ISAIA 6:7 - Khumi Common Language Bible

⁷ Ni ly kai i labeaungteng y mai-ai hawi tabi i, “Nang i labeaungteng ly hini mai-ai hawi tabi chum nai deaungkho y, nang ly kamngo by y, nang ly kamngochi lawira nga veng bo,” napi.

ISAIA 6:7 ပူးပေါင်းရင်းမြစ်များ

ISAIA 40:2

Jerusalem mary i khumichi ai atho pei u. Nichi ly ngari kamtang kra parai pa-rei avum nai deaungkho y, nichi i kamngochi ai vai, kaimy pahen pi bo, nanai nichi teng y thui pi u. Kai ly nichi i kamngo nai ai pajeng nai tym angym hai bo,” napi.

ISAIA 43:25

Na i py kai ly kaimy i tahm awm nai molam y, nangchi ai kamngo pahen pi nai keung Tameuh ne.

ISAIA 53:10

Areng my, “Ni ly kai i kangai y no patang nai avum bo. Ni ly mymy i tlang a-au nai ly kamngo pahen nai kapathypra ne. Hunai deaungkho y ni ly mymy i cho chanau kangpreang neangneang niu ai. Ni ly heng sau ai. Mymy deaungkho y kai i dawn pasym naichi py eaung naira nga ai.

ISAIA 53:5

Na i py achi i kamngo molam y, no pei nai tamo kalemchi nga iy, achi i hawi y sa nai molam y khyh pakhau nai avum nai ne. Ni ly huna nai kamngo pajeng nai kham pi nai deaungkho y, achi ly kamngo lawira nga bo. Ni i nga nai tamo kalem saho y, achi ly no hawi naira nga nai ne.

ISAIA 53:6

Achi bawibawi ly beram kamta lam tamang iy, amychi ngai nai lam y tako u bo. Hunai deaungkho y Areng ly achi hawi ataing nai pajeng naira ly ni i tlang tleaung y tym hai bo.

ISAIA 57:19

Israela pri y awm nai paleung si paleung mawn naichi i labeaung mang, kawn nai leu thui u sy. Kamlo kang sa awm nai khumi bawibawichi teng y tlamsa naira kapei ai! Awmnem naira py kapei ai. Kai i khumichi ai no hawi kasa pi ai, nanai Areng my leu pei nai ne.

JEREMIA 1:9

Naibaly Areng ly mymy i kiu jaha iy, kai i labeaung y ang teaung chum baly, “Tangai ba, nang i thui ai nai leu, vaimy nang ai kang pei ryp bo.

DANIELA 10:16

Naibaly khumi i mo-cha awm nai kani pri amtaw thau nai ly kiu jaha iy, kai i labeaung y nam baly, kai ly kaimy i mo y angdo nai teng y, “Areng awi, hini paleung mei y niu nai ly kai ai khri pa-rei atho di hai nai deaungkho y, kai ly ahyn thlyhthlyh nai ne.

ZEPHANIAH 3:9

Naibaly kai ly khumi cheng bawibawichi ai palum pachai teang iy, nichi ly tameuh takhrachi ai chiu y naimy, kai ai naini chiu u ai. Nichi bawibawi py kai i leu tangai u ai.

ZEKHARIAH 3:4

Kani pri amtaw thau nai ly my i nithun abang nai kani pri chochi teng y, “Hini khumi i amchiu nai chai y nai ateaungchi leng pi vui,” napi chum baly Josua teng y, “Kai ly nang i kamngo kang la pi vui iy, nang amchiu ai nai ateaung kangthachi kang pei ai,” napi.

Kati Nai 16:46

Mosi my Aron teng y, “Nang i mai-ai laawm lo ly hunira y maichamra i mai-ai khai iy, rimui mui katui ai huni mai-ai salo y khai; Naibaly mai-ai laawm ai khumi mipuichi teng y chei hai kaliki ly nichi i vui reita y kachai so pi kaliki! Areng ly nichi ai kado theu hai nai deaungkho y, nichi tlang tleaung y no kanghawi tym hai dudu bo,” napi.

MATTHAI 9:2

Naibaly khen cham, kamkhyn no nai khumi leaungrei ai ira tleaung y aseaung naimy mymy teng y angjeaung u bo: naibaly Isu ly mymychi i ym nai sai niu i, kamkhyn no nai khumi teng y, “Deang awi! Paleung awmnem naimy awm ba: nang i kamngochi ly pahen bo mang,” napi.

I JOHAN 1:7

na i py mymy ly kangvang y awm nai kamta achi py kangvang y tako baly, achi ly vanrei amkawm leungtang nai ne, naibaly mymy i Chapo Isu i thi my achi i kamngo bawibawi ang pachai pi.