng bo. Huni leaungsai amteaung nai khala my, kai ly awm,” napi. (Vai, Areng Tameuh ly kai ai sa thai naira pei iy ang pato nai ne.)

ISAIA 49:9

Theaung tla nai khumichi teng y, ‘Amy ngaingai theu u!’ nanai py, kaveng theung y awm nai khumichi teng y, ‘Kangvang y theu u!’ nanai py kang thui pi ai. Nichi ly mawi aheungchira y teicha tlai nai beramchi hawi atawm ai.

ISAIA 52:7

Aly nai satang kahawi syn pi nai keung, savai leaungrei mawi aheung tako prei nai ai niu nai ly khri pa-rei apu parai na ly! Huni savai ly atleu nai satang thai hai iy Zion mary ai, “Nang i Tameuh ly samrang ne!,” napi.

ISAIA 52:9

Jerusalem mary i phra seaungkhrang nai yhm hlauchi awi! Amotheu naimy aeu u. Areng ly mymy i khumichi ai awm hai nem bo. Mymy ly Jerusalem mary ai atleu bo.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 57:18

Nichi ati mana sa u mo, nanai kai ly niu bo. Na i py kai ly nichi ai no hawi sa pi ai; lam patei iy sabawm ai. Paleungsi vo tangam naichi ai awm hai nem ai.

ISAIA 59:21

Nangchi hawi leu maikawm asa ai. Kai ly nangchi teng y kai i sa thai naira hawi parip naichi kang pei ai. Hunichi ai vai i dengdairei, nangchi hawi nangchi i kangpreangchi ly deungtasa khrairei sa patawm u jo ai nai tla,” napi.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

JEREMIA 34:8

Samrang Zedekiah hawi Jerusalem mary i khumichi ly Juda cheng tengtawi miseaung apalawn y ai nai molam y,

JEREMIA 52:33

Hunai deaungkho y Jehojakhin ly theaung i ateaungchi aleng ai nai nga iy, heng nai sala ryrei samrang hawi vanrei cha nei ahawi ai nai nga.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

HOSEA 6:1

Khumichi my, “Areng teng y vawi u ali teang sina! mymy ly achi ai tamo kalem nga hai teu i py, tamo tha pa-rei hawi ang sa pi ai. Tamo nga hai teu i py, huni tamo ai bam pi y ai a?

Levi 7:35

Hini phy ly Aron hawi ni i chapochi ai pathyp pi nai keung y tahm palyn nai kani y, Areng teng talam nai tawnbawichira i vui pi nai phy ne.

MIKHA 3:8

Na i py kai ly Israela chengchi teng y mymychi i sa tamang naichi pany hai ai nai Areng i phailo sa thai naira, leu meitang naimy tara chih pajau nai haiho hawi sorai paleung kawi angym bo.

MATTHAI 11:5

mei kamjuchi ly mei angvang u bo, kheu kangbaichi py tako u bo, keaungsichi ai py paichai bo, kano kapangchi py kano ha u bo, kadeichi ai py pathau bo, khumi kamawnchi teng y py Satang Kahawi thui pi bo.

MATTHAI 3:16

Naibaly Isu ly baptisma nga pajau bo nabaly mymy ly tui theung i dengdairei theu praw: naibaly khen cham, kani am-eaung iy Tameuh i Phailo ly buhu ka-tawm kathiu i, mymy i tlang tleaung y chym nai niu.

LUKA 7:22

Naibaly mymy ly nini teng y, “Tako hawi ali teang ly, nangni i atiti niu nai hawi thai nai ly Johan teng y thui pi; mei kamjuchi py mei angvang u bo, kheu kangbaichi py tako u bo, keaungsichi ai py pachai bo, kano kapangchi py kano ha ali u bo, kadeichi ai py pathau bo, khumi kamawnchi teng y py Satang Kahawi thui pi bo.

JOHAN 1:41

Ni my ly ni i amjo Simon ai hau manme i ni teng y “Kaini ly Messia ai niu bo,” napi; (huni ly Krista nanai sai ne.)

JOHAN 3:34

Tameuh i pato nai keung ly Tameuh i leu thui reng; Tameuh ly pata kalei iy Phailo ai pei nai ny y.

AMTAW 10:38

Nazaret Isu i molam leu ly, huna nai Tameuh my ni ai ly Phailo Kachai hawi, atiti sa thai naira y khai takhra nai sai ly; mymy ly atiti kahawi sa nai hawi, diabola i ana nai bawibawichi ai hawi sa pi ai nai amki. Tameuh my mymy teng y awm nai deaungkho y.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

AMTAW 4:27

Hini avang y ly nang i Miseaung kachai nang i rimui paju nai Isu i tlang tleaung y ly nang i kiu hawi paleung y tym ai nai khai takhra rym nai ngierei ly sa ai nai,

II KORINTH 3:17

Naibaly Areng ly Phailo ne: naibaly Areng i Phailo awm naira ngierei y ly alaw naira awm.

II KORINTH 7:6

Na i py tahm anem naichi ai awm hai nem nai keung Tameuh my ly Tita ang jeu nai deaungkho y kaichi ai ang awm hai nem bo;

HEBRAI 1:9

Nang ly hawi naira ai ly ngai i, hawi y naira ai ly nang ly niu ngai y; hunai deaungkho y Tameuh, nang i Tameuh ly nang i ahawichi tleaung y ly nang i tlang tleaung y amo theu nai rimui khri pa-rei ang thi nai bo he,” napi.