ISAIA 60:19 - Khumi Common Language Bible

¹⁹ “Kanithun y kanito py, vum y lo py, nang i kangvang lawm ai ny y. Kai, Areng naini, nang i vui deungtasarei kangvang lawm ai. Kai i nang parai nai kangvang sangso ly nang i tlang tleaung y angvang ai.

ISAIA 60:19 ပူးပေါင်းရင်းမြစ်များ

SAM 3:3

Na i py aw Areng, nang ly khupui kamta ka-jeira i nai kai ai ama hai jojo; nang ly kai ai eaung naira pei iy sorai paleung angym hai teang bo.

SAM 36:9

Nang teng i dengdairei heng nai ngiereichi ly hengra nga u bo. Nang i kangvang saho y kaichi ly kangvang nga u nai ne.

SAM 4:2

Khumichi awi, nangchi ly kai ai mana tanrei mei angai u y ai mo? Nangchi ly ati sai py ny y nai ai manatanrei ngai u iy, teng y nai mang y abang u ai a?

SAM 62:7

Kai i atleu naira hawi nang parai naira ly Tameuh teng i nga nai ne; mymy naini sa thai naira len iy, ama hai nai lengseaung pui ne; kai i abyhra ly Tameuh ne.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

SAM 84:12

Ati cheaungkhang sa thai nai keung Areng, nang ai ym nai khumichi ly khri pa-rei taham hawi nai ne!

ISAIA 2:5

Jakob i katu chanauchi awi, vai, achi ly Areng my pei nai kangvangra y aleaung u sina!

ISAIA 24:23

Ati cheaungkhang sa thai nai keung Areng ly samrang lyn ai bo i, lo ly avang y ai; kanito py angvang bi ai ny y. Mymy ly Jerusalem mary Zion mawi salo y peang ai. Khumi mipuichi ai pahawi nai lu sa nai keungchi py, mymy i nang parai nai sai niu u ai.

ISAIA 28:5

Ati cheaungkhang sa thai nai keung Areng ly dei kamthum mymy i khumichi i vui y, phum-ang nang parai nai areng lukhym kamta lawm nai neng kani ang tym ai.

ISAIA 30:26

Lo ly kanito tanrei angvang naimy, kanito py kanito saryhrei vanrei theu nai kamta, kari tleaung y phy saryhrei angvang na ai. Mymy ly mymy i khumichi nga nai tamo kalemchi ai kanih hawi bam iy, tamochi ra y asi sa pi nai hawi nai khala y, hini atitichi ly tym ai.

ISAIA 41:16

Hunichi ai nangchi ly pachaw ai i, ali my hm nai pakheang iy. kamchaichi my ahei seaungkhrang hai ai. Naibaly kai ly nangchi i Tameuh ne nai deaungkho y, nangchi ly amo theu u ai. Nangchi py Israela chengchi i chai parai nai Tameuh, napi nai kai ai palo u ai.

ISAIA 45:25

Kai, Areng ly Jakob i kangpreangchi ai atleu ai. Nichi py kai ai palo u ai.

ISAIA 51:11

Nangmy atleu pi chum nai khumichi ly khri pa-rei amo theu naimy khulym thui iy Jerusalem mary y tym u ai. Nichi ly deungtasarei amo theu u ai i, deungtasarei paleung si vo tangam nai avum u ai ny y.

ISAIA 60:1

Aw Jerusalem mary, anglaw iy kanito kamta angvang ba. Nang i kangvang ly tym bo. Areng i nang parai naira ly nang i tlang tleaung y kangvang ko bo.

ISAIA 9:2

Kaveng theung y tako nai khumichi ly khri pa-rei angvang nai kangvang niu u bo. Nichi ly dei areng i ka-khui khiu nai pri y awm u teu i py, vai ly nichi i tlang tleaung y kangvang sangso tym hai bo.

ZEKHARIAH 2:5

Areng ly mymy naimy mary kamkira y, mai apai kamta awm iy nang parai nai hawimy, huni mary y awm ai, nanai leu adeu yb veng bo,” nanai thui.

ZEKHARIAH 2:9

“Hina nai y Areng mymy kypkyp ly nangchi ai ang tiu ai. Vaichi khala nangchi i miseaung lawm u nai khumichi ly nangchi ai ang tiu u teang ai,” napi nai amteng hai nai hawi vanrei, kai ai ang pato nai ne. Hina naichi ang tym nai khala y kai ai ati cheaungkhang sa thai nai Areng my pato nai ne, nanai khumi bawibawichi pany u ai.

LUKA 2:32

Kai i mei y kaniu bo,” nanai Tameuh ai palo.

Leu Thui Nai 10:21

Mymy ai palo u, mymy ly nangchi i Tameuh ne; mymy ly nangchi i vui rengrang tlai naichi ang sa pi nai ly nangmychi i mei y niu u bo.

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.

AMTENG HAI NAI 22:5

Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.