ISAIA 60:5 - Khumi Common Language Bible

⁵ Nang ly hini atitichi niu i, amo theu ai. Nang i paleung anghyn ai. Khumi cheng cheaungkhangchi ly mychi i yhmtheaung katuichi ai, nang teng y tym hai ai. Nichi i yhmtheaungchi ly pangli vai mang i dengdairei ang tym hai ai.

ISAIA 60:5 ပူးပေါင်းရင်းမြစ်များ

SAM 119:32

Nang ly kai ai cheng naira am-eaung hai ra nai ne i, kai ly leu pei naichi paleung ngai parai naimy tangai ai.

SAM 34:5

Ana naira avum nai khumichi ly mymy ai angdeang iy amo theu bo. Nichi ly mana khala py, paleung phra u ai ny y.

ISAIA 23:18

Ka-sum ka-pai sa naira i nga nai tangkachi ai Areng teng y talam ai. Hunichi ai pakym achu iy khai ai ny y. Areng ai chiu nai khumichi py, huni tangkachi hawi mychi i ngai nai teicha teineichi, ateaungchi van u ai.

ISAIA 54:2

Nang i awm nai tai ly palen ly taira i kanihchi kadai, aneaung hai moh. Tai vuinawnchi kasau so ly khangmuichi ai khaw pa-rei tahen.

ISAIA 60:11

Khumi cheng cheaungkhangchi i samrangchi ly mychi i vawnsaichi syn u thai ai nai, nang ly nangmy i apai katheu ai, vum, kanithun paeaung ai nai tla.

ISAIA 61:6

Nangchi ai ly Areng i pathyp pi nai keungchi, Tameuh i miseaungchi napi ai. Khumi cheng cheaungkhangchi i yhmtheaung katuichi amtym iy, huna nai amtym nai molam y, nangchi ly amlyh u ai.

ISAIA 66:12

Areng my, “Kai ly nangchi ai nang chawn jojo ai nai kang pei ai. Khumi cheng cheaungkhangchi i yhmtheaung katuichi ly mana khala py kang vai y nai tavo tui kamta, nangchi teng y ang leaung ai. Nangchi ly amhm my tamen parai nai y tapawm naimy kanu panei nai deaungdi hawi atawm ai.

JEREMIA 33:9

Jerusalem mary ly kai i amo theu naira, tahm asang naira hawi amlyh naira lawm ai. Khaileaung pri i khumi cheng cheaungkhangchi ly huni mary ai kaimy peang nai hawi nairachi py, huni mary y kaimy tym hai nai nang chawn nairachi py, thai u nai khala ly kaso theu u ai,” napi.

HOSEA 3:5

Na i py Israela khumichi ly nichi i Areng Tameuh teng y py, nichi i samrang Davida i kangpreangchi teng y py, vawi ali teang nai neng tym ai. Huna nai khala nichi ly Areng ai jei kaji naimy tahm khai u ai. Mymy py nichi ai amtheaung naira pei ai.

MATTHAI 25:16

Naibaly talent pangrei nga nai keung ly huni ly ka-pai sa hai praw i, talent pangrei kamran nga hai bo.

AMTAW 10:45

Naibaly lengkhym takip naichi theung y ym naichi, Petera teng y abang nai ngierei ly, Phailo Kachai pei nai ly Cheng Takhrachi i tlang tleaung y py lei teang nai deaungkho y lyh parai;

AMTAW 11:17

Hunaibaly ‘Areng Isu Krista ai achi ym bo nabaly Tameuh my achi teng y atiti pei nai ly nichi teng y py pei teang nai bo y ly, kai nai Tameuh ai mana ei pajau ai a?” napi.

AMTAW 24:17

“Naibaly saneng kra parai nai bo y ly kai i chengchi teng y atiti pei ai naichi hawi, talam ai naichi syn iy kang tym:

ROM AVANGCHI TENG Y PAWLA I CHA PA NAI 11:25

Amjo amnauchi awi, Cheng Takhrachi ai angym hai y rai khala y Israela khumi phyreichi i tlang tleaung y ly kyh chawn veng naira tym bo, nanai hini leu kathiu ly nangchi pany y ai nai kangai y leang, ti y baly nangchi ly tahm apasang u lawh na.

ROM AVANGCHI TENG Y PAWLA I CHA PA NAI 15:26

Ati mana nai mo nabaly Makedonia hawi Akaia pri i khumichi ly paleung hawi parai naimy Jerusalem avang i khumi kachaichi theung y kamawnchi i vui y acheaung pi veng bo.

II KORINTH 10:15

Kaichi ly jyh hawi khyp nai bo y ly khumi takhrachi i sa akawm naira y ly amlyh y leang; na i py khumi takhra i ka-peang y sa rym nai angchi molam y ly amlyh y naimy, nangchi palem i pri y tym pa-rei Satang Kahawi thui pi thai ai nai,

Leu Thui Nai 33:19

Nichi ly cheng takhrachi ai mymychi i mawi saleung y palau iy, hu y apathyp avo naichi apathyp u bo. Nichi ly pangli hawi pangli peang jeungrei speung theung i yhmtheaung katuichi nga u nai ne.”

AMTENG HAI NAI 21:24

Naibaly cheng cheaungkhangchi ly huni kangvang y ly aleaung u ai i, khaileaung pri i samrangchi ly mymychi i tahm asang naira ly huni teng y tym hai ai.

AMTENG HAI NAI 21:26

vum, nanai ly hu y awm ai ny y: nichi ly cheng cheaungkhangchi i tahm asang naira hawi palo naira py huni teng y tym hai ai:

1 SAMUELA 2:1

Hannah ly hina nai kamta chiu sa nai ne. Areng my kai ai paleung amo theu hai bo; kai ly mymy i sa pi nai saho y amo theu! kai ly paleung ka-echi ai panui hai ai nai nga bo. Tameuh ly kai ai ang sabawm i, kai ly amo theu bo.