ISAIA 60:18 - Khumi Common Language Bible

¹⁸ Khrukhra nai katyn katengchi theu ai ny y leang bo. Nang i pri py phra naira avum bi ai ny y. Kai ly mary apai kamta nang ai ama hai iy kang kry ai. Nang py nangmy ai atleu nai molam y kai ai palo ai.

ISAIA 60:18 ပူးပေါင်းရင်းမြစ်များ

2 SAMUELA 7:10

Kai i khumi Israela chengchi i vui awm ai nai meingtym vawi takhra iy, ana patang naira avum hai y naimy, saleaung khuteng chah hai bo. Hini pri y kun khyp khala i dengdairei, khumi hawi y naichi my tiu nai avum teu i py, vai mo mang y ly avum bi ai ny y. Nang ai paleung ka-echi teng i nai lawira nga hai ai i, katu chanauchi peung hai ai, nanai kai adeu bo.

SAM 147:14

Mymy ly nang i mary apai katheu ai chymme pa-rei khai iy, nang ai hawi keh nai chohpui chamaw hawi paleung tuinem hai ai.

ISAIA 11:9

Tameuh i nang parai nai Zion mawi salo y, ka-jeira lawm hai nai, ti y baly hawi y naira ati sai py awm ai ny y. Panglichi ly tui kawi mang nai kamta, huni pri y Areng ai pany nai cheng naira hawimy kawi angym ai.

ISAIA 2:4

Mymy ly khumi cheng kalenchi a-ei nai rym hai ai. Nichi py mychi i haisauchi ai li thawnra tamo, mychi i tivichi ai changpi kalei nai akeichi lawm ai nai thip palai vui ai. Khumi cheng bawibawichi ly mo mang y, mana khala py tavai atiu u ai ny y. Tavai atiu u bi ai nai py aeng u ai ny y.

ISAIA 26:1

Anui mang i khulym ai Juda pri i khumichi my thui u nai neng kani tym ai. Nichi my, “Kaichi i mary ly khaw parai! Atleu pi nai molam y mary apaichi ai ly Tameuh mymy kypkyp my ama hai bo!

ISAIA 26:2

Mary apai katheuchi paeaung chum baly kahawi sa nai khumi cheng, ka-ym awm nai khumi cheng kun ai nai pei u.

ISAIA 51:19

Nang ly ka-jeira phy nyhrei avum bo. Nang i pri ly tavai takai molam y phra pawn bo. Nang i mary i khumichi py, teicha teinei alam u bo. Nang ai tamen nai paleung ang khai nai leaungrei py by y.

ISAIA 54:14

Nang ly hawi nai reita ai sangum khai nai deaungkho y, khaw jo ai. Ana nai hawi jei hyn nairachi tama ai.

ISAIA 56:5

kai teng i dengdairei cho chanauchi tleaung y hawi keh nai amtheaung naira nga u ai. Kai i Achura yhm y py, kai i khumichi theung y py, tami pajau y nai amyn nga ai. Khumichi ly nangchi ai mana khala py tami ai ny y,” napi.

ISAIA 60:11

Khumi cheng cheaungkhangchi i samrangchi ly mychi i vawnsaichi syn u thai ai nai, nang ly nangmy i apai katheu ai, vum, kanithun paeaung ai nai tla.

ISAIA 60:17

“Kai ly nang ai kheupaja jeng y muku, tamo jeng y tangka, dengkeaung jeng y kheupaja kang pei ai. Nang ly lengseaung jeng y tamo nga ai. Nangchi ai peang nai keungchi ai adyh adawi nai hawi tlamsa naimy peang hai ai.

ISAIA 61:11

Tichi ly pato iy keung prau nai kamta, Areng ly mymy i khumichi ai meitang khyp atleu ai. Khumi cheng cheaungkhangchi my py, mymy ai palo u ai.

ISAIA 62:10

Jerusalem mary i khumichi awi, mary theung i nai theu u; amychi i pri y vawi nai nangchi i khumichi i vui lam so pi u! Lam pui lam len so u; lengseaungchi aphi u pawn! Khumi mipuichi pany hai ai nai ka-ma-ra tamkhawnchi theaung u.

ISAIA 62:4

“Paleng vui naira avum nai khumi,” nanai amyn loh ai ny y. Nang i pri py, “Akhai su nai aju,” nanai amyn palau ai ny y leang bo. Nang i amyn kangtha ly “Tameuh my kawn nai neampachy,” nanai lawm ai. Nang i pri py, “Amotheu parai naimy pom nai,” nanai amyn loh ai. Ati mana nai mo nabaly Areng ly nang ai kawn nai deaungkho y, juvo lawm nai keung ly mymy i aju ai tamen nai kamta, nang i pri ai py tamen ai.

ISAIA 62:7

Mymy ly Jerusalem mary ai palum teang iy, khaileaung pri vereichi my palo nai mary lawm hai y ryrei ly nichi ly mymy ai awm py hai ai ny y.

Ezekiela 42:20

Hunai deaungkho y apai ly jeang, ka ka-meaung miu chungvai pangrei awm nai khaileaungra pahi nai ne. Hini apai my meingtym kachai hawi chai y nai meingtym ai patleh takhra bo.

MIKHA 4:3

Kamlo kangsara y awm nai atho awm nai prichi i, ka-jo ka-thuichi padyh padawi pi ai. Nichi ly mymychi i akeibochi, li thawn tamochi palawn ai nai py, tivichi ai changpi kalei nai akeichi palawn ai nai py thip u ai. Pri tengtawi tavai atiu bi ai ny y. Tavai atiu ai nai angveirym nai py, awm bi ai ny y.

ZEPHANIAH 3:19

Nang ai ana nai khumichi ai kaimy pajeng ai nai neng tym ai. Kai ly kheu tabai nai khumi bawibawichi ai atleu iy, pri palara avum nai khumichi ai, mymychi i pri y pahawi ai. Nichi i kangji nga nai ly tahm awm nai mang y amtlau hai ai. Khaileaung pri khumichi my nichi ai palo u ai.

ZEKHARIAH 2:5

Areng ly mymy naimy mary kamkira y, mai apai kamta awm iy nang parai nai hawimy, huni mary y awm ai, nanai leu adeu yb veng bo,” nanai thui.

ZEKHARIAH 2:9

“Hina nai y Areng mymy kypkyp ly nangchi ai ang tiu ai. Vaichi khala nangchi i miseaung lawm u nai khumichi ly nangchi ai ang tiu u teang ai,” napi nai amteng hai nai hawi vanrei, kai ai ang pato nai ne. Hina naichi ang tym nai khala y kai ai ati cheaungkhang sa thai nai Areng my pato nai ne, nanai khumi bawibawichi pany u ai.

ZEKHARIAH 9:8

Kai ly kaimy i pri ai mani tavaimichi py, tako prei thai y ai nai kry ai. Samrang hawi y naichi ai py, kai i khumichi ai ana ai nai pei ai ny y. Kai i khumichi patang naira avum nai kaniu bo,” napi.