ISAIA 60:9 - Khumi Common Language Bible

⁹ Huni samphochi ly pri kamlo mang i dengdairei, Tameuh i khumichi ai, mychi pri mang y tang nai samphochi ne. Hunichi ly Israela chengchi i chai parai nai Tameuh ai palo ai nai muku hawi tangkachi syn u. Mymy ly mymy i khumichi ai tahm pasang nai ne.

ISAIA 60:9 ပူးပေါင်းရင်းမြစ်များ

ATITI AWM ANGCHEI NAI 9:27

Tameuh my Japheth ai ly tahm pasang sy! Mymy i kangpreangchi ly Sema hawi vanrei awm u jojo sy! Kanan ly Japheth teng y miseaung achei sy,” napi.

1 ARENG KEH 10:1

Sheba pri i samrangnu ly Solomon i amyn amthang nai sai thai i, rai parai nai leuchi hawi samrang ai cham ai nai Jerusalem mary y jeu bo.

1 ARENG KEH 10:22

Samrang ly Hiram i sampho kamkawmchi hawi vanrei, ka-sum ka-pai sa ai nai pangli samphochi awm. Huni samphochi ly saneng thomrei y tlenrei mychi pri y vawi teang iy muku, tangka, kasai nuh, khumi kalai hawi kalaichi py syn pi reng nai ne.

1 ARENG KEH 22:48

Samrang Jehoshapha ly Ophira pri i muku la ai nai pangli samphochi sa i py, huni samphochi ly Ezijokeba ra y phra nai deaungkho y, sampho theu pajau y bo.

1 ARENG KEH 8:41

Kamlo paraira y awm nai pri takhra cho leaungrei ly nang i amyn amthang nai sai hawi nangmy i khumichi i vui sa pi nai nang parai nai satang py, thai nai deaungkho y, nang ai chiu ai nai hini Achura Yhm y tym iy chiu sa hnei takeng nai khala,

SAM 48:7

liliu nanai sampho puichi kamta py, jei hyn u bo.

SAM 72:10

Spain pri hawi tlawnchira i samrangchi ly kahm pei u ai; Arabia pri hawi Ethiopia pri i samrangchi ly langseaungchi syn u ai.

SAM 97:1

Areng ly samrang ne! Khaileaung awi, amo theu! Panglichira y awm nai tlawn bawibawichi awi, amo theu u!

THEU NAI 33:19

Areng my, “Kai i nang parai nai ngierei nang ai patei iy kai i amyn kachai py, nang teng y amteng hai ai; kai ly Areng ne; kaimy vawi takhra nai khumichi teng y, tamen naira hawi pahen naira kapatei reng nai ne.

LEU KACHENG 18:20

Nang ly nangmy i leu katheu nai tamang baly, katamanglai nga ai.

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 2:16

Mymy ly len keh, apu keh nai samphochi ai py, tup hai pawn ai.

ISAIA 24:15

nisi mang i khumichi my, mymy ai palo u ai. Pangli peang y awm u nai khumichi py, Israela chengchi i Areng Tameuh ai palo u ai.

ISAIA 42:10

Khulym kangtha thui iy, Areng i nang parai nai ai palo u. Khaileaung pri i khumi bawibawichi awi! mymy ai palo nai khulym thui u. Pangli y amki naichi awi, mymy ai palo u! Kamlo prichi hawi hunichira y awm nai khumi bawibawichi awi, khulym thui u!

ISAIA 42:4

Ni ly paleung phra atho di ai ny y. Khaileaung pri y ka-dyh ka-dawi naimy peang nai ly khaw jojo ai. Kamlo prichi py ni i parip nai ai, paleung apei parai naimy ajeng u ai,” napi.

ISAIA 43:4

Nangchi ly kai i vui khri pa-rei vang teng nai khumichi ne i, kaimy tamen iy tahm kapasang naichi ne nai deaungkho y, kai ly nangchi ai atleu ai nai, khumi chengchi ai khai su ai.

ISAIA 43:6

Nichi theu u ai nai tosyh mang py, nichi ai paka y ai nai tokalawi mang py, kaimy thuipi ai. Khaileaung pri meingtym tleirei y awm nai pri kamlora i, kai i khumichi vawi u ali teang ai.

ISAIA 46:13

Kai ly nangchi law tleaung ai nai neng kasa hai ai. Huni neng ly pipi palo y leang bo. Kai ly atleu y nai py awm pi vui ai ny y. Kaimy Jerusalem mary ai atleu iy, Israela chengchi ai tahm asang hai ai.”

ISAIA 49:1

Pri takhra i khumi cheng cheaungkhangchi awi, kamlora y awm nai khumichi awi, kai i thui nai leu nangchi tangai u! Kai ai tapen y rai khala my Areng ly kai ai vawi takhra iy, mymy i miseaung y ang khai bo.

ISAIA 49:22

Areng Tameuh my mymy i khumichi teng y, “Kai ly khumi cheng cheaungkhangchi ai ka-ma-ra patei nai khala y, nichi ly nang i cho chanauchi ai ang hawi u ai.

ISAIA 51:5

Kai ly jeu hawi kaliki iy nichi ai atleu ai. Kai i eaung naira nga ai nai neng ly kasa bo. Khumi cheng cheaungkhangchi ai, kaimy kypkyp my peang ai. Pri takhra i khumichi ly kai, jeu ai nai ajeng u nai ne. Mymychi ai atleu ai, nanai athang khai nai hawimy, nichi ly kai ai ajeng u bo.

