ISAIA 60:2 - Khumi Common Language Bible

² Khaileaung pri y awm nai cheng takhra khumichi tlang tleaung y, kaveng my khiu teu i py, nang i tlang tleaung y ly Areng i kangvang my ko ai. Mymy meimai i phum-ang sangso ly nang i tlang tleaung y tym iy awm jo ai.

ISAIA 60:2 ပူးပေါင်းရင်းမြစ်များ

1 ARENG KEH 8:11

Huna nai Achura Yhm ly Areng i nang parai naimy kawi nanai deaungkho y, pathyp pi nai keungchi ly mychi i kalop sa ai nai Achura Yhm theung y kun ali teang thai y bo.

SAM 102:16

Areng my Zion mary palum teang nai khala ly mymy i nang parai nai sai amteng hai ai.

SAM 80:1

Israela chengchi i beram typ nai keung awi, kaichi i hnei takeng nai tangai pi kyh ba. Beram kanghuchi ai pahawi nai keung awi, kaichi i hnei takeng nai tangai pi kyh ba. Kheruben salo y awn nai keung awi,

ISAIA 2:5

Jakob i katu chanauchi awi, vai, achi ly Areng my pei nai kangvangra y aleaung u sina!

ISAIA 4:5

Naibaly Zion mawi hawi huni meingtym y awm achu nai khumi bawibawichi tlang tleaung y, Areng ly kanithun y tamai, vum y maikhyh hawi maiteaung pato pi ai. Tameuh i nang parai nai ly mary verei y khiu iy ama hai ai.

ISAIA 58:10

kajeu alam nai khumichi ai teicha teinei pacho iy, avaw nai khumichi i kangai pei u ai nabaly, nang i kangvang ly nangmy tengpang sahawi i kaveng ai angvang hai ai. Nang i vum kaveng ly kanithun kangvang kamta lawm ai.

ISAIA 58:8

“Nangchi ly hina nai kamta sa u baly, kai i tamen nai kangvang ly khawn kani si sangso kamta, nangchi i tlang tleaung y ang ko iy, nangchi i no naichi py hawi kaliki vui ai. Kai i hawi naira ly nangchi hawi vanrei awm jojo ai. Kai i sa thai naira ly cheaungkhangra y nangchi ai ama hai ai.

ISAIA 62:1

Kai ly Jerusalem mary ai atho pei nai leu thui pi ai. Huni mary ly atleu naira nga iy, nichi i eaung naira ly vum y angvang nai maiteaung kamta, angvang y ryrei ly Jerusalem mary i vui kaawm pypy ai ny y.

ISAIA 66:11

Nangchi ly amhm i paleung tleaung y awm nai deaungdicho kamta, paleung anyp naimy Jerusalem mary i nang chawn naira amtym u ai.

ISAIA 8:22

khaileaung y khen kathiu nai khala py, ngari kamtang hawi taham kasi veng nanai ny y baly, ati sai py niu u ai ny y. Huna nai jei hyn ai hawi nai taham kasi ly huni khumichi teng y tym ai.

JEREMIA 13:16

Nangchi i Areng Tameuh ly kani dym hai nai deaungkho y, nangchi ly mawi salo y athei iy, atlym y rai khala y hawi, mymy ly nangchi ajeng nai kangvang ai kaveng palawn y rai khala y py, nangchi ly Areng Tameuh ai palo u.

Ezekiela 10:4

Areng i nang parai nai kangvang ly huni heng nai amjychi salo y angteang kalau iy, Achura yhm y kun nai pa-kho mang y asyh vui bo. Naibaly Achura yhm ly khupanym my kawi na i, apai ly Areng i nang parai naira hawi angvang phang nai ne.

Levi 9:23

Mosi hawi Aron nini ly Areng i awmra Tabynako theung y kun hawi bo. Hu i nai theu teang nai khala, nini ly khumichi ai amtheaung hai; naibaly khumi bawibawichi ly Areng i nang parai nai kangvang sangso niu u bo.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

Kati Nai 16:19

korah ly khumi mipuichi ai pangym iy, Tabynako katheu pa-khora y Mosi nini Aron hawi mo atha naimy angdo u bo. Huna nai thym khala tlenrei khyhmy Areng i nang parai nai kangvang sangso ly khumi mipuichi mo y angvang bo.

MATTHAI 15:14

Nichi ai paka u reng moh; lam patei nai keung mei kamju teu. Hunaibaly mei kamju ai mei kamju my lam patei baly angawm y tla mei ai,” napi. Naibaly Petera my niteng y,

MATTHAI 23:19

Nangchi mei kamjuchi awi! Mani nai len keh mo? Atiti talam nai a? atiti talam nai ai khai hai takhra nai maicham a?

MATTHAI 23:24

Pahawi nai keung mei kamjuchi awi, nangchi ly changrang ly aeang i kula-iu ly pajawn.

JOHAN 1:1

Angchei y ly Leu awm i, Leu ly Tameuh teng y awm, naibaly Leu ly Tameuh ne.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

JOHAN 1:18

Ami py mana khala y py Tameuh ai niu vai y; Chapo leaungrei awm khyh nai, Ampo teng y awm khyp nai my ly ni i satang thai hai bo.

JOHAN 8:55

Nangchi ly mymy ai pany y; kai naini mymy ai pany; kai ly mymy ai pany y na i khyly, nangchi kamta kai py ka-chawi tla teang ai; na i py kai ly mymy ai pany, ni i leu py tangai.

AMTAW 14:16

Mymy ly jangni y ly cheng cheaungkhangchi ai amymy i lam y tako bawibawi ai nai pei reng.

AMTAW 17:23

Kai pavai nai tarawi y nangchi i chiu reng nai myn khen nai khala y maicham harei, salo y, PANY Y NAI TAMEUH I VUI, nanai tajiu nai kaniu bo. Hunaibaly nangchi i pany y nai chiu reng nai ai ly kang thui pi nai he.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

II KORINTH 3:18

Na i py achi bawibawi ly meimai amym y naimy dengkhang apui kamta Areng i nang parai naira angvang hai nai, nang parai naira i dengdairei nang parai veangveang naimy, achi ly huni kamta vanrei atawm khyp nai awm ai nai, takhra hai dudu nai awm bawibawi, Areng, Phailo napi nai i dengdairei nga nai kamta.

KOLOSA 1:13

Mymy ly achi ai kaveng aly peang naira i nai ang law hai i, mymy i Chapo tamen parai nai i peang naira y achi ai ang khai vui bo;

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;