ISAIA 60:22 - Khumi Common Language Bible

²² Nang i di keh nai, anem keh nai yhm dengtheung malawn py, sang neangneang peung iy, sa thai naira len nai khumi cheng lawm ai. Neng tym nai khala y kai ly hina nai kamta tym hai kasa ai. Kai ly Areng ne na a!

ISAIA 60:22 ပူးပေါင်းရင်းမြစ်များ

ISAIA 10:22

Vai i neng y Israela chengchi ly pangli spryh jirei vi nawi teu i py, phyreichi naini mymy teng y vawi u ali teang ai. Tameuh ly nichi ai tamyh ai nai paran yb nai ne. Nichi py huna nai tamyh ai nai ataing khyp bo.

ISAIA 5:19

Nangchi my, “Kaichi niu ai nai Areng ly mymy i leu pei nai kamta, so pi kaliki sy. Israela chengchi i chai parai nai Tameuh ly mymy i dawn tau naichi so pi takengkei na sy. Mymy i dawn tau nai achi khen u sina,” nanai thui lawh.

ISAIA 51:2

Nangchi i amsi sangum Abraham hawi Sarah nini i satang dawn pany jo ba. Abraham ai kaimy palau nai thym khala y, ni ly cho chanau by y. Na i py kai ly ni ai cho chanau amtheaung hai iy, ni i kangpreangchi peung hai nai ne.

ISAIA 66:8

Hina nai ka-tawm niu vai, thai vai nai ly ami awm mo? Pri harei ly kanirei y my amthawn nai awm vai a? Zion mary ly Israela pri tapen y rai khala, patang nai kakra avum ai ny y.

DANIELA 2:35

Naibaly tlenrei khyhmy tamo hawi laikan py, kheupaja py, tangka hawi mukuchi py, dei lawm vui bo. Hunichi ly kani pui y choh atyhra meingtym i spryh kamta, ali aho nai kamrawi y ahei pawn bo. Ati sai py lawi amny y na pa-rei, hm pawn nai ne. Na i py lengseaung pui ly khaileaung verei y kawi nanai mawi pui lawm bo.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

MIKHA 4:7

Nichi ly kheu tabai naimy, yhm i dengdairei kamlora y tym u nai ne. Na i py kai ly dei kamthumchi ai atho awm nai khumichi lawm hai ai. Kai ly Zion mawi salo y nichi ai, vai i dengdairei deungtasa khrairei ka-peang ai,” napi.

HABAKKUK 2:3

Huni atitichi meitang khyp ang tym ai nai neng ly tym y leang rai. Na i py kaimy patei ai naichi tym angchi khyp ai nai neng ly ang tym kasa praw ryp ai. Huni neng ly tym patyh kyh ai nai athang khai. Na i py tym angchi khyp ai bo i, ajeng rym naimy awm ba, kra y leang mang.

LUKA 18:7

Naibaly mymychi i tlang tleaung y neaung kham pi rai i py, mymy i vawi naichi, vum kanithun y mymy ai palau nai keungchi ai ly Tameuh my vawitheung tha pi y ai a?

AMTAW 2:41

Naibaly ni i leu tangai nai ngierei ly baptisma nga bo, naibaly huni kani y ly khumi sang thomrei awm panawi bi.

AMTAW 5:14

Naibaly neampacho neampachy neangneang Areng ai ym i panawi ra bi bo.

HEBRAI 10:36

Nangchi ly Tameuh i kangai sa nai bo y atiti adeu nai ly nga thai ai nai, kham tanga naira aly ngai u chy bo.

II PETERA 3:8

Na i py ngai parai naichi awi, hini leu sairei nai ly tami u moh, Areng i dawn naira y ly kanirei nai ly saneng sangrei nai kamta lawn iy, saneng sangrei nai py kanirei nai kamta lawn teang.

AMTENG HAI NAI 7:9

Huni bo y kai ly khen i khen cham, theaung cheaungkhangchi hawi, cheng cheaungkhangchi hawi, khumi cheaungkhangchi hawi, leu cheaungkhangchi theung i ami py kati pajau y nai khumi mipui ka-teng ny y naichi ai ly kanih kangleung akhiu nai, kiu y lymlo syn naimy areng atehra hawi Beram Cho i mo y angdo nai kaniu;’