ISAIA 55:5

Vai, nangchi ly pri takhra khumichi ai palau u ai. Vaichi khala nichi ly nangchi ai pany y; na i py vai ly nangchi teng y amkawm ai nai angpreng naimy, ang jeu u ai! Israela chengchi i chai parai nai Areng Tameuh, nangchi i Tameuh ly hini atiti bawibawichi tym hai ai. Kai ly nangchi ai tahm asang naira hawi, nang parai naira pei ai”.

ISAIA 57:17

Kai ly nichi i kamngochi hawi, ngaiphi ala naichi molam y kado theu nai, nichi ai kapajeng iy, nichi teng i nai hi pi veng bo. Na i py nichi ly paleung tang naimy, mychi i kangai sa u veangveang nai ne.

ISAIA 60:4

Nang i tengpang y ati mana awm mo, nanai khen cham; Nang i khumichi ly mychi i pri y vawi teang ai nai akachu u bo! Nang i chapochi ly kamlo i nai ang jeu u ai. Nang i chaniuchi ai tapawm naimy ang jeu u ai.

ISAIA 60:6

Vawn tang nai kula-iu kanghu puichi ly Midian pri hawi Epha pri dengdairei ang tym iy, nang i meingtym y kawi na ai. Seba pri i muku hawi mui katuichi ang syn u ai. Khumichi ly Tameuh i sa nai sai satang kahawi ai palo u ai!

ISAIA 66:12

Areng my, “Kai ly nangchi ai nang chawn jojo ai nai kang pei ai. Khumi cheng cheaungkhangchi i yhmtheaung katuichi ly mana khala py kang vai y nai tavo tui kamta, nangchi teng y ang leaung ai. Nangchi ly amhm my tamen parai nai y tapawm naimy kanu panei nai deaungdi hawi atawm ai.

JEREMIA 3:17

Huni neng tym nai khala y, Jerusalem mary ly ‘Areng i areng atehra,’ nanai palau ai. Khumi cheng cheaungkhangchi py, huni mary y akachu u iy kai i amyn tahm pasang u ai. Nichi ly mychi i hawi y nai paleung katang kangai mang y sa u ai ny y.

JEREMIA 30:19

Huni meingtym y awm nai khumichi ly palo nai khulym thui u iy, nichi ly amo theu naimy aeu u ai. Kai ly nichi ai khumi peung hai ai i, tahm kapasang ai.

Ezekiela 39:7

Kai ly kaimy i amyn kachai ai kai i khumi Israela chengchi pany u ai nai kasa ai. Nichi ly huni amyn kachai ai thui tamawn ai nai tlo y. Huna nai khala kai, Areng ly Israela chengchi i chai parai nai Tameuh ne, nanai khumi cheng cheaungkhangchi my pany u ai,” napi.

MIKHA 4:13

Areng my, “Jerusalem mary i khumichi awi, paleung ka-echi ai tiu ai nai chei u! Kai ly nangchi ai tamo taki hawi kheupaja muikenchi awm nai si katai kamta, atho awm hai ai. Nangchi ly pri neangneangchi ai ati piupa pajau nai deaungkho y, ta-li ta-pang hawimy nichi i nga nai yhmtheaung katuichi ai lawm vui iy, kani khaileaung peang nai keung kai, Areng teng y talam u,” napi.

MIKHA 7:12

Nangchi i khumichi ly nisi mang Asuria pri dengdairei py, tokalawi mang Aikupta pri dengdairei py, Euphrat tavo jawnbai dengdairei py, palo parai nai panglichi hawi mawichi dengdairei py, nangchi teng y vawi u teang ai.

ZEPHANIAH 2:11

Areng ly nichi ai kaso theu hai ai. Mymy ly khaileaung pri y awm nai tameuhchi ai tama hai ai i, khumi cheng cheaungkhangchi ly mymychi i pri tleitleirei y, mymy ai chiu u ai.

ZEKHARIAH 14:14

Juda khumichi ly Jerusalem mary i vui y amtang hai ai i, khumi cheng cheaungkhangchi i yhmtheaung katuichi napi nai muku tangka hawi ateaung alang neangneangchi ai, atiura i nga nai vawnsai palawn iy la pi pawn ai.

LUKA 2:32

Kai i mei y kaniu bo,” nanai Tameuh ai palo.

JOHAN 17:26

naibaly nang i kai ai tamen nai ly mychi teng y awm i, kai py mychi teng y awm thai ai nai, kaimy nichi teng y nangmy i amyn pany hai bo, kapany hai bi ai,” napi.

AMTAW 9:15

Na i py Areng my ly mymy teng y, “Chei, chei; Cheng Takhrachi hawi, samrangchi hawi, Israela kangpreangchi teng y kai i amyn apu ai nai vawi nai na a;

KALATIA 3:26

Nangchi ly Krista Isu ai ym u nai deaungkho y Tameuh i chanau lawn u be bo;

KALATIA 4:26

Na i py salo mang i Jerusalem naini miseaung ny y i, huni kypkyp ly achi i amhm ne.

JOSUA 9:9

Huna khala nichi my, “Kaichi ly nang i Areng Tameuh i nang parai nai satang thai nai deaungkho y, khri pa-rei palo parai nai pri dengdairei kang jeu u nai ne. Aikupta pri y sa nai ngiereichi py,